मत्ती 5:18 - Sirmouri

¹⁸ मुँऐं तुँओं कैई ऐक सच्च पर्गट करी लो: जाँव तोड़ी असमाँन अरह् धर्ती मंजुद असो, ताँव-तोड़ी पबित्र-ग्रन्थों का ऐक भे बिन्दु के माँत्रा ने घट्दी, जाँव तोड़ी सब-कुछ नाँष ने हंऐ ज़ाँव।

सिरमौरी नौवाँ नियम

¹⁸ जिथुकै हांव तुऔं खै साचौ बुलू, कै जांव तौड़ी गौयण औरौ धोरती टोल़े ना जांव, यानी पौरमेशवर कै कानून दै सौबै मकसद पूरै ना हौए जांव तांव तौड़ी पौरमेशवर कै कानून मुंजीदा किछै बै इथै तौड़ी कै ऐक मात्रा या ऐक बिन्‍दु बै ना टौल़दा।

मत्ती 5:18 ပူးပေါင်းရင်းမြစ်များ

मत्ती 10:15

हाँव तुओं खे खास बात बुलू, के नियाँव के देसे, जबे पंणमिशवर तेसी नंगर खे सजा देला, तअ सेजी सजा सदोम, अरह् अमोरा के नगर, शे भे जादा बुरी हंदी।”

मत्ती 10:23

जबे से तुँओं ऐकी नंगर दे सताले तअ ओकी नंगर खे भागी ज़ाऐ। हाँव तुँओं खे खास बात बुलू, के जबे तुँऐं इस्राएल के बादे नंगर दे रिटी-फिरी ज़ाले, ताँव-तोड़ी आदमी का बैटा भे आऐ ज़ाला।”

मत्ती 10:42

जुण्जा कुँऐं ईनू आँम आदमी मुँझ्षा मेरा चैला जाँणियों तेस कैई शा ऐक गिलास शैल़ों पाँणी पींयाँव, तअ हाँव तुँओं खे खास बात बुलू, के से आप्णा प्रतिफल़ बिलकुल ने गुवाँदी।”

मत्ती 11:11

हाँव तुओं खे खास बात बुलू, के ऐतलो तोड़ी, जै-तोड़े तिरंई शे पय्दा हऐ रूऐ, तिनू मुँझ्शा ऐक भे संत्त-यूहन्ना नहाँण-नहाँणों वाल़े शा बड़ा ने आथी; परह् जुण्जे स्वर्गो के राज्य दे छुटे शे छुटे असो, से तिन शा बड़ा असो।

मत्ती 13:17

हाँव तुँओं कैई ऐक ओकी खास बात बुलू, के बैजाऐ भहिते पंणमिश्वर की बरंम्बाणीं कर्णो वाल़े लोग, अरह् धरमाँईत्त लोग, जुण्जी बातो तुँऐं दे:खो, से भे सेजी बातो दे:ख्णिं चहाँव थिऐ, परह् से दे:खी ने सकी; अरह् जुण्जी बातो तुँऐं शुणों, सेजी बातो से भे शुँणी चहाँव थिऐ, परह् से शुणी ने सकी।”

मत्ती 16:28

“हाँव तुओं खे खास बात बुलू, के ईथे कुछ लोग असो, जुण्जे ताँव-तोड़ी मंऊँत्ती का सुवाद ने चाख्दी, मतल्व ताँव-तोड़ी ने मंर्दीं जाँव तोड़ी आदमी का बैटा तेसके राज्य दा तेसी राज कर्दे ने दे:खो।”

मत्ती 17:20

तबे प्रभू यीशू ऐ तिनखे बुलो, “आप्णे बिश्वाष की कमी के कारण, किन्देखे के हाँव तुँओं कैई ऐक खास बात बुलू: के जे तुओं दा राई के दाँणें जे-तोड़ा भे बिश्वाष हंदा; अरह् तुँऐं ईयों धारोंह् खे अज्ञाँ देंदे, के ईथे शो ऊखड़ियों ज़ा! तअ ऐजी धारह् ईथे शी हटीं ज़ाँदी; अरह् किऐ भे बात तुओं खे कठीण ने आथी।

