मत्ती 5:22 - Sirmouri

²² परह् हाँव तुँओं खे ऐजो बुलू, के जू कुँऐं आप्णें भाई गाशी कुरूध करला, से दाल्ती दा सजा ज़ुगा हला। अरह् जुण्जा कुँऐ आप्णें भाई खे निकारा बुल्ला, से बड़ी खुम्ल़ी दा सजा ज़ुगा हला, अरह् जुण्जा कुँऐं बुलो, के ‘ओ मुरूख’, से नंगरक की आगी की सजा ज़ुगा हला।

सिरमौरी नौवाँ नियम

²² पौरौ हांव तुऔं खै ऐजौ बुलू, कै जू कुणिए आपणै भाई पांदी गुस्सा कौरला, अदालत दा पौरमेशवर तैसीकै सौजा दैला, औरौ जू कुणिए आपणै भाई खै निकम्मा बौलला तैसीखै महासभा दै सौजा भेटली; औरौ जू कुणिए बौल़ौए, ‘ओए रै मूर्ख’ सै नरक कै आग मुंजी सौजा कै लायक हौंदा।

मत्ती 5:22 ပူးပေါင်းရင်းမြစ်များ

मत्ती 10:17

परह् लोगो शे सकने-चौक्क्ष रूऐ, किन्देखे के से तुँओं बड़ी खुम्ल़ी दे देले, अरह् तेथै आप्णी खुम्ल़ी दे तुओं दे कुड़े मराले।

मत्ती 10:28

तेस्दे ने डरे, जुण्जा देह्-शरीर मारो, परह् तेस्दे डरे, जुण्जा आत्त्मा अरह् देह्-शरीर दुईनें नंरक दे नष्ट करी सको।

मत्ती 12:24

परह् यहूदी भाट-बाँम्णें ऐजो शुणियों बुलो, “ऐ तअ दुष्ट-आत्त्मा का नंम्बरदार शैतान, बालज़बूल की मद्दत्त के बिना दुष्ट-आत्त्मा ने निकाल़ी सक्दा।”

मत्ती 17:5

तेने बुली ही लों थियों, के ऐक ओज्ल़े बांद्ल़े तिनू मैठी दिते, अरह् तेसी बाद्ल़ो मुँझ्शी ऐक धाव पड़ी: “ऐजा मेरा प्यारा बैटा असो, जेस्छ़ा हाँव खुशी असो: ऐस्की शुणों।”

मत्ती 18:21

तबे संत्त-पतरस प्रभू यीशू कैई आया, अरह् तेने तिनशा ऐक सुवाल करा, “हे प्रभू! केती बई मेरा भाऐ मेरे बिरूध किऐ अपराध पाप करह्, अरह् केती बई हाँव तेस्खे माँफ करू सात्ती बई?”

मत्ती 18:35

“मेरा स्वर्गो का पिता भी तुँवारी गईलो ऐजो ही करदा, जे तुँओं मुँझ्शो ऐक नाँम आप्णें भाऐ, बंऐणी के पाप दिल शे तिस्खे माँफ ने कर्ले।”

मत्ती 23:15

“फींट्कारा असो! तुओं पाखंडी यहूदी-निय्म के शिखाणों वाल़े, अरह् यहूदी भाट-बाँम्ण, तुँओं खे भहित्ती सजा भेट्दी! तुँऐं ऐक झुणा आप्णे मंत्त-शीख्हं दा लियाणों खे बादो जल-थल दे रिटो-फिरो, अरह् जबे से तुवाँरे मंत्त-शींख्ह दा आऐ ज़ाँव; तअ तेसी आपु शा भे जादा बेंच़्का नंरक ज़ुगा बंणाऐं दियों।”

मत्ती 23:33

ओ शंगाव, के बीश्लें नहाँन्ड़िया, तुँऐं नंरक की सजा शे किऐ-किऐ बंच़्दे?

