मरकुस 10:30 - Sirmouri

³⁰ तअ ऐबे ऐसी बख्त्ते तेसी षौह् गुणाँ भेंट्दो ने थी, जेष्णों घर-बार, भाऐ-बईण, माँ-बाबा बाल-बच्चे अरह् जजाऐत-पराँपटी अरह् ईयों संईसारी के संतावें का साँम्णा करणा पढ़ला। अरह् तेसी तबे परलोक दा अमर-जीवन भेंट्ला।

मरकुस 10:30 ပူးပေါင်းရင်းမြစ်များ

मत्ती 12:32

“जुण्जा कुँऐं आदमी के बैटे के बिरूध दे किऐ बात बुलो, तेस्का ऐजा कसूर माँफ करा ज़ाला, परह् जुण्जा कुँऐं पबित्र-आत्त्मा के बिरूध दो किऐ बुल़्ला, तेस्का सेजा कसूर ऐसी ज़ूगौ दा अरह् परलोकं दा भे माँफ ने करा ज़ाँदा।”

मत्ती 13:8

परह् किऐ बींज़ धर्ती की आछी बोंन्द्री भुम्मी दो पड़ो, अरह् से फल़बंन्त हुओ, किऐ षौह् गुँणा, किऐ षाठ गुँणा, अरह् किऐ तीष गुँणा।

मत्ती 6:33

ईन्देंखे तुऐं सोभी शे आगे ही आगे पंणमिश्वर के राज्य अरह् जुण्जो तिनू आछो लागो, तिन्दें की खोज करह्, तअ ऐजी बादी चींजो तुँओं भेंटी ज़ाली।

लूका 18:30

तअ तबे तेसी ऐसी ज़ूगौ दो कंऐ गुणाँ जरूर भेंट्दो, अरह् आँणों वाल़े ज़ूगौ दा तेसी अमर-जीवन भेट्दा।”

यूहन्ना 10:23

अरह् प्रभू यीशू देऊँठी की कंगवाड़ी दे सुलैमान के बंणाँऐ अंदे आँगणों दे रिटी-फीरी रूऐ थिऐ।

प्रेरितो कै काम 14:22

खास-चैले ओकी चैले के मंन पाक्कै कर्दें रंह् थिऐ, अरह् तिनखे से बिश्वाष दे बड़्णों खे हिमम्त्त दियों थिऐ; अरह् से बुलो थिऐ, के आँमों भाँव बैजाऐ दुंख्ह-कल़ेष संह्ऐन कर्णें पड़ले; तबे भे आँमें पंण्मिश्वर के राज्य दे जरूर ज़ाँदे।

प्रेरितो कै काम 16:25

आधी रात्ती के उडे-पूडे संत्त-पौलुस अरह् सीलास प्रार्थना कर्दें-कर्दें पंण्मिश्वर के भजन गाँदे लागे; अरह् ओकी कंय्दी ऐ भे तिनू शुँणी लुऐं थिऐ।

प्रेरितो कै काम 5:41

खास-चैले आँन्दित्त-खुशी हऐयों तियों बड़ी खुम्ल़ी के च़ौत्रें शे आगु हुटे, के आँमों प्रभू यीशू के नाँम शे बै-ईज्त्ते करे गुऐ; ईन्देंखे आँमें बै-जाऐ भागोंईत्त असो!

रोमियों 5:3

सिर्फ ऐजो ही ने, परह् आँमें दु:ख कल़ेषो दा भे आँन्द करह्, ऐजो जाँणियों के कल़ेष शा धीरज,

रोमियों 6:23

किन्देंखे के पापो की मजदूरी तअ मंऊँत्त असो, परह् पंणमिश्वर का बर्दांण अमाँरे प्रभू यीशू मसीया दा अमर-जीवन असो।

2 कुरिन्थियों 6:10

शोक मंनाँणों वाल़े जिऐं असो, परह् सदा आँनन्द करह्; कंगाल जिऐं असो, परह् ओकी भी भहिते धनवाँन बंणाँऐ दियों; तैष्णें असो, जैष्णों आँमों कैई किऐ ने आथी, तबे भे सब-कुछ थह्।