मत्ती 18:18

“हाँव तुँओं कैई ऐक खास बात बुलू, जुण्जो किऐ तुँऐं धर्ती गाशी बाँन्ले, सेजो स्वर्गो दो बंन्लो; अरह् जुण्जो किऐ तुऐं, धर्ती गाशी खुल्ले, सेजो स्वर्गो दो भे खुल्लो।

मत्ती 18:3

“हाँव तुँओं कैई ऐक खास बात बुल्णीं चहाँऊ, जाव तोड़ी तुँऐं आप्णा मंन बद्ल़ियों, ऐसी नहाँन्ड़िया जेष्णें ने बंणों, ताँव-तोड़ी तुँऐं स्वर्गो के राज्य दे कद्दी भे दाखिल ने हंऐ सक्दे।

मत्ती 19:23

तबे प्रभू यीशू ऐ आप्णें चैले खे बुलो, “हाँव तुँओं खे खास बात बुलू, के सेठो को स्वर्गो के राज्य दो दाखिल हंणों कठींण असो।

मत्ती 19:28

प्रभू यीशू ऐ तेस्खे बुलो, हाँव तुँओं खे खास बात बुलू, के नंई संईसारी दा जबे आदमी का बैटा आप्णी बड़ियाऐं की सिंगास्हणों गाशी बईठला, तअ तुँऐं भे जुण्जे मुँह पाछी चाली रूऐ, से बारंह् सिंगास्हणों गाशी बऐठियों इस्राएल के बारंह् गोत्रह् का नियाँव कर्ले।

मत्ती 21:21

प्रभू यीशू ऐ तिनखे जबाब दिता, “तुँऐं ऐजी खास बात सम्झी पाव: जे तुवाँरे बिश्वाष हों; षकं-शुभा बिल्कुल भी ने करह्, तअ जुण्जो ईयों तेर्मोल़ी के डाल़ी आरी हुओं, तअ जे तुऐं ऐसी पर्वत घारह् खे भे अज्ञाँ दियोखं, के ‘ऊख्ली ज़ा, अरह् समुँन्द्र दा ज़ाऐयों पढ़!’ तअ ऐजो भे हऐ ज़ाँदो।

मत्ती 21:31

तअ ऐजो बुलो, के कोसी बैटे ऐ आप्णें बाबा की हिछ़या पुरी करी?” तिनिऐं बुलो, “जेंठै बैटे ऐ”, तबे प्रभू यीशू ऐ तिन्खे बुलो “के हाँव तुओं खे ऐक खास बात बुलू, के समाँज शे निंकाल़े गुऐ, कंण-माँम्ला लणों वाल़े लोग अरह् बैष्या तुँओं शी आगे पंणमिश्वर की राज्य दी ज़ाँदी।

मत्ती 23:36

हाँव ऐक खास बात बुलू, के ईनू सोभी की सजा का भार-बोंझ़ ईयों पीढ़ी गाशी पड़ी रूवा।”

मत्ती 24:2

प्रभू यीशू ऐ तिनखे बुलो, “तुँऐं ऐजी देऊँठी की बंणाँवट दे:खी लऐ? हाँव तुओं खे खास बात बुलू, के ऐक देस ईयों देऊँठी का ऐक भे पाथर ओकी पात्त्थरों गाशी थुवा अंदा ने दे:ख्ले किन्देंखे के ऐक नाँम पाथर धह्नियों धर्ती गाशी ढाल़ियो छ़ाँटो-बाटो पड़ा अंदा हला।”

मत्ती 24:47

हाँव तुओं खे खास बात बुलू, के घर का मालिक तेसी दास के हाथों दी आप्णी बादी घरोंऊँच़ीं की जूमेबारी देऐ दियों।