मत्ती 25:41

“तबे राजा आप्णें डेरे ढबे के लोगों खे टाटी नाँऐयों बुल़्ला, ‘मुँह कैई शे दुर्के ज़ाव, श्रापित्त लोग! हमेशा के नंरक की आगी दे ज़ाव, जुण्जी शैतान अरह् तेस्के दूत्तों खे आगे ही तियार असो।

मत्ती 26:59

प्रधान-याजकों अरह् बादी बड़ी खुँम्ल़ी के लोग प्रभू यीशू मार्णों खे, तिनके बिरूध दी झूठी गुवाह्-शाज़्त की खोज-ताक दे थिऐ,

मत्ती 3:17

तेसी बख्त्ते स्वर्गो शी ऐजी अगाष बरंम्बाणीं हऐ, “ऐजा मेरा बैटा असो, जेसी मेरे प्यारा असो, जेस्शा हाँव खुशी असो।”

मत्ती 5:34

परह् हाँव तुँओं खे ऐजो बुलू, के कद्दी भी षोह्-शपद् ने खाऐ; ना तअ स्वर्गो की, किन्देखे के से पंणमिश्वर को सिंगास्ण असो;

मत्ती 5:44

परह् हाँव तुँओं खे बुलू, के आप्णें बऐरी शो पियार थुऐं, अरह् आप्णे सताँणें वाल़े खे प्रार्थना करह्,

मरकुस 14:55

प्रधान-याजकों अरह् बादी बड़ी खुम्ल़ी के लोग प्रभू यीशू मसीया खे मंऊँत्ती की सजा देंणों की ताँईऐं झूठे गुवाह्-शाज़्त दियाँणों की ताक दे थिऐ, परह् झूठे गुवाह्-शाज़्त ने तिनू भेटी।

मरकुस 15:1

भैयासर हंदे ही प्रधान-याजको, अरह् ठगड़ै, अरह् यहूदी-निय्म के शिखाँणों वाल़े, अरह् बादी च़ौऊँ खत्ती के खुम्ल़ाईच़ूऐ सलाह्-ठाट करी के यीशू बाँनियों हाक्म पिलातुस कैई देऐ दियों।

लूका 12:5

परह् हाँव तुँओं खे चिताऐयों बुलू, के कस्दो डोर्णो पड़ो; तैस्दे डरे, जेस कैई तुओं माँरियों नंरक दे पाँणों का हंक-अ-धिकार असो; होर, हाँव तुओं खे बुलू, के तेस्दे ही डरे।

लूका 22:66

जबे देस आव, तअ लोगो के ठगड़े, अरह् मुख्य-याजकों, अरह् यहूदी-निय्म के शिखाँणों वाल़े लोग कट्ठै हुऐ; अरह् तिनू आप्णी बड़ी खुम्ल़ी दे नीऐयों तिनू पुछ़्दे लागे।

यूहन्ना 11:47

तबे मुँख्या-याजकों अरह् यहूदी भाट्-बाँम्णें ऐ; ऐक खह्त्ती की बैजाऐ बड़ी खुम्ल़ी कंट्ठी करियों बुलो, के ऐबे “आँमें तेस्को का करह्? ऐने आदमी ऐं तअ बैजाऐ चींह्न-चंम्त्तकार देखाऐ लुऐ।

यूहन्ना 15:25

ऐजो ईन्देंखे हुओं, के ‘ऋषी मूसा खे भेटे गुऐ अज्ञाँ-निय्म का सेजा लेख्ह पुरा हों: के तिन्ऐं मुँह आरी बिना कारण को बंईर करी थो।’

यूहन्ना 7:20

लोगों की भीड़ ऐ जबाब दिता, “कुँण तेरी हंत्त्याँ कर्णी चहाँव? ऐष्णों किऐ ने आथी; परह् ताँव दो तअ किऐ लागियों को असो!”

यूहन्ना 8:48

यहूदी निय्म के शिखाँणों वाल़े ऐ, प्रभू यीशू खे बुलो, “कियो आँमें ऐजो ठीक बुल्दे ने, के तू सामरी असो; अरह् ताँव्दी दुष्ट-आत्त्मा संमाँऐ रंऐ?”

प्रेरितो कै काम 17:18

तबे इपिकूरी अरह् स्तोईकी दर्शण देख्णों वाल़े लोग, भे तेस्की गईलो सवाल जबाब कर्दे लागे; अरह् कंई लोगे ऐ बुलो, “ऐजा बकबादी का बुल्णों चहाँव?” परह् ओकी ऐ बुलो, के “ऐ कोसी ओकी देव्त्ते का प्रचार कर्णो वाल़ा हंणाँ” किन्देंखे के संत्त-पौलुस प्रभू यीशू का अरह् दुज़ाल़िऐं ऊबे जीऊँणों की खुषख्बरी शुँणाँव थिया।

