मत्ती 6:10 - Sirmouri

¹⁰ ‘तेरो राज्य आँव: तेरी हिछ़या जेष्णी स्वर्गो दी पुरी हों, तेष्णी ही संईसारी धर्ती गाशी भे पुरी हों।

सिरमौरी नौवाँ नियम

¹⁰ ‘तैरा राज्य आंव। तैरै इछा जैशणै स्वर्ग दै पूरी हौंव, तैशैखैई धोरती पांदी बै पूरी हौंव।’

मत्ती 6:10 ပူးပေါင်းရင်းမြစ်များ

मत्ती 12:50

किन्देखे के जुण्जे कुँऐ मेरे स्वर्गो के पिता की हिछ़ा गाशी चालो, सेजे ही मेरे भाऐ, अरह् मेरी बऐणीं, अरह् मेरी माँ असो।”

मत्ती 16:28

“हाँव तुओं खे खास बात बुलू, के ईथे कुछ लोग असो, जुण्जे ताँव-तोड़ी मंऊँत्ती का सुवाद ने चाख्दी, मतल्व ताँव-तोड़ी ने मंर्दीं जाँव तोड़ी आदमी का बैटा तेसके राज्य दा तेसी राज कर्दे ने दे:खो।”

मत्ती 26:42

तबे प्रभू यीशू ऐ दुज़ाल़िऐं ज़ाऐयों ऐजी ही प्रार्थना करी, “हे पिता जे ऐजा दु:ख मुँखे दिऐं बिना टल़ी ने सक्दा; तअ ईन्दी मेरी ने परह् तुँवारी हिछ़या पुरी हों।”

मत्ती 3:2

“मंन बद्ल़ो, किन्देखे के स्वर्गो को राज नंजीक आऐ रूओ।”

मत्ती 4:17

तेसी बख्तो शुभा प्रभू यीशू ऐ ऐजा प्रचार करणा शुरू करा, “मंन बद्ल़ो किन्देंखे के स्वर्गो को राज्य नंजीक आऐ पुंज़ौ।”

मत्ती 7:21

“मुँखे ‘हे प्रभू! हे प्रभू!’ बुल़्णों वाल़े, ऐक नाँम आदमी स्वर्गो के राज्य दे ने ज़ाँदी; परह् सेजे ही स्वर्गो दे ज़ाऐ सको, जुण्जे स्वर्गो के पिता की हिछ़या पुरी करह्।

मरकुस 11:10

भागोईत असो! अमाँरे कुल़-गड़ी का पिता दाऊद! को आँणों वाल़ो राज्य!” सभी शो ऊगले स्वर्गो दी “होशाना”!

मरकुस 3:35

किन्देंखे के जुण्जे कुँऐं पंणमिश्वर के हिछ़या दे चालो, सेजे ही मेरे भाऐ, अरह् मेरी बईणों, अरह् मेरी माँ असो।”

लूका 19:11

जबे लोग ऐजी बातो शुँण्दे लागी रूऐ थिऐ, तअ प्रभू यीशू ऐं ऐक अंनाँणों दितो; किन्देंखे के से यरूशलेम नंगर के नंजीक थिऐ, अरह् लोगो के ऐजा भूर्षा थिया; के पंण्मिश्वर को राज्य हेभी पर्गट हंदो।

लूका 19:38

“भाग्ईंत असो! सेजा राजा, जुण्जा प्रभू के नाँव शा आँव! स्वर्गो दे शाँण्त्ति अरह् असमाँन मंण्डल़ दे बंड़ियाऐ हों!”

