मरकुस 1:38 - Sirmouri

³⁸ परह् प्रभू यीशू मसीया ऐ बुलो, “चालो, कैथी ओक्त्ते ज़ाँऊबे, ईथे केथी नंजीक के गाँव नंगर दे, जेथै हाँव प्रचार करी सकू, किन्देंखे के मेरा ईथे आँणों का ऐजा ही मतल्व असो।”

सिरमौरी नौवाँ नियम

³⁸ यीशुए तिनुखै बौल़ौ, “उंढे आंव; आमै कोसी नेड़िक बस्तियौं दै जोऊंबे, कै हांव इथकारिए आए रौआ कै लोगौ मुंजी आछै खोबर का प्रचार कौरु।”

मरकुस 1:38 ပူးပေါင်းရင်းမြစ်များ

मरकुस 1:37

प्रभू यीशू भेटियों तिन के साथिऐं तिनखे बुलो, “सभी लोगे तुँओं जूऐं लुऐ।”

मरकुस 1:39

से बादे गलील ईलाके दे घूंम्दे-फीर्दे अरह् यहूदी-च़ोंतरे दे ज़ाऐ ज़ाऐयों खुषख्बरी का प्रचार कर्दे रूऐ, अरह् लोगो शी दुष्ट-आत्त्मा गाड़दे गुऐ।

लूका 2:49

तबे तेने टंड्कै यीशू ऐं आप्णी माँ खे बुलो, “तुँऐं मुँह, कैई जुह्ऐ लुवा थिया? कियो तुँऐं जाँण्दे ने के मुँखे आप्णें बाबा के भवन दो रंहणों जरूरी असो?”

लूका 4:43

तबे प्रभू यीशू ऐ तिनू लोगो खे बुलो के “मुँखे ओकी नगर दा भे पंण्मिश्वर के राज्य का बखाँण करणा जरूरी असो, किन्देंखे के मुँह ईन्देखे ही डियाल़ी थुवा।”

यूहन्ना 16:28

होर, हाँव बाबा के डेयाल़्णों, शा ही ईयों संईसारी दा आया; अरह् ऐबे मुँऐ ईयों संईसारी छ़ुड़ी लऐ, के हाँव हजो बाबा कैई पाछ़ू ज़ाँऊ।”

यूहन्ना 17:4

जुण्जे काँम-काज़ तुँऐं मुँह कैई कर्णो खे देऐ थुऐ थिऐ, सेजे काँम-काज़ पुरे करियों; मुँऐं ईयों धर्त्ती गाशी तुवाँरी महाँ बड़ियाऐ करी थंऐ।

यूहन्ना 17:8

किन्देंखे के तुओं कैई शी भेंटी अंदी, अज्ञाँऐं मुँऐं तिनखे देऐ थंई; अरह् तिन्ऐ सेजी अज्ञाँ धारण करी थई, अरह् खास करियों ऐजो भे सोत्तिखे जाँणीं पाव; के हाँव तुंओं कैई शा आऐ रूवा, अरह् तिन्ऐं ऐजा भे बिश्वाष करी थुवा; के तुऐं ही मुँह डेयाल़्णों वाल़े असो।

यूहन्ना 9:4

जिन्ऐं मुँह डेयाल़ी थुवा; तिनकी ताँईऐं आँमों खे ऐजो जरूरी असो, के आँमें देसो के सकाल़ै ही तिनके काँम-काज़ करी दियों; किन्देंखे के सेजी रात्त आँणों वाल़ी असो, जबे कुँऐ आदमी किऐ भे काँम-काज़ ने करी सक्दा।