मत्ती 25:12

परह् तेने दुल्हे ऐ तिनखे जबाब दिता, हाँव तुओं खे खास बात बुलू, के हाँव तुँओं जाँण्दा ही ने।

मत्ती 25:40

राजा तिन्खे जबाब देला; ‘हाँव तुओं खे खास बात बुलू, के जुण्जो किऐ तुँऐं आप्णें भाई, बंऐणी, खे जुण्जे मेरे ईनू छोटे शे छोटे खे किऐ करो; तुऐं सेजो ईनखे ने परह् मुँखे करी थुओं।’

मत्ती 25:45

तबे राजा तिनखे जबाब देला, ‘हाँव तुओं खे खास बात बुलू, के जुण्जो तुऐं मेरे ईनू छोटे शे छोटे लोगो खे ने करी थंई, सेजो तुऐं मुँखे भे करीने थंई।’

मत्ती 5:26

हाँव ताँव्खे खास बात बुलू, के जाँव तोड़ी तू आप्णें मुँद्दई की पाऐ-पाऐ ने देऐं दियों, ताँव-तोड़ी तू तियों कय्दी शा छ़ूटी ने बल़्दा।

मत्ती 6:16

“जबे तुँऐं बरत करह्, तअ पाखंडियों के जिऐ तुवाँरें मुँह मुरजाऐ अंदे ने हों, किन्देखे के से आप्णों मुँह मुँरजाऐ अंदो थों, जू लोग तिनखे बरतू जाँणों। हाँव तुँओं खे खास बात बुलू, के तिनू आप्णा प्रितफल़ भेटी रूवा।

मत्ती 6:2

“ईन्देंखे जबे तुँऐं दाँण दियों, तअ ढीको ने शुणाँऐं, जेष्णों के पाखंडी लोग खुम्ल़ी अरह् गाँव-गल़ी दो करह्, जू लोग तिनकी बड़ियाऐ करह्। हाँव तुँओं खे खास बात बुलू, के तिनू आप्णा प्रतिफल़ भेटी गुवा।

मत्ती 8:10

ऐजो शुणियों प्रभू यीशू के तूरंबाणच़ूंटे, अरह् जुण्जे तिनू पाछी आँदें लागे थिऐ, तिनिऐं तिनखे बुलो, “हाँव तुँओं खे खास बात बुलू, के मुँऐ इस्राएल दा भे ऐष्णा बिश्वाष दे:खी ने थई।

मरकुस 10:15

हाँव तुँओं खे खास बात बुलू, के जू कुँऐं पंणमिश्वर को राज्य नहाँन्ड़िया जेष्णों ने माँन्दा, तअ सेजा आदमी कद्दी भे पंणमिश्वर के राज्य दा ज़ाऐं ने सक्दा।”

मरकुस 10:29

प्रभू यीशू ऐ बुलो, “हाँव तुँओं खे खास बात बुलू, ऐशा कुँऐं ने आथी, जेने मेरी ताँईऐं अरह् खुषख्बरी की ताँईऐं घर, के भाऐ, बंईण, के माँ-बाबा के आप्णे बाल-बच्चे अरह् आप्णी बादी पराँपटी-जजाऐत छुड़ियों मुँह पाछी आला।

मरकुस 11:23

हाँव तुँओं खे खास बात बुलू, के जे कुँऐं ईयों टिम्बड़ी खे बुलो, के ऊँख्षियों संमुन्द्रो दी पंड़, अरह् से आप्णे सासो दा बिश्वाष थंह्; तअ जुण्जो तुऐं बुल़्ले सेजो तेष्णों ही हंदों।

मरकुस 12:43

तबे प्रभू यीशू ऐ आप्णे चैले नंजीक बईदे अरह् तिनखे बुलो, “हाँव तुँओं खे खास बात बुलू के देऊँठी के भंडार दो दाँण देणो वाल़ी, ऐजी गरीब बिधवा तिरंई असो, ईयों शो जादा भहितो दाँण कुँणिऐं ने देऐ थंई।

