मत्ती 5:9 - Sirmouri

⁹ भागोईत असो! सेजे जू मेल-मिलाप शाँण्त्ति कराणों वाल़े असो, किन्देंखे के तिन्खे पंणमिश्वर के अलाद बुल्दी।

सिरमौरी नौवाँ नियम

⁹ “धन्‍य औसौ, सैजै जू मैल कौरवाणौवाल़ै औसौ, जिथुखै सै पौरमेशवर कै नानड़िया बौल़ै जालै।”

मत्ती 5:9 ပူးပေါင်းရင်းမြစ်များ

मत्ती 5:45

जिन्दे लई तुँऐं आप्णें स्वर्गो के पिता पंणमिश्वर की अलाद बंण्ले किन्देंखे के से भले अरह् बुरे दुई गाशी आप्णा सुरूज चंम्काँव, अरह् धर्मी अरह् पापी दुई गाशी बरखा बरषाँव।

मत्ती 5:48

ईन्देंखे ऐशो चेंई के जेष्णाँ तुवाँरा स्वर्गो का पिता साच्चा-पाक्का असो, तेष्णें ही तुँऐं भे साच्चै-पाक्कै बंणों।

लूका 20:36

किन्दें खे के सेजे लोग हजो कंद्दी ने मंर्दी; अरह् से स्वर्गोदूत्त के जैष्णें हंऐ ज़ाँव; अरह् से तबे पंण्मिश्वर के अलाद अरह् बारीस बंणी ज़ाँव।

लूका 6:35

परह् तुऐं आप्णें बईरी आरी पियार करह्, अरह् तिनका भला करह्; अरह् उधार देऐयों पाछ़ू लअणों के आशा ने करे, तबै ही तुवाँरा ईनाँम बड़ा हला, अरह् तबै ही तुऐं परमप्रधान पंण्मिश्वर के अलाद बण्लें, किन्देंखे के पंण्मिश्वर तिनू गाशी भे जुण्जे धन्यबाद ने कर्दे, अरह् बुरे लोगो गाशी भे दया-कृपा करह्।

प्रेरितो कै काम 7:26

दुज़े देसे जबे ऋषी मूसा ऐं आप्णें इस्राएली भाऐ आपु मुँझी झह्गड़िदें देखे, तअ तेने ऐजो बुलियों तिनू सहम्झाँणों के कोशिष करी; के ‘हे दोस्तो! तुऐं आपु मुँझी भाऐ ही भाऐ असो; तबे तुऐं आपु मुँझी ओका ओकी को बुरो कर्णो कैई चहाँव?’

रोमियों 12:18

जेथै तोड़ी हऐ सको, तुँऐं बादे आदमी आरी मिली-चालियों रूऐ।

रोमियों 8:14

ईन्देंखे के जै-तोड़े लोग पंणमिश्वर की आत्त्मा के जाँणें चालाऐ ज़ाँव, सेजे ही पंणमिश्वर के अलाद असो।

रोमियों 8:16

पबित्र-आत्त्मा आपु ही अमाँरी आत्त्मा आरी गुवाऐ-शाज़्त दियों, के सत्तिखे आँमें पंणमिश्वर के अलाद असो।

रोमियों 8:19

किन्देंखे के बादी संईसारिऐं बेजाऐ भूर्षे की नंजर शी पंणमिश्वर की अलाद पर्गट हंणों की बाट जुई लई।

1 कुरिन्थियों 6:6

तुँओं मुँझी भाऐ-भाऐ का मुक्दमा हों, अरह् सेजा भे बै-बिश्वाषी लोगो के साम्णें।

2 कुरिन्थियों 13:11

तअ: हे भाऐ, बंईणों, आँन्दित्त-खुशी रंह्; साच्चै बण्दे ज़ाव; हिम्मत थुऐं; ऐक ही मंन थुऐ; मेल शे रूऐ। अरह् पियार अरह् शाँण्त्ति का दाता पंण्मिश्वर तुँवारी गईलो हला।

2 कुरिन्थियों 5:20

ईन्देंखे आँमें मसीया के राज-दूत्त असो; सम्झों पंण्मिश्वर अमाँरे जाँणें बिन्नती करी लऐ। आँमें मसीया की ढबे शी बिन्नती करह्, के पंण्मिश्वर की गईलो मेल-मिलाप करी पाव।

गलातियौं 5:22

परह् पबित्र-आत्त्मा का फल़ पियार, खुशी, शाँण्त्ति, धीरज, कृपा, भलाऐ, बिश्वाष,

इफिसियों 4:1

ईन्देंखे हाँव जू प्रभू खे कय्दी असो, तुँओं खे ढाल-अरज करू; के जेसी बुलावे शे तुँओं बय्दी थुऐ, तिन्दे ज़ूगी तुऐ चाल भे चालो,

फिलिप्पियों 4:2

हाँव बंईण-यूओदिया अरह् बंईण-सुन्तुखे, ईनू दु:ई खे ढाल-अरज करू; के तुँऐं प्रभू दी ऐक च़ीत्त-मंन रूऐ।

कुलुस्सियों 3:13

अरह् जे कोसी के कोसी गाशी दोष-ईल़्जाँम लाणों का, मतल्व हों; तअ ओका ओकी की ऊँडी सुवें, अरह् ओका ओकी के कसूर माँफ करह्; जैष्णें प्रभू ऐ तुवाँरे पाप माँफ करे, तेष्णें ही तुँऐं भे करह्।

इब्रानियों 12:14

सोभी आरी शाँण्त्ति शे रंहणों अरह् पबित्रत्ता के खोजी बंणों, किन्देंखे के ईन्देंके बिना कुँऐ भे आदमी प्रभू का दर्शण ने करी सक्दा।