मत्ती 8:2 - Sirmouri

² अरह् ऐकी कोढ़िऐ नंजीक आऐयों, लाँम्बें पसरियों तिनखे नंमष्कार करा, अरह् बुलो, “हे प्रभू जे तुँऐं चहाँव, तअ मुँह शुद्ध करी सको।”

सिरमौरी नौवाँ नियम

² औरौ ऐक कोढ़ी तैसकै धोरे ओऊवा औरौ घुंडू नियुड़ाऐबा बौल़ौ, “ओए रै प्रभु जै तैरै मौरजी औसौ तौ तू मुखै ठीक कौरे दै।”

मत्ती 8:2 ပူးပေါင်းရင်းမြစ်များ

मत्ती 10:8

“बीमार चाँगे करह्, अरह् मरे अंदे जीयाल़ों, कोढ़ी शुद्ध करह्, दुष्ट-आत्त्मा निकाल़ों। तुँओं ऐई मुँझी भेटी रूओं, अरह् ऐई मुँझी ही दियों।

मत्ती 13:58

अरह् प्रभू यीशू ऐं तेथै तिनके बे-बिश्वाष के कारण तेसी नंगर दे किऐ जादा चींन-चंम्त्तकार ने करी।

मत्ती 14:33

ईन्दें गाशी तिन्ऐ जुण्जे नाँव गाशी बईठे अंदे थिऐ, तिन्ऐ आप्णों मूँढ नाऐयों प्रभू यीशू खे ढाल-बिनती करियों बुलो, “सत्तिखे तुँऐं पंणमिश्वर का बैटा असो।”

मत्ती 15:25

परह् तियों तिरोंई ऐ प्रभू यीशू कैई आऐयों ऊदे नंऐयों तिनखे ढाल-अरज करी, के “हे प्रभू! मेरी मंद्त्त-सहाय्ता करह्।”

मत्ती 18:26

“ईन्देंखे गाशी सेजा दास-बैठू तेस्की लातो गाशी पड़ियों बुल्दा लागा, ‘हे मालिक किऐ सबेर करह्, हाँव तुवाँरो सब-कुछ कर्जा आगु देऐयों चुक्दा करूबा।’

मत्ती 2:11

तेसी घर दे दाखिल हऐयों तिनिऐं सेजा बालक तेस्की माँ, मरियम की गईलो दे:खा, अरह् तिन्ऐं ऊद मुँऐं लाम्बे पसरियों तेसी बालक खे नंमष्कार करी, अरह् तबे तिनिऐं आप्णें झुल़ै खलियों आप्णें किम्त्ती तुफे सुनों, लोबाँन, अरह् गन्धरंस-सैंन्ट, तेस्खे भेंट चड़ाऐ।

मत्ती 20:20

जबे जब्दी के बैटे की माँ ऐ, आप्णे बैटे आरी आऐयों प्रभू यीशू खे घुड्कुँणिऐं नऐयों ढाल-नंमष्कार करी, अरह् तिन कैई शो किऐ माँगदी लागी।

मत्ती 26:6

जबे प्रभू यीशू बैतनिय्याह गाँव दे शमौन जू आगे कोढ़ी थिया तेसके घर दे थिऐं,

मत्ती 28:17

तिन्ऐ प्रभू यीशू का दर्शण करियों तिनखे नमंष्कार करी, परह् तिन गाशी कोसी-कोसी के षकं हुवा।

मत्ती 28:9

बाटो पुडे ही अचाँणक प्रभू यीशू तिनू भेंटे। अरह् बुलो, “नंमष्कार”। तिन्ऐ लातो गाशी पड़ियों तिनखे लाम्बे पसरियों नंमष्कार करी।

मत्ती 4:9

तेने बुलो, “जे तू घुढकुँणिऐं लाँम्बे पसरियों मुँखे नंमष्कार करे, तअ हाँव ऐजो सब-कुछ ताँव्खें देऊँबा।”

मत्ती 8:1

जबे प्रभू यीशू तियों धार-पाह्ड़ी गेछ़ै ऊदे आऐं, तअ लोगो के ऐक बेशुमाँर बड़ी भीड़ तिनू पाछी चाली।

मत्ती 8:25

तबे चैले ऐ नंजीक आऐयों तिनू ऊबे बिऊँजाल़े अरह् बुलो, “हे प्रभू, आँमों बंचाव, आँमें नाँष हंदे लागे।”

मत्ती 9:18

जबे तिनिऐं ऐजी बातो तिन कैई बुली ही लई थी, तअ तेथै ऐक यहूदी-चौत्रे का नंम्बरदार आया, अरह् प्रभू यीशू खे ढालो-बिन्ती करियों बुल्दा लागा, “हे प्रभू मेरी बेटी हाग्ड़ी मरी रंऐ, कृपा करियों तुऐं तियों गाशी आप्णा हाथ थंह्, तअ से जीऊँदी हऐ ज़ाली।”

लूका 4:27

अरह् ऋषी एलीशा के ज़ुगौ दे भे इस्राएल दे बैजाऐ कुढ़ी थिऐ, परह् सीरियावासी नाँमान के सुवाऐ ओके कोसी कोड़ी ने शुद्ध करी।”

यूहन्ना 9:38

तबे तेने आदमी ऐं जबाब दिता, “हे, प्रभू! हाँव बिश्वाष करू प्रभू!” अरह् तबे तेने ऊँदे मुँऐ लाँम्बा पंसरियों आप्णें दुन्नें हाथ, अरह् आप्णा माँथा; प्रभू यीशू के लातो गाशी, थंऐयों तिनखे ढाह्ल करी।

प्रेरितो कै काम 10:14

परह् संत्त-पतरस ऐ बुलो, “प्रभू! बिलकुल ने! मुँऐ कद्दी भे किऐ अ-शुद्ध गाँन्दी चींज ने खाऐ थई!”

प्रेरितो कै काम 10:25

जबे संत्त-पतरस तेथै भिंठा ज़ाँणों ही वाल़ा थिया, तबे सेजा सुबेदार कुरलियुस तिन कैई शा भेंटिया, अरह् तेने संत्त-पतरस के लात्तो गाशी पंड़ियों प्रणाँम करी।

1 कुरिन्थियों 14:25

अरह् तेसके मंन के भैद् पर्गट हंदे, अरह् तबे से धनियों नाँकों रोगड़ियों पंणमिश्वर खे ढाल-नमंष्कार करला, अरह् मानी पाँदा के सत्तिखे पंणमिश्वर तुवाँरें बीचो दा असो।

प्रकाशितवाक्य 19:10

ईन्देंखे हाँव स्वर्गदूत्त खे नंमष्कार कर्णो खे लाँम्बा पसरियों तिनके लातो गाशी पड़ा। तिन्ऐ मुँखे बुलो, “देख, ऐष्णों ने करे, हाँव तेरा अरह् तेरे भाईयों का संगी दास असो, जू प्रभू यीशू की गुवाऐ-शाज़्त्त देंदा संईसारी दा आऐ रूवा। पंण्मिश्वर ही के लातो गाशी पसरियों नमंष्कार करह्;” किन्देंखे के प्रभू यीशू के गुवाऐ-शाज़्त्त ही ऋषियों के आत्त्मा असो।