मरकुस 13:30

हाँव तुँओं खे खास बात बुलू, के जाँव तोड़ी ऐजी बादा बातो ने हऐ ज़ाँव, ताँव-तोड़ी तेसी ज़ुगौ के लोगो का बाल़ भे बागा ने हंदे।

मरकुस 14:18

जबे प्रभू यीशू चैले आरी बईठे अंदे थिऐ, तअ तिन्ऐं तिनखे बुलो, “हाँव तुओं कैई ऐक खास बात बुलू; तुओं मुँझी जुण्जे मेरी गईलो खाणा-खाँदें बऐठी रूऐ, तुओं ही मुँझ्षा कुँऐं मुँखे धोखा देंदा।”

मरकुस 14:25

हाँव तुँओं खे खास बात बुलू, के दाख्ह्-अंगूरोह् का ऐजा रंस हेबी शुभा तेसी बख्त्तों तोड़ी ने पीदी, जाँव तोड़ी हाँव आप्णें पिता के राज्य दा तुँवारी गईलो नुवाँ रंस ने पीऊँ।”

मरकुस 14:30

प्रभू यीशू मसीया ऐ तेस्खे बुलो, “हाँव ताँव खे खास बात बुलू, के ऐतलो ही रात्ती, तू कुक्ड़े के दू बोई बाँक देणों शा आगे, तू च़ी बई, भाजी ज़ाईदा के हाँव ने जाँण्दे के ऐ कुँण असो।”

मरकुस 14:9

हाँव तुँओं खे ऐक खास बात बुलू, के बादी संईसारी दे जेथी केथी खुषख्बरी प्रचार हली, तेथै याँरी ईयों काँम-काज़ के चर्चा भे याँरी चिताँव्णी खे हली।”

मरकुस 3:28

“हाँव तुँओं खे खास बात बुलू: के आदमी के जाँणें करे गुऐ बादे पाप माँफ कर्णो ज़ूगे हों।

मरकुस 6:11

जेथै के लोग तुँओं ने माँन्ले ने, अरह् ना तुँवारी शुंणले, तेथै शे आगू ज़ाँदिऐं आप्णे लात्तों की माटी भे तेथी झाड़ी दिऐ, जू सेजी धूंढ़ तिन गाशी तिन्दें की गुवाऐ-शाज़्त ठहरली।”

मरकुस 8:12

प्रभू यीशू ऐ आप्णी पबित्र-आत्त्मा शो जाँणी पाओ, अरह् शुष्कार छुड़ियों बुलो, “ऐसी ज़ुगौ के लोग चींन-चम्तकार कैई जूवों? हाँव तुँओं खे खास बात बुलू, के ऐसी ज़ुगौ के लोगो खे किऐ चींन-चम्तकार ने दिऐ ज़ाँदे।”

मरकुस 9:1

प्रभू यीशू ऐ आप्णें चैले खे बुलो, “हाँव तुँओं खे खास बात बुलू, के जै-तोड़े ईथै खड़े असो, इन मुँझ्षे कुँऐं-कुँऐं ऐष्णें असो, के जाँव तोड़ी पंणमिश्वर को राज्य शक्त्ति लई आऐयों ने दे:खी पाँव, ताँव-तोड़ी मंऊँती के हाथो दे ने ज़ाँदे।”

मरकुस 9:41

जुण्जा कुँऐं ऐक गिलास पाँणी तुँओं कैई शो मेरे नाँव, अरह् ईन्देंखे पियाला के तुँऐं मसीया के असो, तअ हाँव तुँओं खे खास बात बुलू, के तेसी तिन्दे का ईनाँम जरूर भेंट्ला।

