मरकुस 10:1 - Sirmouri

¹ तबे प्रभू यीशू मसीया तेथै शे बींऊँजियों यहूदिया के सियाने गाशी यरदन नंदी की टीराँव्टी दे आऐ, अरह् लोगो के भीड़ तिन कैई कठी हऐ। अरह् से आप्णें ढंग के मुँताबिक हजो तिनखे शिक्क्षा देंदे लागे।

सिरमौरी नौवाँ नियम

¹ तोबै यीशु आपणै चैलै साथी कफरनहूम नगर छोडे़बा, यहूदिया प्रदेश शै हौयौ यरदन नोंदी कै पाइली ढौबौ हौटा औरौ ऐक बौड़ै भीड़ यीशु धोरे कौठै हौए गौए, औरौ सै आपणै भोवार कै हिसाब शै तिनुखै हौजौ उपदैश दैन्‍दा लागा।

मरकुस 10:1 ပူးပေါင်းရင်းမြစ်များ

मत्ती 26:55

तेसी बख्त्ते प्रभू यीशू ऐ तिनू लोगो की भीड़ खे बुलो, “कियों तुँऐं तरवारी अरह् डींग्गै थागियों मुँह डाकू जेष्णें थाँम्ब्ड़दे आऐ रूऐ? हाँव रोज देऊँठी दा बऐठियों शिक्क्षा देऐया करू थिया, अरह् तुँऐं मुँह थाँम्ब्ड़ी ने।

मत्ती 4:23

प्रभू यीशू बादे गलील दे, रिट्दे-फीर्दें, अरह् यहूदियों के चौत्रें दे शिक्क्षा देंदे रूऐ, स्वर्ग राज्य के पंणमिश्वर की खुषख्बरी का प्रचार कर्दे लागे; अरह् प्रभू लोगो की साँत्त-भाँत्ती बीमारी अरह् रोग, अरह् बादी कंमजूरी दूर कर्दे रूऐ।

मरकुस 1:21

तबे प्रभू यीशू अरह् तिनके साथी फरनहूम दे आऐ, अरह् से तेख्णी बिषाँव के देसे यहूदी लोगो के यहूदी-च़ोंतरे दे ज़ाऐयों शिक्क्षा देंदे लागे।

मरकुस 10:2

यहूदी भाट-बाँम्ण प्रभू यीशू कैई आऐयों, तिनकी परख-अजमाऐष करियों पुछ़दे लागे, “कियों ऐजो यहूदी-निय्म के मुताबिक ऐजो ठीक आथी ने, के मरोद् आप्णी घरवाल़ी शी तलाक-लिख्त्त लों?”

मरकुस 12:35

तबे देऊँठी के आँगणों दे शिक्क्षा देंदे, प्रभू यीशू मसीया ऐ, तिनके साम्णें ऐजा सुवाल थूआ, के “यहूदी निय्म के शिखाणों वाल़े ऐजो कैई बुलो, के मसीया राजा दाऊद के बंष-गड़ी का असो।

मरकुस 14:49

हाँव तअ रोज देऊँठी दा तुँवारी गईलो रंऊँ थिया, तंदी तअ तुँऐं मुँह थाँह्बड़ी ने, परह् ऐबे जू हंदो लागो, से ईन्देंखे हंदो लागो के पबित्र-ग्रन्थों का सेजा लिखा पुरो हों।”

मरकुस 2:13

तबे प्रभू यीशू तेथै शे नीक्ल़ियों झील की टिराँव्टी दे हुटे, अरह् लोगो की बादी भीड़ तिन कैई आऐ, अरह् से तिनखे बचन का बखाँण कर्दे लागे।

मरकुस 4:2

अरह् प्रभू यीशू अनाँणें दी भहिती बातो तिन कैई शिखाँदे लागे, शिक्क्षा देंदी बई तिन्ऐं बुलो,

मरकुस 6:2

बिषाँव के देसे प्रभू यीशू यहूदी लोगो के यहूदी-च़ौंतरें दे बचन का बखाँण कर्दें लागे, अरह् शुणियों बैजाऐ लोगो के तूरंबाँणच़ूटे, अरह् बुल्दे लागे के “ऐस कैई ऐजी बातो केथै शी आई? ऐजा कुँण्जा ज्ञाँन असो, जू ऐस्खे देऐ थुवा, ऐसी ऐष्णें चींन-चंम्तकार के काँम-काज़ कर्णों के तागत कैथे शी भेटी।

मरकुस 6:34

जबे मसीया टिराँव्टी दे पंईंचे, तअ तिन्ऐं ऊदे ऊतरियों लोगो की बैशुमाँर बड़ी भीड़ काट्ल़ों दी खड़ी दे:खी, अरह् तबे प्रभू यीशू तिनू दे:खियों दु:खी हुऐ, किन्देंखे के से बिना भेंड़वाल़े की जेई भैड़ो थी, तबे प्रभू ऐ तिन कैई कंई प्रकार के शिक्क्षा दिती।

मरकुस 6:6

प्रभू यीशू मसीया के तिनका बै-बिश्वाष दे:खियों तूरंबाणच़ूंटे, अरह् से चफेर चोंऊँ ढबे के गाँव दे खुषख्बरी का प्रचार कर्दे लागे।

यूहन्ना 10:40

तबे प्रभू यीशू यरदन नंदी शे पाईले ढबे तेसी जागे दे हजो हुटे, जेथै आगे संत्त-यूहन्ना नहाँण कराँव थिऐ; अरह् से तेथी रूऐ।

यूहन्ना 11:7

ईन्दें पाछी प्रभू यीशू ऐ आप्णे चैले खे बुलो, “आओं! आँमें हजो यहूदीया ईलाके दे ज़ाँऊँबे।”

यूहन्ना 18:20

प्रभू यीशू ऐ तेस्खे जबाब दिता, “मुँऐ संईसारी के सहाँम्णें खुल्म-खुल्ली बातो करी थंई; मुँऐ हमेशा यहूदी च़ौत्रें अरह् देऊँठी दे शिक्षा दिती, जेथै बादे यहूदी निय्म के शिखाँणों वाल़े लोग हों थिऐ; अरह् मुँऐ चूप्पी कंद्दी भे किऐ ने बुली।