लूका 22:42

“हे बाबा! जे तुऐं चहाँव तअ ऐजा दुं:ख्ह का बैलुवा मुँह कैई शा दुरका करी सको; तबे भे मेरी ने परह् तुवाँरी हिछ़्या पुरी हऐ चेंई।”

यूहन्ना 4:34

ईन्दे गाशी प्रभू यीशू ऐ चैले खे बुलो, “जिन्ऐं मुँह डेयाल़ी थुवा; तिनकी हिछ़्या गाशी चाल्णों, अरह् तिनका काँम-काज़ पुरा करणाँ ही मेरा भोजन असो।

यूहन्ना 6:40

किन्देंखे के मेरे बाबा के हिछ़या ऐजी असो, के जुण्जा बैटा देखो अरह् तेस्दा बिश्वाष करह्, तेसी अमर-जीवन भेंट्दा; अरह् हाँव तेसी आखरी के देसे हजो जीऊँदा करी देऊँबा।”

यूहन्ना 7:17

जे कुँऐं आदमी पंण्मिश्वर की हिछ़या पुरी कर्णो का परण करह्, तअ से ऐजो जाँणी पाँदा; के ऐजी शिक्क्षा पंण्मिश्वर की तरफ शी असो; के मेरी तरफ शी असो।

प्रेरितो कै काम 13:22

तबे पंण्मिश्वर ऐं तेसी राजा कीश हटाऐयों, दाऊद तिनका राजा बाँणा, अरह् तेस्के बारे दी ऐजी गुवाऐ-शाज़्त्त दिती; के ‘मुँह आप्णें मंनपंस्द का आदमी यिशय का बैटा दाऊद भेंटी गुवा, अरह् ऐ मेरी बादी हिछ़्या पुरी करदा।’

प्रेरितो कै काम 21:14

जबे संत्त-पौलुस अमाँरी बातो माँन्दा तैयार ने हंई, तअ आँमें ऐजो बुलियों चुप्पी हऐ गुऐ; के “प्रभू की हिछ़्या पुरी हों!”

प्रेरितो कै काम 22:14

तबे तेने बुलो, ‘अमाँरे पुराँणियाऐं के पंण्मिश्वर ऐ ताँव, ईन्देंखे छाँटी थुवा, के तू तिनकी हिछ़या जाँणें, अरह् तेसी धर्मी देखे अरह् तिनके मुँहों शी बातो शुँणें।

रोमियों 12:2

ईयों संईसारी के जेष्णें ने बंणें; परह् तुवाँरे मंन नुऐं हंणों लई, तुवाँरा चाल-चल़्ण भे बद्ल़ी दियों, जू तुवाँरे जाणियों के पंणमिश्वर तुँओं खे का चहाँव, अरह् तिनकी नंजरी दो का आछ़ो भाव्णों वाल़ो, अरह् परीपुर्ण असो।

इफिसियों 6:6

आदमी के खुश कर्णो वाल़े जिऐ देखावे खे ने, परह् मसीया के दासो के जीऐ मंन शी पंण्मिश्वर की हिछ़या गाशी चालो;

कुलुस्सियों 1:13

तिन्ऐ ही आँमों ईनाँरे के बष शे छूड़ाऐंयों आप्णे प्यारे बैटे के राज्य दे दाखिल कराऐ;

कुलुस्सियों 1:9

ईन्देंखे जेसी देसो शुभों आँमें ऐजो शुँणी थुओ, तेसी देसो शुँभे आँमें भे तुँओ खेे ऐजी प्रार्थना अरह् बिन्त्ती कर्णी ने छुड़्दे, के तुँऐं बादे आत्त्मिक ज्ञाँन अरह् सम्झ लई पंण्मिश्वर के हिछ़या के पछ़याँण दे डटे अंदे, अरह् भर-पुर हंऐ ज़ाव।

1 थिस्सलुनीकियों 4:3

किन्देंखे के पंण्मिश्वर की हिछ़या ऐजी असो, के तुँऐं पबित्र बंणो: मतल्व बिचका-काँम शे बंचियों रंह्,

1 थिस्सलुनीकियों 5:18

बादी बातो दा प्रभू का धन्यबाद करह्; किन्देंखे के तुँओं खे प्रभू यीशू मसीया दी पंण्मिश्वर की ऐजी ही हिछ़या असो।

इब्रानियों 1:14

कियों बादे स्वर्गदूत्त सेवा कर्णो खे च़ूणीं-छ़ाँटी अंदी आत्त्माँऐ आथी ने; के से तिनकी सेंवा करह् जिनखे छ़ुट्कारा भेंट्णों वाल़ा असो?

