मत्ती 5:7 - Sirmouri

⁷ भागोईत असो! सेजे जू दयालु-कृपालु असो, किन्देखे के तिनू गाशी कृपा करी ज़ाँदी।

सिरमौरी नौवाँ नियम

⁷ “धन्‍य औसौ सैजै जू दया कौरणौवाल़ै औसौ, पौरमेशवर तिनु पांदी दया कौरदा।”

मत्ती 5:7 ပူးပေါင်းရင်းမြစ်များ

मरकुस 11:25

अरह् जबे तुँऐं खड़े हऐयों प्रार्थना कर्लें तअ जे तुवाँरें सासो दा कसी खे किऐ गीला-शिकंवा हों तअ तेस्खे माफ करह्: ईन्देंखे के तुवाँरा पिता जू स्वर्गो दा असो, से भे तुँवारी गलती पाप माफ करला।”

लूका 6:35

परह् तुऐं आप्णें बईरी आरी पियार करह्, अरह् तिनका भला करह्; अरह् उधार देऐयों पाछ़ू लअणों के आशा ने करे, तबै ही तुवाँरा ईनाँम बड़ा हला, अरह् तबै ही तुऐं परमप्रधान पंण्मिश्वर के अलाद बण्लें, किन्देंखे के पंण्मिश्वर तिनू गाशी भे जुण्जे धन्यबाद ने कर्दे, अरह् बुरे लोगो गाशी भे दया-कृपा करह्।

रोमियों 11:30

किन्देंखे के जेष्णें तुँऐं आगे पंणमिश्वर की अज्ञाँ ने माँनी, परह् ऐबे तिनकी अज्ञाँ ना मानणों शे तुँओं गाशी दया-रंय्म कृपा हऐ;

1 कुरिन्थियों 7:25

कुवाँरी के बारे दी प्रभू कैई शी किऐ भे अज्ञाँ मुँह ने भेंटी रंई, परह् बिश्वाष ज़ूगा हंणों खे जैष्णी दया-रंय्म प्रभू ऐ मुँह गाशी करी थऐ, तिन्दी के मुताबिक सहमत्ती देऊँ।

2 कुरिन्थियों 4:1

ईन्देंखे के जबे आँमों गाशी ऐष्णी कृपा हऐ, के आँमों ऐजी सेवा भेटी; तअ आँमें हिम्मत्त ने च़ूड़ो।

इफिसियों 4:32

ओका ओकी खे दया-रंय्म कर्णो वाल़े हों, अरह् जैष्णें पंण्मिश्वर ऐ मसीया दे तुवाँरे कसूर माँफ करे, तेष्णें ही तुँऐं भे ओका ओकी के कसूर माँफ करह्।

कुलुस्सियों 3:12

ईन्देंखे पंण्मिश्वर के चूणें-छाँटे अंदें जैष्णें जू पबित्र अरह् प्यारे असो, बड़ी कृपा, भलाऐ, अरह् गरबाई-नींम्ताई, अरह् सय्नशिलता धारणा करह्।

1 तीमुथियुस 1:13

हाँव तअ आगे पंण्मिश्वर की नीदया कर्णो वाल़ा, सताणों वाला, अरह् अ-नियाँई कर्णो वाल़ा थिया; तबे भे तिन्ऐ मुँह गाशी दया-रंय्म करी, किन्देंखे के अ-बिश्वाष की दशा दा बिना सुच्चै-संमझे हाँव ऐजी काँम करू थिया।

1 तीमुथियुस 1:16

परह् मुँह गाशी ईन्देंखे दया-रंय्म करी, के मुँह सब शे बड़े पापी दी यीशू मसीया ऐ आप्णी असीम सहय्नशीलता देखाऐ, जू लोग तिनू गाशी अमर-जीवन पाणों खे बिश्वाष करह्, जू हाँव तिनू लोगो खे ऐक नँमूना बंणू।

इब्रानियों 4:16

ईन्देंखे आव आँमें दया-रंय्म कृपा के सिंगास्हणों के नंजीक हिम्मत्त बानियों चालो, के आँमों गाशी दया-रंय्म हों, अरह् सेजी कृपा पाँव जू जरूरत के बख्ते अमाँरी साय्ता-मंद्दत्त करह्।

इब्रानियों 6:10

किन्देंखे के पंण्मिश्वर अनियाँऐ कर्णो वाल़े ने आथी, के तुँवारी काँम-काज़, अरह् सेजो प्यार बिसरी ज़ाव, जुण्जो तुँऐं तिनके नाँव शो ऐशो ढंग शो देखाव, के पबित्र लोगो की सेवा करी, अरह् हजो भे सेवा करी लऐ।

याकूब 2:13

जुण्जा कुँऐं दया-रंय्म ने करदा, तेस्का नियाँव कर्दे बख्ते पंणमिश्वर भे तेसी गेशी किऐ दया-रंय्म ने कर्दी, किन्देंखे के दया-रंय्म नियाँव शी जींत्ती ज़ाव:

याकूब 3:17

परह् जुण्जा ज्ञाँन स्वर्गो शा आँव, से आगे तअ पबित्र हों, तबे मिल्नसार, कोमल, मित्रता, दया-रंय्म, अरह् आछ़ै फल़ शा लदा अंदा अरह् बिना अप्णोंट वाल़ा, अरह् बिना कपट का शुद्ध हों।

1 पतरस 2:10

ऐक बख्त थिया, जबे तुँऐं पंणमिश्वर की परजा ने थी; परह् ऐबे तुँऐं पंणमिश्वर के परजा असो। आगे तुँओं गाशी दया-रंय्म ने करी थई थी; परह् ऐबे तुँओं गाशी दया-रंय्म करी थऐ।