प्रेरितो कै काम 22:30

दुज़े देसे सुबेदार ऐ ऐजो ठीक-ठीक जाँण्णों की हिछ़या शो के ऐजे यहूदी लोग ऐसी ऐत्रा दुषी-कसूर बार कैई बाणों ऐजो जाँण्णों खे तेने संत्त-पौलुस के बाँनणों खुली दिते, अरह् मुँख्या-याजकों अरह् बड़ी खुम्ल़ी कंट्ठी कर्णो के अज्ञाँ दिती; अरह् तेने संत्त-पौलुस आँणिंयों तिनके सहाँम्णें खह्ड़ा करी दिता।

प्रेरितो कै काम 23:1

संत्त-पौलुस ऐ तियों बड़ी खुम्ल़ी की ढबे नीह्जाऐयों देखियों बुलो; “हे भाईयों! मुँऐं हेबी तोड़ी पंण्मिश्वर की नंजरी दा पबित्र-शुद्ध जीवन बिताँऐ थुवा।”

प्रेरितो कै काम 24:20

भाँव ऐजो ही बुल्दे के जबे हाँव बड़ी खुम्ल़ी के सहाँम्णें खह्ड़ा थिया, तअ ईन्ऐं मुँह्दा कुँण्जा दोष-कसूर देखा?

प्रेरितो कै काम 4:15

तबे: तिन्ऐ संत्त-पतरस, अरह् संत्त-यूहन्ना खे खुम्ल़ी शो बाईडे ज़ाँणों की अज्ञाँ दित्ती; अरह् ऐजो बुल्दे आपु मुँझी ठाट-बाट करी, के

प्रेरितो कै काम 5:21

ऐजो शुँणियों से झ़ीषौ भेंयासरो दे ही देऊँठी दे हुटे; अरह् लोगों खे शिक्क्षा देंदे लागे। तबे महाँ-याजक अरह् तिनके साथी ऐ आऐयों बड़ी खुम्ल़ी करी, अरह् इस्राएलियों के बादे पुराँणियाँ कठै करे, अरह् कय्दी खाने खे ऐजा शुज़ा दिता के खास-चैले उडे आँणों।

प्रेरितो कै काम 5:27

तबे तिन्ऐ खास-चैले तेथै बंड़ी खुम्ल़ी के सहाम्णें करे, अरह् महाँ-याजक ऐं तिन कैई शो ऐजो पुछ़ो।

प्रेरितो कै काम 6:12

अरह् ऐशे दाँई लोगों के दाँने-माँने अरह् यहूदी निय्म के शिकाणों वाल़े लोग भड़्काणों पाछ़ी तिन्ऐं ऐक-दंम स्तिफनुस थाँहम्बड़ियों बड़ी खुम्ल़ी के सहाँम्णें आगु नींयाँ।

प्रेरितो कै काम 6:15

तबे तिनू बड़ी खुम्ल़ी दे बंईठै अँदे लोगे ऐं तेसी स्तिफनुस नींह्जाऐयों ऐकठ्डिऐ देखा; तअ तिनके तेस्का मुँख्ड़ा ऐक स्वर्गदूत्त जेष्णाँ देखाई पड़ा।

प्रेरितो कै काम 7:37

“से सेजा ही ऋषी-मूसा थिया, जेने इस्राएलियों खे बुलो थियों, ‘पंण्मिश्वर तुवाँरें ही भाई मुँझ्षा तुओं खे ऐक ऐशा ऋषी खह्ड़ा करला।’

रोमियों 12:10

तुँऐं सच्चै भाईयों जेष्णें ओका ओकी शो पुरे दिल शो पियार करह्; अरह् ओका ओकी खे आपु शा जादा आछा जाँणों।

1 कुरिन्थियों 6:10

ना चोर, ना लोभी, ना पियक्ड़-शराबी, ना गाल़ी देणों वाल़े, ना अनियाँऐ, कर्णो वाल़े, पंणमिश्वर के राज्य के वारिस हंदी।

1 कुरिन्थियों 6:6

तुँओं मुँझी भाऐ-भाऐ का मुक्दमा हों, अरह् सेजा भे बै-बिश्वाषी लोगो के साम्णें।

1 थिस्सलुनीकियों 4:6

के ईयों बातो दे कुँऐं आप्णे बिश्वाषी भाऐ-बंऐणीं ने ठगे, अरह् ना तिनखे किऐ चाल-चाले, किन्देंखे के प्रभू ईनू सोभी पापो का बद्ल़ा लोंणों वाल़ा असो; जेष्णों के आँमें तुँओं कैई शो आगे ही चिताऐं थुओ थियो।

तीतुस 3:2

कोसी बदनाँम ने करे, झगड़ू ने बंणें; परह् नरंम सभाव के हों, अरह् बादे आदमी की गईलो बह्ड़े निम्ताई-गरबाई शे रंह्।

इब्रानियों 12:25

च़ौक्क्ष रंह्, अरह् तेसी बुल्णों वाल़े शो आप्णों मुँह ने फेरे, किन्देंखे के से लोग जबे धर्ती गाशी चिंताँव्णी देणों वाल़े शे मुँह फेरियों ने बंची सकी, तअ आँमें स्वर्ग गेछ़ै चिताँव्णी देणों वाल़े शे मुँह फेरियों किऐ-किऐ बंच्दे?