इब्रानियों 10:36

किन्देंखे के तुँओ खे शाँन्ति-सबैर थणाँ जरूरी असो, जू पंण्मिश्वर के हिछ़या पुरी करियों तुँओं तेसी बाय्दे का प्रत्तिफल़ भेंटो।

इब्रानियों 10:7

तअ: तबे मुँऐ बुलो, देख हाँव आऐ गुआ, पबित्र-ग्रन्थों दो मेरे बारे दो लिखो अंदो असो; जू हे पंण्मिश्वर तुवाँरी हिछ़या पुरी करू।”

इब्रानियों 13:21

तुँऐं हर ऐक आच्छ़ी अरह् भली बातो खे साच्चै बणों, तिन्दे लई तुँऐं पंण्मिश्वर की हिछ़या पुरी करह्, अरह् जू कुछ तिनू आछो लागो, सेजो प्रभू यीशू मसीया के कारण आँमों दो पर्गट करह्, तिनकी ही बड़ियाऐ सदा ज़ूगौ-ज़ूगौ तोड़ी हंदी रंह्। आमीन।

1 पतरस 2:15

किन्देंखे के पंणमिश्वर के हिछ़या ऐजी असो, के तुँऐं भली आच्छ़ी काँम-काज़ के जाँणें मुरूख बै-अकले लोगो की बै-अकली बातो बंद करह्।

1 पतरस 4:2

ईन्देंखे से हजो आदमी की बुरी हिछ़्या के मुताबिक ने, परह् पंणमिश्वर की आछ़ी हिछ़या के मुताबिक जीवन बिताँव।

प्रकाशितवाक्य 11:15

जबे सात्ते स्वर्गदूत्त ऐ रंणशिंगें-कनाँल़ी फूकरी, तबे स्वर्गो दी साँत्त-भाँत्ती गुड़ाको की गूँह्ज शुँणाँई पड़ी: “संईसारी को राज ऐबे अमाँरें प्रभू का अरह् तिनके मसीया को राज हऐ गुओ; से ही ऐबे ज़ूगौ-ज़ूगौ राज कर्ले।”

प्रकाशितवाक्य 12:10

तबे मुँऐ कोसी स्वर्गो दा ऐजी घोष्णाँ जुराल़ी कर्दे शुणाँ: “ऐबे अमाँरे पंण्मिश्वर का छ़ुट्कारा मुँक्त्ति अरह् राज अरह् मसीया का हंक-अधिकार पर्गट हंऐ गुवा। किन्देखे के अमाँरे भाऐ-बंईणों गाशी दोष-कसूर लाणों वाल़ा, जुण्जा रात्ती-देसो अमाँरे पंण्मिश्वर के सहाँम्णें तिनू गाशी दोष-कसूर लाँव थिया तेसी ऐबे ऊदा फ़ेरकाऐ पाया।

प्रकाशितवाक्य 19:6

तबे मेरे बैशुमाँर बड़ी भीड़ का जल़्सा बैजाऐ डराऊँणी फालो, अरह् बाद़्ल़ो की गुड़ाको के जिया बड़ा रूला-गुँह्ज शुणाँई दिता: “हाल्लेलूय्याह! अमाँरे प्रभू पंण्मिश्वर सर्ब-शक्त्तिमाँनें राज करह्।

प्रकाशितवाक्य 20:4

तबे मुँऐ सिंगाँस्णों देखे, जिन्दें गाशी सेजे लोग बऐठी रूऐ थिऐ, जिन कैई नियाँव कर्णो का हंक-अधिकार दिया गुवा थिया। तबे मुँऐ तिनकी आत्त्मा भे देखी, जिनके मुँढों प्रभू यीशू की गुवाऐ-शाज़्त्त देणों के कारण, अरह् पंण्मिश्वर का बचन का प्रचार कर्णो के कारण काटी थुऐ थिऐ, जिन्ऐं तेथू माँरकुट बुँणेंर की मुर्ती की पूजा ने करी थई थी, जिनके माँथे अरह् हाथों दे तेथू माँरकुट बुणेंर के छाप-मुँहर ने लाऐ थंई थी, सेजे लोग पाछू ऊबे जींऊँदें हुऐ, अरह् हजार साल्ह तोड़ी मसीया की गईलो तिन्ऐं राज्य करो।