फिलिप्पियों 3:8

ऐती ने, परह् हाँव आप्णें प्रभू मसीया यीशू पंह्छ़याँण्णों खे सोभी शा आछा फाय्दा जाँणू; अरह् ऐसी ज्ञाँन की बरा-बरी दी ऐक नाँम चींजो नुकसाँन ही जाँणू, तिनही के कारण मुँऐ हर ऐक च़ीज छ़ुड़ी दित्ती, अरह् सेजो सब-कुछ़ मुँऐ कुडा़-कर्क्ट जाँणों, जिन्दे लई मुँह मसीया भेटी सको;

2 थिस्सलुनीकियों 2:16

अमाँरा प्रभू यीशू मसीया आपु ही, अरह् अमाँरा परंम-पिता पंण्मिश्वर, जिन्ऐं आँम शो प्यार करह्, अरह् कृपा शे सदा की शाँण्त्ति अरह् पबित्र भोर्षा देऐ थुवा।

1 तीमुथियुस 4:8

किन्देंखे के देह्-शरीर के कसरत्त थोड़े देसो खे हों, अरह् ईन्दें लंई किऐ फ़ाय्दा ने हंदा; परह् पंण्मिश्वर की भगत्ति का लाभ सोभी बातो दा जीवन खे हिम्मत्त दियों; ऐसी बख्त्ते अरह् आँणों वाल़े जीवन का बाय्दा भे ईन्दीखे असो।

1 तीमुथियुस 6:6

परह् खुशी-आँनन्द आरी पंण्मिश्वर के सेवा-भगत्ति सोभी शी बड़ी कंमाँऐ असो।

याकूब 1:12

भागोईत असो! सेजा आदमी जू परख दा डटा अंदा रंह्, अरह् से परख दा पास हऐयों सेजो जीवन को मुँकुट-ताज लंह्दा, जिन्दे का बाय्दा प्रभू ऐ आप्णें पियार कर्णो वाल़े आरी करी थुवा।

याकूब 5:11

दे:खो, आमें सबैर माँर्णों वाल़े खे सभासी दियों; अरह् तुऐ अय्यूब के धीरज-सबैर के बारे दो तअ शुणी ही थुओ! अरह् तेसी प्रभू के कृपा शा जुण्जा प्रतिफल़ भेटा; तुँऐ सेजा भे जाँणोंऐं, जिन्दें लई प्रभू के बैजाऐ करूणा, अरह् दया पर्गट हों।

1 यूहन्ना 2:25

सदा-सदा का अमर-जीवन का बाय्दा भे तिनके ही जाँणें आँमों आरी करा गुवा थिया।

1 यूहन्ना 3:1

बिचार करह्, के कैत्रा गऐरा पियार परंम-पिता पंण्मिश्वर आँमों आरी करह्, जिन्दें का कुँऐ भे किऐ पता नें लाऐ पाँदा, खास करियों संईसारी के लोगों कैई पंण्मिश्वर की पछ़याँण ने आथी; ईन्देंखे के से आँमों भे पंछ़याँण्दी ने, के आँमें तिनकी अलाद असो।

प्रकाशितवाक्य 2:9

हाँव तेरे कल़ेष अरह् दाल़्ज़ि-पंण जाँणू ऐ, (खास करियों तुँऐं धनी-सैठ असो)! अरह् जू लोग आपु-आप्खे यहूदी बुलो, अरह् से यहूदी ने आथी, परह् दुष्ट-शैतान की मंडल़ी असो, तिनकी तुवाँरे बारे दी चुगली भे जाँणू ऐ।

प्रकाशितवाक्य 3:18

ईन्देंखे हाँव ताँव्खे मंत्त-शीख देऊँ, के आगी दो भाड़ो अंदों सुन्नों मुँह कैई शो मोंले लो, के तू धनी-सैठ बंणी ज़ाऐ, अरह् चीट्टे खोट्णों करह् के बाँम्बियों ताँव आप्णें नाँगे-पंण की शर्मिंन्दगी ने हों, अरह् आप्णी आखी दा लाँणों वाल़ा शुरमा करह् के तेरे आगू देखिलो।