लूका 11:51

हाबिल के लह्ऊँ शो ऊडो, जकर्याह के लह्ऊँ तोड़ी जैसी तिन्ऐं देऊँठी की पुज्जों के बीच दा माँरा थिया; हाँव तुओं खे खास बात बुलू, के तिनू सोभी का हिसाब ईयों पीड़ी के लोगो कैई शा लुवा ज़ाँदा।

लूका 12:37

भागोईंत्त असो! सेजे दास-बैठू जिनू तिन का माँलिक घरह् की रंख्वाल़ी-जगवाल़ी कर्दे बीऊँजी दे:ख्ला; हाँव तुँओं खे खास बात बुलू, के सेजा माँलिक आप्णी कंमरी दी गाच़ी भीड़ियों तिनू सोभी ऐकी-ऐकी दास-बैठू कैई शो बंईठाल़ियों आपु भोजन कराला।

लूका 13:35

दे:खो, तुवाँरो घोरह् तुओं खे‌ छ़ुड़ी देंईदो, हाँव तुओं खे खास बात बुलू; के तुऐं मुँह ताँव तोड़ी ने दे:ख्ले, जाँव तोड़ी तुऐं बख्त्त आँणों गाशी, ऐजो ने बुलो; के ‘भागोईत्त असो! सेजा जुण्जा प्रभू के नाँव शा आँव!’”

लूका 16:17

अस्माँन, अरह् धर्ती टल़ी ज़ाली, तअ टल़ी ज़ाली; परह् ऋषी मूसा खे भेटे गुऐ निय्म-अज्ञाँ मुँझ्शा ऐक भे बिन्दू ने टल़ी सक्दा।

लूका 18:17

हाँव तुँओं खे खास बात बुलू, के जू कुँऐं पंण्मिश्वर को राज्य नहाँन्ड़िया, छ़ैढ़ू जैष्णों ने माँन्ला, से कद्दी भे पंण्मिश्वर के राज्य दा ने ज़ाऐ सक्दा।”

लूका 18:29

प्रभू यीशू ऐ तिनखे जबाब दिता, “हाँव तुँओं खे खास बात बुलू; के ऐष्णा कुँऐं ने आथी, जेने पंण्मिश्वर की ताँईऐं आप्णों घरह्-बार के आप्णी घरवाल़ी के भाऐ-बंईण, के आप्णें माँ-बाबा, के आप्णें नहाँन्ड़िया छुड़ी दिते हले।

लूका 23:43

प्रभू यीशू ऐ तैस्खे बुलो, “हाँव ताँव्खे खास बात बुलू, कि ऐत्त्लो ही तू मेरी गंईलो स्वर्गो दा हंईला।”

लूका 4:24

अरह् प्रभू यीशू ऐ बुलो, “हाँव तुँओं खे खास बात बुलू, के कोसी भे (ऋषी) आप्णें गाँव-नंगर दा माँन-समाँन ने भेंट्दा।

यूहन्ना 1:51

प्रभू यीशू ऐ तेस्खे बुलो, “हाँव तुओं खे खास बात बुलू: तुऐं स्वर्ग खुलो अंदो, अरह् पंण्मिश्वर के स्वर्गदूत्त आदमी के बैटे गाशी ऊँदे आँदें, अरह् ऊँबे ज़ाँदे देख्ले।”

यूहन्ना 10:1

“हाँव तुँओं कैई भैंड़वाल़े अरह् भैंड़ो को अनाँणों शुँणाँऊ: के जुण्जा कुँऐं भैड़शाल़ दा दुवार-जैडी खुलियों भीटा ने ज़ाव; अरह् से कैथी ऊक्त्ते ही बाटी भैड़शाल़ दा भींटा ज़ाँला, तअ से कुँऐ चोर डाकू ही हऐ सको।

यूहन्ना 10:7

ईन्देंखे प्रभू यीशू ऐ हजो तिनू लोगों खे बुलो, “हाँव तुँओं कैई शो ऐसी अंनाँणें का मंतल्व संह्म्झाँऊँ; हाँव ही भैंड़शाल़ो को दुवार असो:

