मरकुस 1:44 - Sirmouri

⁴⁴ अरह् प्रभू यीशू ऐ तेस्खे बुलो, “दे:ख, कोसी कैई ने बुले, परह् आप्णी जाँच याजक कैई शी करा, अरह् आप्णे शुद्ध हणों के बारेदे ऋषी-मूसा खे भेटे गुऐ अज्ञाँ-निय्म के हिसाब शी भेंट चंढ़ा, जू ईयों बातो की गुवाऐ-शाज़्त हली।”

सिरमौरी नौवाँ नियम

⁴⁴ औरौ तैसीखै बौल़ौ, “दैख, कोसी कैंई बै किछै नै बौलेया, पौरौ यरूशलेम मंदिरो दा जाऐबा आपी खै यहूदी पुरोहित खै दिखा जै तू ठीक हौए गौआ। जू किछै बात मूसाए कोढ़ ठीक हौए जाणौ कै बारै मुंजी दैय राए थी तिथकै हिसाब शै पौरमेशवर कारिए बलिदान चौढ़ा, तोबैई यहूदी पुरोहित सौबी लोगौ खै बौताए सौकौ कै तू ठीक हौए गौआ।”

मरकुस 1:44 ပူးပေါင်းရင်းမြစ်များ

मत्ती 8:4

प्रभू यीशू ऐ तेस्खे बुलो, “दे:ख, कोसी कैई ने बुले, परह् ज़ाऐयों, आपु-आप्खे याजक कैई शा दे:खाईऊँ, अरह् जुण्जा किऐ चड़ावा ऋषी-मूसा खे भेटे गुऐं अज्ञाँ-निय्म दा असो, जेसा तेसके हिसाब शा चढ़ाव, जू लोगो खे सेजी ऐक गुवाऐ-शाज़्त हों।”

मरकुस 1:43

तबे प्रभू यीशू ऐ तेसी पाक्का सम्झाऐयों तेख्णी बिदा करा।

लूका 17:14

जबे प्रभू यीशू ऐं तिनू दे:खे तअ तिन खे बुलो, “ज़ाव अरह् आपु आप्णीं याजकों कैई शे दे:खाईयों।” अरह् जबे से ज़ादे लागे थिऐ, तअ से बाटो ही पुडे चाँग्गै हुऐ।

लूका 5:14

प्रभू यीशू ऐ तैस्खे अज्ञाँ दिती, के ऐजो “कोसी कैई ने बुले; अरह् हेभी ज़ा अरह् आपु याजक कैईं शा दे:खाऊ अरह् आप्णे शुद्ध हणों के बारे दो जू किऐ ऋषी-मूसा ऐ चड़ावा थऐ थुवा, तैसी चढ़ावे के मुँताबिक शो दे, जू सेजी तिन्दे के गुवाह्-शाज़्त हली।”

प्रेरितो कै काम 23:22

तबे पल़ट्ण के सरदार ऐ तेसी जवाँन खे ऐजी अज्ञाँ देऐयों बिदा करा, के “कोसी कैई ने बुले, के तुँऐं ऐजी बात मुँह कैई बुली थऐ।”

रोमियों 15:4

जेतोड़ी बातो आगे ही पबित्र-ग्रन्थों दी लिखी थई, से अमाँरी ही शिक्क्षा खे लिखी गई थी, के आँमें धीरज-सबेर अरह् पबित्र-ग्रन्थों की हिम्मत्त के जाँणें भूर्षा थों।

1 कुरिन्थियों 10:11

परह् ऐजी बादी बातो, जुण्जी तिनू लोगो गाशी बित्ती-पढ़ी, ऐजी बादी बातो आँमों खे चिताऊँणी असो; अरह् आँमों खे ही लिखी थई, किन्देखे के आँमें ऐसी ज़ूगौ दे असो, जू आखरी अंन्त्त के नंजीक असो,