मत्ती 5:5 - Sirmouri

⁵ भागोईत असो! सेजे जू निसत्त असो, किन्देखे के संईसारी धर्ती तिनही की हंदी।

सिरमौरी नौवाँ नियम

⁵ “धन्‍य औसौ सैजै जू नम्र औसौ, जिथुखै सै धोरती कै औधिकारी हौंदै।”

मत्ती 5:5 ပူးပေါင်းရင်းမြစ်များ

मत्ती 11:29

मेरो षमाँऐं आपु गाशी थागो, अरह् मुँह कैई शो शिखों; किन्देखे के हाँव निस्त्त अरह् मंन शा शरीफ असो, तुऐं आप्णें मंन दा बिषाँव पाँदे:

मत्ती 21:5

“सिय्योन की बेटी खे ऐजा शुज़ा दियों, ‘देख, तेरा राजा ताँव कैई आँदा लागा; से शरीफ़ अरह् गाद्दे गाशी बऐठी रूवा; होर, मतल्व गाद्दी के गाद्दड़ू गाशी, बोझ़ ढोणों वाल़े के बच्चै गाशी।’”

रोमियों 4:13

किन्देंखे के ऐजा बाय्दा करा गुवा, के तू संईसारी का बारिस हंईदा, ना अब्राहम खे अरह् ना तेस्के बंष खे, अरह् ना ऋषी-मूसा खे भेटे गुऐं निय्म के जाँणें; परह् सिर्फ बिश्वाष कर्णो के जाँणें पंणमिश्वर की नंजरी दा बै-कसूर बंण्णों के जाँणें सेजा बाय्दा पुरा हुआ।

गलातियौं 5:23

नरमाँऐं, अरह् सबैर हों, तअ ऐष्णी-ऐष्णी काँम-काज़ के बिरोध दा किऐ भे निय्म ने आथी।

इफिसियों 4:2

मतल्व पुरी गरबाई आरी, अरह् नंरमाँऐं आरी, सबैर थईयों प्यार शे ओका ओकी की ऊदी सुऐ;

कुलुस्सियों 3:12

ईन्देंखे पंण्मिश्वर के चूणें-छाँटे अंदें जैष्णें जू पबित्र अरह् प्यारे असो, बड़ी कृपा, भलाऐ, अरह् गरबाई-नींम्ताई, अरह् सय्नशिलता धारणा करह्।

1 तीमुथियुस 6:11

परह् हे पंण्मिश्वर के जंण, तू ईनू बातो शा भाग, अरह् धर्म, भगत्ति, बिश्वाष, प्यार, धीरज, अरह् नंरमाँऐं पाछी पड़।

2 तीमुथियुस 2:25

परह् से बिरोध कर्णो वाल़े लोग भे नंरमाँई शे संहम्झ़ाऐ दियों, किन्देखे के ऐजो कुँऐं ने जाँण्दा के कबे पंण्मिश्वर तिनका मंन पंसताँवे लंई बद्ल़ी दियों; अरह् तिनखे भे सच्चाई का ज्ञाँन भेंटी ज़ाँव;

तीतुस 3:2

कोसी बदनाँम ने करे, झगड़ू ने बंणें; परह् नरंम सभाव के हों, अरह् बादे आदमी की गईलो बह्ड़े निम्ताई-गरबाई शे रंह्।

याकूब 1:21

बिचकी चाल-ढाल अरह् संईसारी कि बादी बुराई शे दुर्के रंह्, अरह् नरमाँऐं वाल़े बचन माँनें, जू तुँवारी सासो दे बऐं थुऐ, सेजे बचन माँनोंं, जू तुँवारी आत्त्मा खे मुँक्त्ति दियों।

याकूब 3:13

तुँओं मुँझी ज्ञाँनी अरह् ठगड़ा सम्झदार कुँण असो? जुण्जा ऐशा हों के आप्णे आच्छ़े सभाव अरह् करंम के जाँणें ज्ञाँन पय्दा कर्णो वाल़ी नरमाँऐं आरी पर्गट हों।

1 पतरस 3:15

परह् मसीया खे प्रभू जाँणियों आप्णे-आप्णे मंन दे पबित्र जाँणों। जू कुँऐं तुवाँरे भुर्षे के बारे दो किऐ तुँओं कैई शो पुछों, तेस्खे जबाब देणों खे सदा तिहार रंह्, परह् नीम्ताई अरह् डरह् आरी,

1 पतरस 3:4

परह् तुँवारी चुप्पी बिना दे:खी इंनसाँनिय्त, अरह् नरमाँऐं वाल़ा मंन की गरबाई जिन्दे के सजावट कोद्दी ने मिट्दी से संज्जी अंदी रंह्, किन्देंखे के पंणमिश्वर की नंजरी दा ईन्दें का मोल बैजाऐ बड़ा असो।