मत्ती 8:20 - Sirmouri

²⁰ प्रभू यीशू ऐ तेस्खे बुलो, “सीयाल़ी के भे ढूऐं, अरह् अस्माँनों के चोचेटू-चड़कुले के भे कोलों हों; परह् आदमी के बैटे के मुँढो घुसर्णों खे भे जागा ने आथी।”

सिरमौरी नौवाँ नियम

²⁰ यीशुए तैसीखै बौल़ौ, “सेयाल़ी कै डुँ औरौ गौयणै कै चुड़कुल़ै कै कोएलाण हौंव, पौरौ मुं आदमी कै बैटै कैंई घोर बै ना आथी जिथै हांव सोतै सौकु।”

मत्ती 8:20 ပူးပေါင်းရင်းမြစ်များ

मत्ती 12:32

“जुण्जा कुँऐं आदमी के बैटे के बिरूध दे किऐ बात बुलो, तेस्का ऐजा कसूर माँफ करा ज़ाला, परह् जुण्जा कुँऐं पबित्र-आत्त्मा के बिरूध दो किऐ बुल़्ला, तेस्का सेजा कसूर ऐसी ज़ूगौ दा अरह् परलोकं दा भे माँफ ने करा ज़ाँदा।”

मत्ती 12:40

ठीक जेष्णा ऋषी-योना च़ींन देसो अरह् च़ींन रात्ती बैजाऐ बड़ी माँछी के पैटो दा रूवा, तेष्णा ही आदमी का बैटा भे च़ींन देसो, च़ींन रात्ती धर्ती गाशी भूंम्मी थाँई माँटी मुँझी रंह्दा।

मत्ती 12:8

आदमी का बैटा बिषाँव के देसो, का भे प्रभू असो।”

मत्ती 13:37

तबे प्रभू यीशू ऐ तिनखे जबाब दिता, “आछे बींज़ बोंणों वाल़ा आदमी का बैटा असो।

मत्ती 16:13

प्रभू यीशू कैसरिया, फिलिप्पी के ईलाके दे आऐ, अरह् आप्णें चैले शे पुह्छदे लागे, “लोग आदमी के बैटे खे का बुलो?”

मत्ती 16:27

आदमी का बैटा आप्णे पिता की बड़ियाऐ दे आप्णें स्वर्गदूत्त की गईलो आला, तबे से ऐक नाँम आदमी खे तिनके काँम-काज के मुताबिक प्रतिफल़ देले।”

मत्ती 17:9

जबे से धारोंह् गेछ़ै ऊदे आऐं, तबे प्रभू यीशू ऐ तिनखे ऐजी अज्ञाँ दिती, “जबे तोड़ी आदमी का बैटा मरे अंदे मुँझ्शा ऊबा ने जींयों, ताँव-तोड़ी जुण्जो किऐ तुँऐं दे:खी थो, सेजो कोसी कैई ने बुले।”

मत्ती 19:28

प्रभू यीशू ऐ तेस्खे बुलो, हाँव तुँओं खे खास बात बुलू, के नंई संईसारी दा जबे आदमी का बैटा आप्णी बड़ियाऐं की सिंगास्हणों गाशी बईठला, तअ तुँऐं भे जुण्जे मुँह पाछी चाली रूऐ, से बारंह् सिंगास्हणों गाशी बऐठियों इस्राएल के बारंह् गोत्रह् का नियाँव कर्ले।

मरकुस 8:38

जुण्जा कुँऐं ईयो नाँष बाँन अरह् पाप वाल़े ज़ूंग दा मुँह अरह् मेरे बचन दा सरमाँऐं ज़ाव तेस्खे आदमी का बैटा भे जबे आप्णें पिता की बड़ियाई दा पबित्र स्वर्गदूत्त की गईलो आला, तअ से भे तेसी मानणों दा सरमाँऐं ज़ाँदा।”

लूका 12:8

तबे प्रभू यीशू ऐं हजो बुलो, “हाँव तुँओं खे बुलू: के जुण्जा कुँऐं मुँह आदमी के सहाँम्णें माँनला। तैसी आदमी का बैटा भे पंण्मिश्वर के दूत्तो के सहाँम्णें माँनदा ऐं।

लूका 18:8

हाँव तुँओं खे बुलू, के पंण्मिश्वर बिना देर करे बिना, ही तैख्णी तिन का नियाँव कर्ले; अरह् जबे आदमी का बैटा आला, तअ कियों से धर्ती गाशी कोसी दा बिश्वाष दे:ख्ला?”