इब्रानियों 5:9

अरह् सीद्ध बंणियों आप्णें बादे अज्ञाँ माँनणों वाल़े की ताँईऐं सदा खे छ़ुट्कारा देणों वाल़े बंणें;

याकूब 2:20

परह् ओ ज़ोगर आदमी, कियों तुँऐं ऐजो भे जाँण्दें ने, के करंम के बिना बिश्वाष बै-कार असो।

याकूब 3:6

तेष्णी ही अमाँरी जीभ भे आग जैष्णी हों, जीभ अमाँरें देह्-शरीर दा ऐक अ-धर्म का खजाना हऐ सको, जू अमाँरी बादी देह्-शरीर दा कंल़क अरह् अशुद्ध करी सको; अरह् आपु भे जीवन की चाल-ढाल नाँष कर्णो वाल़ी अगियाव दे बद्ल़ी ज़ाव, अरह् आपु भे नंरक के कुँन्ड दे तियों आगी लई सिल्गी ज़ाँव।

1 पतरस 2:23

से गाल़ी शुणियों गाल़ी ने दियों थिऐ, अरह् दु:ख भूगियों कोसी खे धम्मकी ने दियों थिऐ, परह् आपु-आप्खे साच्चै नीयाऊँच़ू के हाथो दा देऐ दिता।

1 पतरस 3:9

बुराई के बद्ल़े बुराई ने करे, अरह् ना गाल़ी के बद्ल़े गाल़ी दिऐ; परह् गाल़ी के बद्ल़े आशिर्बाद दिऐ, किन्देंखे के तुँऐं आशिर्बाद के हंकदार हंणों खे बय्दी थुऐ।

1 यूहन्ना 2:9

जुण्जा कुँऐं ऐजो बुलो, के हाँव ज्योत्ति-प्रकाष दा असो, अरह् तबे भे से आप्णें भाऐ बंऐणीं दा शंगाऐयों तिनशो बईर करह्, तअ से हेबी तोड़ी भे ईनाँरे दा ही असो।

1 यूहन्ना 3:10

पंण्मिश्वर की अलाद अरह् शैतान की अलाद के पछ़याण ईन्दें लई हों; के कुँऐं भे आदमी, जैस्का जीवन धार्मिक ने आथी, अरह् से आप्णें भाई-बंईणीं आरी पियार ने करदा सेजा आदमी पंण्मिश्वर का जंण ने आथी।

1 यूहन्ना 5:16

जे कुँऐं आप्णा बिश्वाषी भाऐ के बईण ऐशा पाप कर्दे दे:खो, जिन्दें का नंतीजा मंऊँत्त ने हों; तअ तुँऐं तेसी भाई के बंईणी खे प्रार्थना करह्, तबे ही पंण्मिश्वर तिनखे जीवन देले, अरह् जिन्ऐं किऐ ऐष्णा पाप करी थुवा, जिन्दें का नंतीजा मंऊँत्त ने आथी, परह् ऐक ऐशा भे पाप असो, जिन्दें का नंतीजा सिर्फ मंऊँत्त ही असो, ऐष्णें पाप कर्णो वाल़े खे हाँव तुँओं खे प्रार्थना कर्णो खे ने बुल्दा।

यहूदा 1:9

प्रधान स्वर्गदूत्त मीकाईल ऐ, जबे शैतान शो ऋषी-मूसा की मुँड़्दे-मींत्तके के बारे दे बाद-बिबाद करा, तअ तैस्खे बुरो-भलो बुलियों बैएज्ता ने करी, परह् तैस्खे सिर्फ ऐती बुलो, “पंण्मिश्वर ही ताँव खे फिट्कारा देले।”

प्रकाशितवाक्य 20:14

ईन्दें पाछ़ी मंऊँत्त अरह् अंधलोक दुईन्नें आगी की झ़ील दे पाऐ दिते। अरह् सेजी आगी की झ़ील जुण्जी दुज़ी मंऊँत्त असो;