मरकुस 10:14 - Sirmouri

¹⁴ प्रभू यीशू ऐ ऐजो दे:खियों, चैले खे घीपियों बुलो, “नहाँन्ड़ियाँ मुँह कैई आँणों दियों, ईनू रूके ने किन्देंखे के पंणमिश्वर को राज्य ऐष्णे को ही असो।

सिरमौरी नौवाँ नियम

¹⁴ यीशुए खेजेबा तिनुखै बौल़ौ, “नानड़िया खै मैरै धोरे आणौ दैव औरौ इनुखै मोना नी कौरौ, जू कुणिए नानड़िया कै जैशणा भोरोशा कौरौ सैजैई लोग पौरमेशवर कै राज्य दै रोन्दै।

मरकुस 10:14 ပူးပေါင်းရင်းမြစ်များ

मत्ती 18:10

“ख्याल थुऐ, के तुँऐं ईनू छुटे मुँझ्षा कोसी भे छुटा छ़ूत्त जाँणियों ने दे:खो; हाव तुँओं खे बुल्णों चहाँऊ, के स्वर्गो दे ईनके स्वर्गदूत्त मेरे स्वर्गो के पिता को मुँह हमेशा दे:खो।”

मत्ती 18:4

जुण्जा कुँऐं आपु-आप्खे ऐसी नहाँन्ड़िया जेष्णाँ छुटा बंणाला, तेसी स्वर्गो के राज्य दा सोभी शा बड़ा बंणाँया ज़ाँदा।

मत्ती 19:14

प्रभू यीशू ऐ बुलो, “नहाँन्ड़िया मुँह कैई आँणों दियों, अरह् ईनू ने रूके, किन्देखे के स्वर्गो को राज्य ऐष्णें को ही असो।”

मत्ती 5:10

भागोईत असो! सेजे जिनू धर्म के कारण सताऐ ज़ाव, स्वर्गो को राज्य तिन्ही को असो।

मत्ती 5:3

भागोईत असो! सेजे जू मंन के शरीफ़ असो, किन्देखे के स्वर्गो को राज्य तिनही को असो।

मरकुस 3:5

प्रभू यीशू ऐ तिनके सासो के कुठूरता दे:खियों, दु:खी हऐयों घीपियों चफेर दे:खो, अरह् तेसी आदमी खे बुलो, “आप्णा हाथ दे”, अरह् तेस्का हाथ चाँगा हुआ।

मरकुस 8:33

परह् प्रभू यीशू तेख्णी पाछू फिरीयों चैले संत्त-पतरस की ढबे दे:खियों झिंड़कियों तेस्खे बुलो, “ओ शैतान, मेरी साम्णें शा दूरका ज़ा; किन्देंखे की तू पंणमिश्वर की बातो गाशी ने, परह् आदमी की बातो दा आप्णा मंन लाऐं।”

यूहन्ना 3:3

प्रभू यीशू ऐ तेस्खे जबाब दिता, के “हाँव ताँव्खे ऐक खास बात बुलू; के जाँव तोड़ी कुँणिंऐ पंण्मिश्वर की तरफ़ शा जन्म ने लों; ताँव तोड़ी से पंण्मिश्वर को राज्य ने देखी सक्दा।”

यूहन्ना 3:5

प्रभू यीशू ऐ तेस्खे जबाब दिता, के “हाँव ताँव्खे ऐक खास बात बुलू; के जाँव तोड़ी कुँऐं आदमी पाँणी अरह् आत्त्मा शा जन्म ने लंह्दा, ताँव-तोड़ी से पंण्मिश्वर के राज्य दा हाजिर ने हऐ सक्दा।

प्रेरितो कै काम 2:39

किन्देंखे के ऐजा बाय्दा तुँओं खे, अरह् तुँवारी अलादी खे, अरह् तिनू सोभिखे भे, जुण्जे हेभी तोड़ी दूर असो; अरह् तिनू अमाँरे प्रभू पंण्मिश्वर ऐ आपु कैई बंऐदी लुऐ।”

प्रेरितो कै काम 3:25

तुँऐं लोग ऋषियों की अलाद, अरह् तेसी बाय्दे के भागीदार असो; जुण्जा बाय्दा पंण्मिश्वर ऐं तुवाँरे पुराँणिऐं की गईलो, तेसी बख्हत्ते पाक्का करा थिया; जबे तिन्ऐं अब्राहम खे बुलो: ‘तेरे बंष के जाँणें संईसारी की बादी जात्तियों खे आशिर्बाद भेट्ला।’

रोमियों 11:16

जबे भेंट के बाटे अंदे आटे के आगली आरी पबित्र बंणी, तअ बादो आटा भी पबित्र बंणो; अरह् जबे जड़ पबित्र बणीं, तअ डाल़ी भी तैष्णी ही पबित्र असो।

रोमियों 11:28

खुषख्बरी के मुँताबिक शे तअ से पंणमिश्वर के बऐरी असो, परह् बईदे अंदें के भाव शे से तिनके नाँना-बाबा के जाँणें पंणमिश्वर के से प्यारे असो।

1 कुरिन्थियों 14:20

हे भाईयों-बंईणों, तुऐं सम्झदे बालक ने बंणें, बुराई खे तअ बालक बंणों परह् संम्झदें ठग्ड़े बंणों।

1 कुरिन्थियों 7:14

किन्देंखे के बिश्वाष्णी घरवाल़ी का बै-बिश्वाषी घरवाल़ा भे तियाँरे बिश्वाष के जाँणें पबित्र माँना ज़ाँव; तैष्णी ही बै-बिश्वाषी तिरंई भे आप्णें बिश्वाषी घरवाल़े के जाँणें पबित्र बंणाँऐं ज़ाँव; ना तअ तुँवारी अलाद भे अशुद्ध रंह्दी थी! परह् ऐबे तुँओं दुई के जाँणें तुँवारी अलाद भे पबित्र असो।

इफिसियों 4:26

कुरूध तअ करह्, परह् पाप ने करे, देस ऊछाँणों तोड़ी तुवाँरा कुरूध भे रूआ ने चेंई;

2 तीमुथियुस 1:5

मेरे तुवाँरे नीष-कप्ट बिश्वाष चीत्ते आँव, जुण्जा सोभी शा आगे मुँऐ तुवाँरी नाँनीं लोइस अरह् तुवाँरी माँ यूनिके दा देखा थिया; सेजा ही बिश्वाष जरूर तुओं दा भे असो।

2 तीमुथियुस 3:15

अरह् ऐजों भे के नहाँन्ड़े शुबे तुँऐं पबित्र-ग्रन्थों दो लिखों अंदो भे जाँणों ऐं, के जुण्जा तुओं खे ऐजी बुद्धी देऐ सको, जिन्दें लंई मसीया यीशू गाशी बिश्वाष के कारण तुओं छ़ुट्कारा भेंटो।

1 पतरस 2:2

जेष्णें नुऐं जन्में नहाँन्ड़िया के दूधो की हिछ़या हों, तेष्णीं ही तुँऐं भे शुद्ध आत्त्मिक दूध की हिछ़या करह्; तिन्दे लई तुँवारी बड़ोत्री अरह् छूट्कारा हों।

प्रकाशितवाक्य 14:5

तिनके मुँह ज़ात्ती शो हेबी तोड़ी झूठ ने निक्ल़ी रंई थी, से बै-कसूर थिऐ।