यूहन्ना 12:24

हाँव तुँओं खे ऐक खास बात बुलू, के जाँव तोड़ी गींऊँ का दाँणा जींम्मी दा पड़ियों मँरी-शड़ी ने ज़ाँदा, ताँव-तोड़ी से ऐक्ली ही रंह्; परह् जबे से मँरी-शंड़ी ज़ाँव, तअ तबे सेजा दाँणा हजो ऊँबा जाँमियों आपु दे फल़ियों बैजाऐ दाँणें फल़ आँणों।

यूहन्ना 13:16

हाँव तुँओं खे ऐक खास बात बुलू, के दास आप्णें माँलिक शा बड़ा ने आथी, अरह् ना डेयाल़ा अंदा आप्णें डेयाल़्णों वाल़ा शा बड़ा आथी।

यूहन्ना 13:38

प्रभू यीशू ऐ जबाब दिता, “कियों तू मेरी ताँईऐं आप्णी जीयाँन-प्राँण भे देऐ देईदा? तअ हाँव ताँव्खे खास बात बुलू, के ऐत्त्लो ही तू कोक्ड़े के बाँक देणों शा आगे च़ीं बई भाजी ज़ाँईदा के हाँव ने ऐसी जाँण्दा।

यूहन्ना 14:12

“हाँव तुँओं खे ऐक खास बात बुलू: के जुण्जा कुँऐं मुँह्दा बिश्वाष करह्, से सेजे बादे काँम-काज़ करला; जुण्जे काँम-काज़ हाँव करू, परह् से ईन्दें शे भे जादा बड़े-बड़े काँम-काज़ कर्ले; किन्देंखे के ऐबे हाँव बाबा कैई ज़ाँदा लागा।

यूहन्ना 16:20

हाँव तुँओं कैई ऐक खास बात बुलू: के तुँऐं रूह्ले अरह् लेल्याले, परह् संईसारी आँनन्द-खुशी मंनाँली; तुऐं जरूर शोग-दु:ख्ह मंनाँले, परह् तुवाँरा दु:ख्ह-शोग आँनन्द-खुशी दा बद्ल़ी ज़ाला।

यूहन्ना 16:23

तेसी देसे तुँऐं मुँह कैई शा किऐ सुवाल ने पुछ़्ले। हाँव तुँओं खे ऐक खास बात बुलू: के जे तुऐ मेरे नाँव शो बाबा कैई शो किऐ माँगले, तअ से तुओं खे मेरे नाँव शो देंऐ देले।

यूहन्ना 21:18

हाँव ताँव कैई ऐक संच्चाऐ बुलू, जबे तू जुवान थिया; तअ आप्णी लाँकी दी आपु गाच़ी बाँनें थिया, अरह् आप्णीं हिछ़या शा जेथै जाँणों चहाँऐ थिया; तेथै ज़ाऐया करे थिया, परह् जबे तू बुड़ा हंऐ ज़ाईला, तअ आप्णें हाथ खह्ड़े करला; अरह् कुँऐ ओका तेरी कंमरी दी गाच़ी बाँनला, अरह् से ताँव तेथै नींला; जेथै तू ज़ाँणों ने चहाईला।

यूहन्ना 3:11

हाँव ताँव्खे ऐक खास बात बुलू: के आँमें जुण्जो जाँणों ऐ सेजो ही बुलो; अरह् आँमें जुण्जो देखी थो, तिन्दे के ही आँमें गुवाऐ-शाज़्त्त दियों; परह् तुँऐं लोग अमाँरी गुवाऐ-शाज़्त्त माँन्दे ने।

