मरकुस 1:27 - Sirmouri

²⁷ सभी के तूरंबाणच़ूंटे, से आपु मुँझी सुच़्दे लागे! “ऐजो सब-कुछ का हंदो लागो? ऐ तअ हाक्म के जेऐ हंक-अधिकार आरी शिक्क्षा दियों! अरह् दुष्ट-आत्त्मा भे ईनकी अज्ञाँ माँनों, अरह् तिन्दें का पाल़्ण करह्।”

सिरमौरी नौवाँ नियम

²⁷ इयौं बातौ लैई सौबै लोग हैरान हौयौ आपी मुंजी पूछदै लागै, “ऐजै का बात औसौ? ऐजा तौ नौवाँ ही उपदैश औसौ! सै औधिकारो कै साथै दुष्टआत्मा खै बै झिड़कै दैंव, औरौ सै तैसकै आज्ञा मानौ।”

मरकुस 1:27 ပူးပေါင်းရင်းမြစ်များ

मत्ती 15:31

लोगे दे:खो, के गूँगे बुल्दे लागे, अरह् ठोहरी-टुन्डे चाँगैं हुऐ, अरह् लगड़े हाड्दे लागे, अरह् शैड़े दे:ख्दे लागे, तअ तिनके तोरबाँणच़ूटें, अरह् तिनिऐं इस्राएल के पंणमिश्वर की बड़ियाऐ करी।

मत्ती 8:9

किन्देखे के हाँव भे कोसी अधिकारी थाई काम करू, अरह् मुँह थाँई भी ऊके सपाऐ असो, अरह् जबे हाँव ऐकी खे बुलू, ‘ज़ा!’ तअ से ज़ाँव ऐ; अरह् जबे ओकी खे बुलू, ‘आ!’ तअ से ऊडा आँव; अरह् जुण्जों हाँव आप्णें दास खे बुलू, से सेजो ही करह्!”

मत्ती 9:33

अरह् जबे तेस शी दुष्ट-आत्त्मा निकाल़ी पाऐ, तअ सेजा गूँगा बुलाँदा लागा। ईन्दें गाशी लोगो की भीड़ के तूरंबाँणच़ूटे, अरह् तिन्ऐं बुलो, “इस्राएली मुँझी आँमें ऐष्णों कद्दी हंदे ने दे:खी थई।”

मरकुस 1:26

तबे सेजी दुष्ट-आत्त्मा तेसी आदमी च़ुड़ी मुंछियों अरह् जुराल़ी लेरंह्-च़ाँडों मारियों तेच्छ़ीं निक्ल़ी गऐ;

मरकुस 1:28

अरह् प्रभू यीशू को नाँव तेख्णी बादे गलील के ईर्द-गिरद के बादे पर्देशो दो फऐली गो।

मरकुस 10:24

चैले के तिनकी बातो शुणियों तूरंबाणच़ूंटे, ईन्दें गाशी प्रभू यीशू ऐ हजो तिनखे बुलो, “हे नहाँन्ड़िया, जुण्जा धंन गाशी भूर्षा करह्, तिनखे पंणमिश्वर के राज्य दो ज़ाणों केष्णों कठीण असो!

मरकुस 10:32

प्रभू यीशू यरूशलेम खे ज़ादे लागे, तअ बाटो पूडे प्रभू यीशू चैले शे आगे-आगे थिऐ: चैले हरान थिऐ, अरह् जुण्जे तिनू पाछी थिऐ, से डरी रूऐ थिऐ। तबे प्रभू यीशू ऐ सेजे आप्णे बारंह् चैले ज़ई नींऐं, अरह् तिन कैई सेजी बातो लाई जुण्जी तिनू आरी हंदी थी।

मरकुस 16:5

तबे से ऊराड़ो दे भिटी हुटी, अरह् तिन्ऐ चीट्टे खोट्णों बाँम्बियों ऐक जुवाँन सोऐं ढबे बईठा अंदा दे:खा, अरह् तिनके तूरंबाणच़ूंटे।

मरकुस 16:6

तेने तिनखे बुलो, “हरान ने हुऐ, तुँऐं प्रभू यीशू नासरी जिनू शुँल़ी-फ़ाँशी दे चड़ाऐ थिऐ, तुँऐं तिनू जूँह्दी आऐ रंई, से ऊबे जीऊँदे हंऐ रूऐ; अरह् से ईथे ने आथी, दे:खो सेजा ऐजा ही ठाँव असो, जेथै सपाईऐं तिनू थंऐ थुऐ थिऐ।

मरकुस 7:37

लोग बैजाऐ हेराँन हऐयों बुल्दे लागे, के “प्रभू यीशू ऐ जुण्जो किऐ करो, सेजो आछो करो; तिन्ऐ जाऐरें-हुक्ल़े खे शुंण्णों अरह् बुल्णों के शक्त्ति दिती।”

लूका 4:36

ईदे गाशी तिनू सोभी के तुर्बाणच़ूटे, अरह् से आपु मुँझी पलियों बोल़दे लागे “ऐजा कुँण ऐ अरह् ऐजा कैष्णा बचन असो? किन्देंखे के ऐ हंक-अधिकार अरह् शक्त्ति लई बिच्की-आत्त्मा खे अज्ञाँ दियों अरह् से आगू हुटो।”

लूका 9:1

तबे प्रभू यीशू ऐ आप्णे बारह खास-चैले बंईदे अरह् तिनू सोभी खे दुष्ट-आत्त्मा अरह् बीमारी दूर कर्णो के शक्त्ति अरह् अ-धिकार दिता।

प्रेरितो कै काम 17:19

ईन्देंखे तिन्ऐं संत्त-पौलुस आप्णी गंईलो अरियुपगुस कैई नीयाँ, अरह् तेस कैई शो पुछ़ो; “कियों ऐजो आँमें भे जाँण्णों चहाँव, के ऐजी नंऐ शिक्षा जुण्जी तू आँमों कैई शी शुँणाँऐं ऐजी का शिक्षा असो?