मत्ती 6:1 - Sirmouri

¹ “च़ौक्क्ष रूऐ! तुँऐं आदमी के दे:खाँवे खे धर्म के काँम-काज़, ने करे, ना तअ तुँओं आप्णें स्वर्गो के पिता शा किऐ प्रतिफल़ ने भेट्दी।

सिरमौरी नौवाँ नियम

¹ “चौकश रौया! तुऐं आदमी खै दिखाणौ कारिए भोल़ै काम नै कौरेया, ना तौ तुऐं आपणै स्वर्गीय पिता कैईंदा किछै बै इनाम ना पांदै।

मत्ती 6:1 ပူးပေါင်းရင်းမြစ်များ

मत्ती 16:27

आदमी का बैटा आप्णे पिता की बड़ियाऐ दे आप्णें स्वर्गदूत्त की गईलो आला, तबे से ऐक नाँम आदमी खे तिनके काँम-काज के मुताबिक प्रतिफल़ देले।”

मत्ती 16:6

तेख्णीं तेसी ही बख्ते प्रभू यीशू ऐ तिन कैई शो चित्ते कराऐयों बुलो, “यहूदी भाट-बाँम्ण अरह् संदूकियों के खमीर कऊँट्ल़ों शे सक्न्ने च़ौक्क्ष रूऐ।”

मत्ती 23:13

“फींट्कारा असो! तुओं पाखंडी यहूदी भाट-बाँम्ण, अरह् यहूदी-निय्म के शिखाणों वाल़े गाशी! तुँओं खे भहित्ती सजा भेट्दी! तुँऐं आदमी खे स्वर्गो के राज्य को दुवार डाकी दियों, ना तअ आपु तिन्दे ज़ाऐ बल़्दे; अरह् ना तिन्दे कोसी ओकी ज़ाणों देंदे।”

मत्ती 23:5

से आप्णें बादे काँम-काज़ लोगो के दे:खाणों खे करह्: से आप्णे ताँबिंज़-बंह्थ की पाट्टीं बींऊँल़ी बाँणिंयाँ करह्, जिन्दें गाशी से पबित्र-ग्रन्थों के बचन लीखियों आप्णें देह्-शरीर गाशी बाँनों, अरह् से आप्णें च़ौगें के आगले पाले दे झाँलरों लाँव।

मत्ती 25:40

राजा तिन्खे जबाब देला; ‘हाँव तुओं खे खास बात बुलू, के जुण्जो किऐ तुँऐं आप्णें भाई, बंऐणी, खे जुण्जे मेरे ईनू छोटे शे छोटे खे किऐ करो; तुऐं सेजो ईनखे ने परह् मुँखे करी थुओं।’

मत्ती 5:16

ऐशा ही दाँई तुवाँरा प्रकाष आदमी के साम्णें प्रकाषमाँन हुवा चेंई, के तुवाँरे भले काँम-काज दे:खियों, तुवाँरा पिता जू स्वर्गो दा असो, तिनकी बड़ियाऐ करह्।

मत्ती 5:46

किन्देखे के जे तुँऐं आपु शो पियार कर्णो वाल़े आरी पियार करह्, तअ तुँओं खे का प्रतिफल़ भेंट्दा? कियों चूगीं-कंण लणों वाल़े भे ऐष्णों ही कर्दे ने?

मत्ती 5:48

ईन्देंखे ऐशो चेंई के जेष्णाँ तुवाँरा स्वर्गो का पिता साच्चा-पाक्का असो, तेष्णें ही तुँऐं भे साच्चै-पाक्कै बंणों।

मत्ती 6:16

“जबे तुँऐं बरत करह्, तअ पाखंडियों के जिऐ तुवाँरें मुँह मुरजाऐ अंदे ने हों, किन्देखे के से आप्णों मुँह मुँरजाऐ अंदो थों, जू लोग तिनखे बरतू जाँणों। हाँव तुँओं खे खास बात बुलू, के तिनू आप्णा प्रितफल़ भेटी रूवा।

मत्ती 6:9

“तुँऐं प्रार्थना ऐशी दाँई करह्: ‘हे अमाँरें पिता’ तू जू स्वर्गो दा असो; तेरा नाँव पबित्र माँना ज़ाँव।

मरकुस 8:15

अरह् प्रभू यीशू ऐ तिनखे अज्ञाँ दिती, “दे:खो यहूदी भाट-बाँम्ण अरह् हेरोदेस के खाटे आटे शे च़ौक्क्ष रूऐ।”

लूका 11:35

ईन्देंखे ख्याल थुऐ, के जुण्जा त्तेज-प्रकाष तुओं दा असो; सेजा ईनाँरा अंन्धकार दा ने बंणी ज़ाँव।

