मत्ती 8:1 - Sirmouri

¹ जबे प्रभू यीशू तियों धार-पाह्ड़ी गेछ़ै ऊदे आऐं, तअ लोगो के ऐक बेशुमाँर बड़ी भीड़ तिनू पाछी चाली।

सिरमौरी नौवाँ नियम

¹ जोबै यीशु धारो पौरैशा उदा ओऊवा, तौ ऐक बौहितै बौड़ै भीड़ तैसकै पाछैदै हांडदै लागै।

मत्ती 8:1 ပူးပေါင်းရင်းမြစ်များ

मत्ती 12:15

ऐजो जाँणियों प्रभू यीशू तेथै शे आगू हुटे, अरह् बैजाऐ भहिते लोग तिनू पाछी हुटे, अरह् तिन्ऐ बादे लोग चाँगे-भले करे,

मत्ती 15:30

तबे लोगो की लाँम्बों की लाँम्बों लागी, तिन कैई। लोगे आप्णी गईलो, लगड़े, शैड़े, गूँगे, ठोहंरी-टुन्डे, अरह् ओके बैजाऐ भहीते लोग तिन कैई आँणें, अरह् सेजे दु:खिया प्रभू यीशू की लातो गाशी पाऐ दिते, तबे प्रभू ऐ तिनू चाँगैं-भले करे।

मत्ती 19:2

तबे लोगो के बेशुमाँर बड़ी भीड़ प्रभू यीशू पाछी चाली, अरह् तिन्ऐ तेथै तिनू चाँगे करे।

मत्ती 20:29

जबे प्रभू यीशू अरह् तिनके चैले यरीहो शे निकल़्दे लागे, तअ लोगो की ऐक बेशुमाँर बड़ी भीड़ तिनू पाछी चाली।

मत्ती 4:25

गलील ईलाके शे, अरह् दिकापुलिस ईलाके शे, अरह् यरूशलेम नंगर, शे अरह् यहूदिया ईलाके शे, अरह् यरदन नंदी शे पाईले ढबे के लोगों की बेशुमाँर भीड़ तिनू पाछी चाली।

मत्ती 7:29

किन्देखे के प्रभू यीशू की शिक्क्षा असरदार थी, से यहूदी अज्ञाँ-निय्म के शिखाँणों वाल़े के जेष्णी ने थी; परह् हंक-अधिकार वाल़ी शिक्क्षा थी।

मत्ती 8:18

प्रभू यीशू ऐ, आप्णें चौऊँ ढबे बेजाऐ बेशुमाँर बड़ी लोगो के भीड़ दे:खी, तअ तिन्ऐ झील शे पाईले ढबे ज़ाणों की अज्ञाँ दिती।

मत्ती 8:2

अरह् ऐकी कोढ़िऐ नंजीक आऐयों, लाँम्बें पसरियों तिनखे नंमष्कार करा, अरह् बुलो, “हे प्रभू जे तुँऐं चहाँव, तअ मुँह शुद्ध करी सको।”

मरकुस 3:7

प्रभू यीशू आप्णे चैले आरी झीलो के ढबे हुटे: तअ गलील, अरह् यहूदिया, ईलाके शी लोगो के ऐक बैजाऐ बैशुमाँर बड़ी भीड़ तिनू पाछी चाली।

लूका 5:15

परह् तिन्दे के चर्चा तबे भे बादे दे फऐल्दे लागी, अरह् लोगो के बैशुमार बडी भीड़ तिन्कै बचन का बखाँण शुण्दे, अरह् आप्णी बीमारी शी चंग्गाई पाँणों की हिछ़्या शे आँदें लागे।