मरकुस 1:39 - Sirmouri

³⁹ से बादे गलील ईलाके दे घूंम्दे-फीर्दे अरह् यहूदी-च़ोंतरे दे ज़ाऐ ज़ाऐयों खुषख्बरी का प्रचार कर्दे रूऐ, अरह् लोगो शी दुष्ट-आत्त्मा गाड़दे गुऐ।

सिरमौरी नौवाँ नियम

³⁹ ऐशैखैई सै सारै गलील जिले कै बौहितै जौगैह दा तिनकै यहूदी सभा-घोरो दा जायौ प्रचार कौरदा औरौ दुष्टआत्माओं खै निकाल़दा रौआ।

मरकुस 1:39 ပူးပေါင်းရင်းမြစ်များ

मत्ती 4:23

प्रभू यीशू बादे गलील दे, रिट्दे-फीर्दें, अरह् यहूदियों के चौत्रें दे शिक्क्षा देंदे रूऐ, स्वर्ग राज्य के पंणमिश्वर की खुषख्बरी का प्रचार कर्दे लागे; अरह् प्रभू लोगो की साँत्त-भाँत्ती बीमारी अरह् रोग, अरह् बादी कंमजूरी दूर कर्दे रूऐ।

मत्ती 9:35

प्रभू यीशू बादे नगर अरह् गाँव दे रिट्दे-फिर्दें रूऐ, अरह् यहूदी लोगो के चौत्रे दे शिक्क्षा देंदे लागे, अरह् पंणमिश्वर के राज्य की खुषख्बरी का प्रचार कर्दे, अरह् लोगों के साँत्त-भाँत्ती बीमारी अरह् कंमजूरी दुर्की कर्दे रूऐ।

मरकुस 1:21

तबे प्रभू यीशू अरह् तिनके साथी फरनहूम दे आऐ, अरह् से तेख्णी बिषाँव के देसे यहूदी लोगो के यहूदी-च़ोंतरे दे ज़ाऐयों शिक्क्षा देंदे लागे।

मरकुस 1:23

तेसी ही बख्त्ते यहूदी-च़ोंतरे दा ऐक आदमी जू दुष्ट-आत्त्मा का भूंचा अंदा लेल्याऐ रूवा थिया।

मरकुस 1:38

परह् प्रभू यीशू मसीया ऐ बुलो, “चालो, कैथी ओक्त्ते ज़ाँऊबे, ईथे केथी नंजीक के गाँव नंगर दे, जेथै हाँव प्रचार करी सकू, किन्देंखे के मेरा ईथे आँणों का ऐजा ही मतल्व असो।”

मरकुस 3:1

जबे प्रभू यीशू मसीया यहूदी लोगो के यहूदी-च़ौंतरे दे थिऐ, जेथै ऐक आदमी थिया, जेस्का हाथ शुका-आकुड़ा अंदा थिया।

मरकुस 6:6

प्रभू यीशू मसीया के तिनका बै-बिश्वाष दे:खियों तूरंबाणच़ूंटे, अरह् से चफेर चोंऊँ ढबे के गाँव दे खुषख्बरी का प्रचार कर्दे लागे।

मरकुस 7:30

तबे तिऐं तिरंई आप्णे घरे ज़ाऐयों दे:खो के तियारी धीं-बैटी माँजे गाशी सुत्ति अंदी थी, अरह् दुष्ट-आत्त्मा तियों शी निक्ल़ी रंऐ थी।

लूका 4:41

अरह् सेजी दुष्ट-आत्त्मा लेल्याँदू अरह् ऐजो बुलियों के “तुँऐं पंण्मिश्वर का बैटा असो” भहुते लोगो शी दुष्ट-आत्त्मा नीकल़ी, परह् प्रभू यीशू तिनू किऐ फिट्को थिऐ, अरह् बुल्णों ने दियों थिऐ, किन्देंखे के सेजी दुष्ट-आत्त्मा जाँणों थी, के ऐजा ही मसीया असो।