लूका 12:1

तैतिऐखे जबे हजारंह् लोगो के बै-शुमाँर भीड़ लागी गऐ, ऐत्रें ज़ुगी के लोगो के ढोस्रोल़ै लई ओके लोग घींजिन्दे लागे; तअ तबे प्रभू यीशू सोभी शे आगे, आप्णें चैले खे बुल्दे लागे; के “यहूदी भाट-बाम्णों के खमीर जेष्णें कऊँट्ल़ो शे च़ौक्क्ष रूऐ।

लूका 12:15

तबे प्रभू यीशू ऐ लोगो खे बुलो, “च़ौक्क्ष रूऐ! ऐक नाँम लोभ-लाल़्च शे बंच्चै; किन्देंखे के कोसी कैई भाँव कैत्ती भे धन-संम्पत्ति हली, तबे भे तैस्के जीवन की कंम्मी तियों धन-संम्पत्ति लंई पुरी ने हंदी।”

लूका 16:15

ईन्दे गाशी प्रभू यीशू ऐ तिन खे बुलो, “तुँऐं लोग आदमी के साँम्णिऐ तअ आपु खे धर्मात्त्माँ बंणों; परह् पंण्मिश्वर तुवाँरें मंन-सासो के बात ज़ाणो ऐ; किन्देंखे के जुण्जी बात आदमी के नंजरी दे आच़्छ़ी असो, सेजी ही बात पंण्मिश्वर की नंजरी दी शंगाँव्णी असो।

यूहन्ना 12:43

किन्देंखे के तिनके पंण्मिश्वर की आदर-ईज्त्त शी जादा, आदमी के आदर-ईज्त्त प्यारी लागो थी।

यूहन्ना 5:44

तुँऐं मुँदा बिश्वाष किया-किया करी सको, जबे के तुँऐं लोग ओका-ओकी कैई शी आप्णी तारिफ़-बड़ियाऐ शुँण्णों की ताक खोज दे रंह्; परह् तियों तारिफ़ शुँण्णों के कोशिष ने कर्दे जुण्जी सिर्फ पंण्मिश्वर कैई शी ही भेंटी सको।

प्रेरितो कै काम 3:12

संत्त-पतरस ऐं ऐजो देखियों लोगो खे बुलो, “हे इस्राएली, भाऐ-बंईणों! तुँऐं लोग ऐसी आदमी देखियों हरान कैई हंऐ रूऐ, अरह् तुँऐं अमाँरी ढबै ऐष्णों नींह्जाऐयों कैई देखी लो; के पताने आँमें ही ऐसी आदमी आप्णी शक्त्ति-भगत्ति लंई, हाँड्णों-फीर्णो ज़ूगा करी थुवा।

गलातियौं 6:12

जू लोग देह्-शरीर का आछा दे:खावा करणा चहाँव, सेजे ही तुवाँरा खतना कर्णो खे दबाव पाँव, सिर्फ ईन्देंखे के से ऐष्णों ईन्देंखे करह्, के तिनू मसीया के शुँल़ी-फ़ाँशी के जाँणें सताव ने सहणाँ पड़ो।

इब्रानियों 11:26

तेस्की नंजरी दे मसीया की ताँईऐं संह्ई गंई शर्मिन्दगी, मिस्र देश के धंन-खाजाँनें शी भे जादा किमम्त्ति थी; किन्देंखे के तेस्की नंजर जीवन दी आँणों वाल़े ईनाँम गाशी लागी अंदी थी।

इब्रानियों 2:1

ईन्देंखे ऐशो चेंई के आँमें तिनू बातो गाशी जू आँमें शुँणीं थई, तिदा हजो भे आप्णाँ मंन लाँव, जू कंद्दी ऐशो ने हऐयों; के आँमें भट्कियों तिनू बातो शे दूर्के ने हंऐ ज़ाँव।

इब्रानियों 6:10

किन्देंखे के पंण्मिश्वर अनियाँऐ कर्णो वाल़े ने आथी, के तुँवारी काँम-काज़, अरह् सेजो प्यार बिसरी ज़ाव, जुण्जो तुँऐं तिनके नाँव शो ऐशो ढंग शो देखाव, के पबित्र लोगो की सेवा करी, अरह् हजो भे सेवा करी लऐ।

2 यूहन्ना 1:8

आप्णे बारेदे च़ौक्क्ष रंह्, के जू मेंह्नत्त आँमें करी थऐ, सेजी तुँऐं गुवाऐ ने दियों, परह् तिन्दे का आछ़ा फल़ पाँव।