लूका 2:12

अरह् तेस्का ऐजा पता असो, के ऐक बालक कपड़े दा मेठाऐ अंदा चर्णी चरी दा तुँऐं दे:ख्ले।”

लूका 2:16

अरह् तिन्ऐं ऐक-दंम तैख्णीं ज़ाऐयो मरियम अरह् यूसुफ अरह् चर्णी दा सेजा बालक पड़ा अंदा दे:खा।

लूका 2:7

अरह् तियाँरे आप्णा आगला जैठा बैटा हुवा, अरह् तेसी टालै कप्डे़ दा मेंठाऐयों चर्णी दा थुवा; किन्देंखे के तिनखे सराँऐ दी जागा ने भेटी।

लूका 21:36

ईन्देंखे हमेशा बीऊँजी रूऐ, अरह् प्रार्थना कर्दे रूऐ; जिन्दें लई तुऐं ईनू सब आँणों वाल़े, कष्ट-कल़ेष शे बंच्णों खे अरह् आदमी के बैटे के सहाँम्णें खह्ड़े रंहणों के तुओं खे शक्त्ति भेंटी सको।”

लूका 8:3

अरह् हेरोदेस का भडारी खुज़ा के घरवाल़ी योन्ना, अरह् सूसन्नाह, अरह् ऊकी भे बैजाऐ भहती तिरंई थी। जुण्जी आप्णी घरोऊँची शो खर्च करियों प्रभू यीशू अरह् तिन के चैले के सेंवा करह् थी।

लूका 9:58

प्रभू यीशू ऐ तैस्खे बुलो, “सियाल़ी, के भे ढोऐं असो, अरह् चोंड़ू ऐ भे कुँह्लो बाँणी थुऐ, परह् आदमी के बैटे के मूँडो घोसर्णो खे भे जागा ने आथी।”

यूहन्ना 1:51

प्रभू यीशू ऐ तेस्खे बुलो, “हाँव तुओं खे खास बात बुलू: तुऐं स्वर्ग खुलो अंदो, अरह् पंण्मिश्वर के स्वर्गदूत्त आदमी के बैटे गाशी ऊँदे आँदें, अरह् ऊँबे ज़ाँदे देख्ले।”

यूहन्ना 12:34

तबे ईन्दें गाशी लोगे ऐं प्रभू यीशू खे जबाब दिता, के “आँमें अज्ञाँ-निय्म दी ऐजी बातो शुँणीं थंई, के मसीया संदा रंह्दा; तबे तुँऐं कैई बुलो, के आदमी का बैटा ऊगला टाँगणा जरूरी असो? परह् ऐजा आदमी का बैटा कुँण असो?”

यूहन्ना 13:31

यहूदा इस्करियोती के बाँईडे ज़ाँणों गाशी, प्रभू यीशू ऐं बुलो: “ऐबे आदमी के बैटे की बड़ियाऐ हंदी; अरह् तेस्के ही जाँणें पंण्मिश्वर की बड़ियाऐ हंदी।

यूहन्ना 3:13

कुँऐं आदमी स्वर्गो दा ने हुटी रंई, सिर्फ ऐक, मतल्व आदमी का बैटा जुण्जा स्वर्गो शा ऊँदा आऐं रूवा।

यूहन्ना 3:14

अरह् जेष्णाँ ऋषी-मूसा ऐ जाँगल़ों दा शंगाव ऊगला टाँगा थिया, तेष्णाँ ही आदमी का बैटा भे ऊँबा ऊगल़ा टाँगंणाँ जरूरी ही असो।

यूहन्ना 6:27

नाँष बाँन भोजन खे ने, परह् तेसी भोजन खे मेंह्नत्त करह्, जुण्जा सदा खे अमर-जीवन तोड़ी रंह्; जुण्जा जीवन आदमी का बैटा तुओं खे देला, किन्देंखे के बाबा, मतल्व परंम-पिता पंण्मिश्वर ऐं आप्णी ही हिछ़या आरी, सिर्फ तेस्खे ही सेजा हंक-अधिकार देऐ थुवा।”

यूहन्ना 6:53

ईन्देंखे प्रभू यीशू ऐ तिनखे बुलो, “हाँव तुँओं खे ऐक खास बात बुलू; के जे तुऐं आदमी के बैटे की देह्-शरीर ने खाले, अरह् तेस्को लंह्ऊँ ने पीले, तअ तुओं दा जीवन ने हंदी।

यूहन्ना 6:62

तअ तुँऐं तबे का कर्ले, जबे तुऐं आदमी का बैटा स्वर्गो दा ऊबे ज़ाँदे देख्ले, जेथै से आगे थिया; तअ तबे तुऐं का बुल़्लै?

प्रेरितो कै काम 7:56

तबे स्तिफ़नुस ऐं तिनखे बुलो, “देखो, मुँऐ स्वर्ग खुलो अंदो, अरह् आदमी का बैटा पंण्मिश्वर के सोऐं ढबै खह्ल़ी अँदा देखी लुवा।”

2 कुरिन्थियों 8:9

तुँऐं अमाँरे प्रभू यीशू मसीया की कृपा जाँणों ऐ, के से धनी-सेठ हऐयों भे तुँवारी ताँईऐं कंगाल बणे, जू तिनके कंगाल हणों शे तुँऐं सैठ बंणी ज़ाँव।