मत्ती 6:30 - Sirmouri

³⁰ ईन्देंखे जबे पंणमिश्वर ज़ूब्ड़ी की घास जू ऐगड़ी खे असो, अरह् दोत्ती भाठ-अगयाव दी फूकी देंई दी, तबे भे तियों ऐष्णी शुभाल़ी बंणाँव, तअ ओ, बै-बिश्वाषियों तुँओं कैई शे से ईन्दें शे आछे शुभाल़े खोट्णों कैई ने बम्बाँ दे?

सिरमौरी नौवाँ नियम

³⁰ इथकारिए जोबै पौरमेशवर मैदानो कै घास खै, जू ऐलो औसौ, औरौ दोतियो आगी मुंजी पाए जांदै, ऐशणी शोभा दैंव, तौ ओए रै कम बिशवाश कौरणौवाल़ै लोगौ पौरमेशवर जौरुर तोंवारै दैखभाल कौरदा।

मत्ती 6:30 ပူးပေါင်းရင်းမြစ်များ

मत्ती 14:31

प्रभू यीशू ऐ तेख्णी तेस दी पाची पाऐयों ऊडा थाँम्ब्ड़ा अरह् बुलो, “ओ कंम-बिश्वाषी, तुँऐं षकं-शुभा किन्देखे करा?”

मत्ती 16:8

ऐजो जाणियों, प्रभू यीशू ऐ तिनखे बुलो, “ओ, कंम-बिश्वाष कर्णो वाल़े, तुँऐं आपु मुँझी का ठाट करी लऐ, के आँमों कैई रोटी ने आथी?

मत्ती 17:17

प्रभू यीशू ऐ जबाब दिता, “ओ, बै-बिश्वाषियों अरह् हठाव्णें लोगो, हाँव कबे तोड़ी तुँवारी गईलो रंह्ऊँबा? अरह् कबे तोड़ी तुँवारी संह्ऊँबा? तेसी मुँह कैई आँणों।”

मत्ती 8:26

तबे प्रभू यीशू ऐ चैले खे बुलो, “ओ, अंध-बिश्वाषियों! कैई डरी रूऐ?” तबे तिन्ऐ बींऊँजियों ढोंढ अरह् पाँणी डाँटो-झाड़ो, अरह् सब-कुछ शाँण्त्त हऐ गुओं।

मरकुस 4:40

तबे प्रभू यीशू ऐ चैले खे बुलो, “तुऐं कैई डरे? कियो तुवाँरे हेभी तोड़ी भे बिश्वाष आथी ने?”

मरकुस 9:19

ऐजो शुणियों, प्रभू यीशू ऐ तिनखे जबाब देऐयों बुलो, “ओ बै-बिश्वाषी लोगो, हाँव कबे तोड़ी तुँवारी गईलो रंह्ऊँबा? अरह् कबे तोड़ी तुँवारी सऐन करूबा? ऐसी मुँह कैई आँणों।”

लूका 12:28

ईन्देंखे जे पंण्मिश्वर घास भे ऐत्रों शुभाल़ो बाँणों; जू ऐत्तलो तअ ज़ूब्ड़ी-पाट्णों दो असो, अरह् दोत्ती ही तैथू आगी मुँझी पाऐ देंईदो; तअ ओ, बै-बिश्वाषियों! तअ तबे से तुओं कैई शे आच्छे खोट्णों बंम्बाऐयो शुभाल़े कैई ने बाँण्दा।

लूका 9:41

प्रभू यीशू ऐ जबाब दिता, “ओ बै-बिश्वाषी अरह् भ्रष्ट पीड़ी! हाँव तुँओं आरी कदी तोड़ी रंह्दा; अरह् तुँवारी ऐष्णी ही सऊँबा? आप्णा बैटा ईथै लियायों।”

यूहन्ना 20:27

तबे प्रभू यीशू ऐ थोंमा खे बुलो, “आप्णीं गुट्ठी लंई मेरे हाथ छ़ुऐयों देख, अरह् आप्णा हाथ मेरी शाफ़्ड़ी के बीचों दा पाऐयों देख; अरह् बै-बिश्वाषी ने, परह् बिश्वाषी बंण।”

इब्रानियों 3:12

हे भाऐ-बंईणों च़ौक्क्ष रूऐ, के तुँओं मुँझी कुँऐं बुरे अरह् बै-बिश्वाषी मंन के ने हों, जू तुँओं से जीऊँदे पंण्मिश्वर शे दुर्के ने नींयों।

1 पतरस 1:24

किन्देंखे के पबित्र-ग्रन्थों दो बुलो गुओं: “ऐक नाँम पराँणी घास के जिऐ असो, अरह् तिन्दे की बादी शुभा-सजाव्ट घास के फूलो के जैऐ असो। घास शुक्की ज़ाँव, अरह् फूल झड़ी ज़ाँव,