यूहन्ना 3:3

प्रभू यीशू ऐ तेस्खे जबाब दिता, के “हाँव ताँव्खे ऐक खास बात बुलू; के जाँव तोड़ी कुँणिंऐ पंण्मिश्वर की तरफ़ शा जन्म ने लों; ताँव तोड़ी से पंण्मिश्वर को राज्य ने देखी सक्दा।”

यूहन्ना 3:5

प्रभू यीशू ऐ तेस्खे जबाब दिता, के “हाँव ताँव्खे ऐक खास बात बुलू; के जाँव तोड़ी कुँऐं आदमी पाँणी अरह् आत्त्मा शा जन्म ने लंह्दा, ताँव-तोड़ी से पंण्मिश्वर के राज्य दा हाजिर ने हऐ सक्दा।

यूहन्ना 5:19

प्रभू यीशू ऐ तिनखे जबाब दिता, “हाँव तुँओं खे ऐक खास बात बुलू, के बैटा आपु किऐ ने करी सक्दा, से सेजो ही करह्; जुण्जो से आप्णें बाबा कर्दे देखो, किन्देंखे के जुण्जे काँम-काज़ बाबा करह् सेजे ही काँम-काज़ बैटा भे करह्।

यूहन्ना 6:26

प्रभू यीशू ऐ तिनखे जबाब दिता, “हाँव तुँओं खे खास बात बुलू; के तुँऐं मुँह ईन्देंखे ने जुऐ लई, के तुँऐं चींह्न-चंम्त्तकार देखे, परह् तुऐं मुँह ईन्देंखे, जुऐ लुवा के तुँऐं छ़:कियों रोटी खाऐ थंई।

यूहन्ना 6:32

प्रभू यीशू ऐ तिनखे जबाब दिता, “हाँव तुँओं खे खास बात बुलू: के ऋषी-मूसा ऐ तुँओं खे स्वर्गो शी रोटी ने दिती थी; परह् मेरी बाबा ऐ तुओं खे स्वर्गो शी साच्ची रोटी देऐ लई।

यूहन्ना 6:47

हाँव तुँओं खे खास बात बुलू: जुण्जा बिश्वाष करह्; तेसी ही अमर-जीवन भेट्दा।

यूहन्ना 6:53

ईन्देंखे प्रभू यीशू ऐ तिनखे बुलो, “हाँव तुँओं खे ऐक खास बात बुलू; के जे तुऐं आदमी के बैटे की देह्-शरीर ने खाले, अरह् तेस्को लंह्ऊँ ने पीले, तअ तुओं दा जीवन ने हंदी।

यूहन्ना 8:34

प्रभू यीशू ऐ तिनखे जबाब दिता, “हाँव तुँओं खे ऐक खास बात बुलू: के जुण्जा कुँऐ आदमी पाप करदा ही रंह्, से पाप का दास गुलाँम हों।

यूहन्ना 8:51

हाँव तुँओं खे ऐक खास बात बुलू: के जे कुँऐं मेरे बचन का पाल़्ण करह्; तअ तेस्की मंऊँत्त कद्दी ने हंदी।”

यूहन्ना 8:58

प्रभू यीशू ऐ तिनखे बुलो, “हाँव तुओं खे खास बात बुलू; के बाबा अब्राहम के पय्दा हंणों शा आगे भे हाँव थिया।”

1 पतरस 1:25

परह् प्रभू का बचन ज़ूगौ-ज़ूगौ तोड़ी सदा अट्ल़ रंह्।” अरह् ऐजी ही खुषख्बरी का बचन असो, जू तुँओं कैई शा शुणाँया गुवा।

प्रकाशितवाक्य 20:11

ईन्दें पाछ़ी मुँऐ ऐक बड़ो चींट्टो सिंगाँस्ण अरह् तिन्दें गाशी बऐठा अंदा आदमी देंखा, अरह् धर्ती अरह् अस्माँन तेस्के सहाँम्णें छाँई-माँई हंऐ गुओं अरह् तिन्देंका ऐजा पंता ने लागी के से कैथे गुओ।