मरकुस 10:40 - Sirmouri

⁴⁰ परह् कोसी सुऐं ढबे, अरह् डेरे ढबे बईठाल़्णा, मेरे बस दो ने आथी, किन्देंखे के ऐजी जागा तीनिहीं खे असो, जिनखे हीज़को फरमाँव अंदो असो।”

सिरमौरी नौवाँ नियम

⁴⁰ जोबै कै एसी फैसला का औधिकार मुंकैई ना आथी कै पौरमेशवर कै राज्य दा आदर कै जौगैह ऐक मैरै सोऐं औरौ दूजा मैरै डैरै ढौबौ कुण बोठला। पौरमेशवरे ऐजै जौगैह आपणै चोणेयौंदे लोगौ कारिए तैयार कौरे राए।”

मरकुस 10:40 ပူးပေါင်းရင်းမြစ်များ

मत्ती 13:11

तबे प्रभू यीशू ऐं जबाब दिता, “तुँओं खे स्वर्गो के राज्य के भेद् की संम्झ देऐ थंऐ, परह् ईनखे ने देऐ थंई।

मत्ती 20:23

प्रभू यीशू ऐ, तिनखे बुलो, “सत्तिखे तुँऐं मेरा बेलुवा तअ पिं-पाँदें, परह् कोसी आप्णें सुऐं ढबे अरह् डेरे ढबे बंईठाल़णों का हंक-अधिकार मेरा ने आथी, ऐजो तिन्खे ही असो, जिन्खे मेरे स्वर्गो के पिता ऐ तियार करी थुवा।”

मत्ती 25:34

“तबे राजा आप्णी सुऐं ढबे के लोग दे: खियों बुल़्ला, ‘मेरे पिता के जाणें कृपा वाल़े लोग! तेसी राज्य के हंक-अधिकारी बंणों, जुण्जे तुओं खे सृष्टी की स्थापंना के बख्ते शी तियार करी थंऐ।

यूहन्ना 17:2

किन्देंखे के तुऐं आप्णें बैटे खे बादी जाँत्ती, अरह् बादे प्राँणीं गाशी हंक-अधिकार देऐ थुवा; के तुवाँरा बैटा ईनू सोभी खे अमर-जीवन दियों, जिनू तुऐं आप्णें बैटे के हाँथ दे देऐ थुऐ।

यूहन्ना 17:24

हे बाबा! मेरी हिछ़्या ऐजी असो, के ऐजे लोग भे जिनू तुऐं मुँह कैई देऐ थुऐ; ऐ भे मेरी गंईलो, तेथी रंह्; जेथै हाँव असो, के ऐ मेरी सेजी बड़ियाऐ देखी सको; जुण्जी तुऐं मुँखे देऐ थंऐ थी, किन्देंखे के ईयों संईसारी की रंचणाँ कर्णो शो आगे भे तुऐं मुँह आरी प्यार करह् थिऐ।

प्रेरितो कै काम 1:7

“प्रभू यीशू ऐ तिनखे ऐजा जबाब दिता, सेजा बख्हत्त बाबा के हंक-अधिकार, अरह् ज्ञाँन के बारे दे जाँण कारी थंणीं, तुवाँरा काँम ने आथी; अरह् ना तुऐं ईन्दें की खोज करे।

इब्रानियों 11:16

परह् से तअ ऐक आच्छ़े आप्णें देश, मंतल्व स्वर्गो की खोज़ दे लागे अंदे थिऐ; ईन्देंखे के पंण्मिश्वर तिनू लोगों का पंण्मिश्वर बुल्णों गाशी तिन्दा संरमाँन्दा ने; किन्देखे के तिन्ऐ तअ तिनू लोगों खे ऐक नंगर बंणाँऐ थुओं थियों।