मत्ती 8:11 - Sirmouri

¹¹ हाँव तुँओं खेे बुलू, के पूर्वो अरह् पंच्छ़ियों शे बेजाऐ लोग आऐयों, अब्राहम, अरह् इसहाक, अरह् याकूब, की गईलो स्वर्गो के राज्य दे बंईठदे।

सिरमौरी नौवाँ नियम

¹¹ औरौ हांव तुऔं खै बुलू, की बौहितै सारै बैगानै यहूदी लोग पूरब औरौ पश्‍चिम दै आयौ अब्राहम, इसहाक औरौ याकूब कै साथै स्वर्ग राज्य कै दावत मुंजी शामिल हौंदै।

मत्ती 8:11 ပူးပေါင်းရင်းမြစ်များ

मत्ती 21:41

तिन्ऐ जबाब दिता, “से तिनू दूष्टों का छ़तियानाँष करी देंदा, अरह् सेजो अंगूरोह्-दाख्ह के खेच़ौ का ठैका कोसी ओकी जीम्दार खे अध्याल़ी गाशी देंदा, जुण्जा तेस्खे ठीक बख्तो गाशी तियों शाख्हो के अध्याल़ी देला।”

मत्ती 24:31

आदमी का बैटा आप्णें स्वर्गदूत्त कनाँल़ी की बड़ी गूँह्ज आरी डियाल़्ला, जुण्जे चोऊँ धुंरीं शे अस्माँनों के ऐकी कुँणें शे ओकी कुँणें दे ज़ाऐयों प्रभू के चूणें-छ़ाँटे अंदे लोग कठे कर्ले।

मत्ती 3:2

“मंन बद्ल़ो, किन्देखे के स्वर्गो को राज नंजीक आऐ रूओ।”

मत्ती 8:10

ऐजो शुणियों प्रभू यीशू के तूरंबाणच़ूंटे, अरह् जुण्जे तिनू पाछी आँदें लागे थिऐ, तिनिऐं तिनखे बुलो, “हाँव तुँओं खे खास बात बुलू, के मुँऐ इस्राएल दा भे ऐष्णा बिश्वाष दे:खी ने थई।

लूका 12:37

भागोईंत्त असो! सेजे दास-बैठू जिनू तिन का माँलिक घरह् की रंख्वाल़ी-जगवाल़ी कर्दे बीऊँजी दे:ख्ला; हाँव तुँओं खे खास बात बुलू, के सेजा माँलिक आप्णी कंमरी दी गाच़ी भीड़ियों तिनू सोभी ऐकी-ऐकी दास-बैठू कैई शो बंईठाल़ियों आपु भोजन कराला।

लूका 16:22

सैजा लाजर ऐक देस मंरी गुवा; अरह् स्वर्गदूत्तें तैसी नींहयों बाबा अब्राहम की हंगाल़ी दा थंऐ दिता; अरह् सेजा सैठ आदमी भे मंरी गुवा, अरह् तैसी दाब्बी दिता।

प्रेरितो कै काम 10:45

संत्त-पतरस की गंईलो आऐ अंदे, यहूदी बिश्वाषी लोगों के ऐजो देखियों; तूरंबाँणच़ूटे, के कियों पबित्र-आत्त्मा का बरदाँण गऐर-यहूदियों खे भे देऐ थुवा।

प्रेरितो कै काम 11:18

ऐजी बातो शुँणियों यहूदी बिश्वाषी भाऐ-बंईणों शाँण्त्त हऐ गुऐ, अरह् तिन्ऐं पंण्मिश्वर के आरार्धना करी; के जबे “पंण्मिश्वर ऐ गऐर-यहूदियों खे भे ऐजा बरंदाँन देऐ थुवा, के ऐ भे आप्णाँ मंन बद्ल़ों अरह् ईनू भे नुवाँ जीवन भेटो।”

प्रेरितो कै काम 14:22

खास-चैले ओकी चैले के मंन पाक्कै कर्दें रंह् थिऐ, अरह् तिनखे से बिश्वाष दे बड़्णों खे हिमम्त्त दियों थिऐ; अरह् से बुलो थिऐ, के आँमों भाँव बैजाऐ दुंख्ह-कल़ेष संह्ऐन कर्णें पड़ले; तबे भे आँमें पंण्मिश्वर के राज्य दे जरूर ज़ाँदे।

प्रेरितो कै काम 14:27

तेथै पंह्ऊँचियों तिन्ऐं कलीसिया के ऐक खुम्ल़ी बंईठाल़ी, अरह् बुलो; के पंण्मिश्वर ऐं तिनके जाँणें का-का करो, अरह् केष्णें तिन्ऐं गऐर-यहूदियों खे बिश्वाष का दुवार खुलो।

1 कुरिन्थियों 15:20

परह् मसीया सत्तिखे मरे अंदे मुझ्शे ऊबे जियाल़ी थुऐ, अरह् ऊबे जियाल़े अंदे मुंझ्शे से आगला ही फल़ असो।

1 कुरिन्थियों 6:9

कियों तुँऐं जाँण्दे ने के अनियाँऐ कर्णो वाल़े लोग पंणमिश्वर के राज्य के वारिस ने हंदी? परह् धोखा ने खाऐ; ना बैष्या गंम्मी, ना मुर्ती पुज्णों वाल़े, ना पराई तिरोंई आरी चोरी-जारी कर्णो वाल़े। ना मरदो आरी मरोद भोग-बिलास कर्णो वाल़े,

इफिसियों 3:6

सेजा गुप्त भेद् ऐजा असो, के खुषख्बरी के जाँणें यहूदियों की गईलो गऐर यहूदी लोग भे पंण्मिश्वर के राज्य के बारीस, अरह् पुरे हंकदार बंणी गुऐ; अरह् से दुन्ने ड़ूंग ऐक ही देह्-शरीर का अंग असो, अरह् प्रभू यीशू मसीया के जाँणें करे गुऐ बाय्दे के साथी बंणें।

कुलुस्सियों 3:11

तिदा ना तअ कुऐं यूनानी रंई, अरह् ना यहूदी; ना खतना वाल़े, अरह् ना खतना के बिना, ना जागल़ी, ना स्कूती, ना दास, अरह् ना अजाद: सिर्फ मसीया ही सब-कुछ असो, अरह् सोभी दा बसा अंदा असो।

2 थिस्सलुनीकियों 1:5

ऐजा पंण्मिश्वर के साच्चै नियाँव का साफ परमाँण असो, के तुँऐं पंण्मिश्वर के राज्य ज़ुगे बणों, जिन्देकी ताँईऐं तुँऐं दु:ख्ह भे भूगो।

प्रकाशितवाक्य 7:6

आशेर के कुँल़-गड़ी मुँझ शी बारह् हजार गाशी, नपताली के कुँल़-गड़ी मुँझ शी बाहर हजार गाशी, मनश्शिह के कुँल़-गड़ी मुँझ शी बारह् हजार गाशी,