मत्ती 4:4 - Sirmouri

⁴ प्रभू यीशू ऐ जबाब दिता “पबित्र-ग्रन्थों दो ऐजो भे लिखी थो: के ‘आदमी सिर्फ रोटी शा ने, परह् ऐक नाँम बचन जुण्जें पंणमिश्वर के मुँहों ज़ात्ती शे नींकल़ो तिन्दी ही लई से जीऊँदा रंह।’”

सिरमौरी नौवाँ नियम

⁴ यीशुए तैसीखै जोवाब दिया, “पवित्र शास्त्र दो लैखै राए कै, ‘आदमी सिरफ रोटी ही लैई नी, पौरौ हरेक वचन शै जू पौरमेशवर कै मुं पौरैशै निकल़ौ जियुंदा रौंदा।’ ”

मत्ती 4:4 ပူးပေါင်းရင်းမြစ်များ

मत्ती 15:11

खाँणों-पीणों की चींजो लई आदमी पंणमिश्वर के नंजर दा अशुद्ध ने हंदी, परह् जुण्जो किऐं आदमी की ज़ात्ति शो निंक्ल़ों, तिन्दें लई आदमी पंणमिश्वर की नंजर दा अशुद्ध हों।”

मत्ती 4:10

तबे प्रभू यीशू ऐ जबाब दिता, “ओ शैतान, ईथै शा दुरका ज़ा! किन्देंखे के पबित्र-ग्रन्थों दो लिखी थो: ‘तू प्रभू आप्णें पंणमिश्वर खे नंमष्कार करह्, अरह् सिर्फ तिनकी ही सेवा करह्।’”

मत्ती 4:7

प्रभू यीशू ऐ जबाब दिता, “के पबित्र-ग्रन्थों दो ऐजों भे तअ लिखी थो: ‘तू प्रभू, आप्णें पंणमिश्वर के परख ने करे।’”

मरकुस 7:20

प्रभू यीशू ऐ बुलो, के जुण्जो आदमी शो निक्ल़ो तिन्दी लई आदमी पंणमिश्वर के साम्णें अशुद्ध हों।

लूका 4:12

तबे प्रभू यीशू ऐ तैस्खे जबाब दिता, “के ऐजो भे लिखो अंदो असो, के तू आप्णें प्रभू पंण्मिश्वर के परख ने करे।”

लूका 4:4

प्रभू यीशू ऐ शैतान खे जबाब दिता, के “जे पबित्र-ग्रन्थों दो ऐजो लिखो अंदो असो” के आदमी सिर्फ रोटी लई ही ने जिऊँदा।

लूका 4:8

तबे प्रभू यीशू ऐ तैस्खे ऐजा जबाब दिता, “के पबित्र-ग्रन्थों दो ऐजो लिखो अंदो असो, के तू आप्णें प्रभू पंण्मिश्वर खे प्रणाँम कर, अरह् सिर्फ तिन्हीं के सेंवा करह्।”

यूहन्ना 15:26

“परह् जबे सेजा मद्त्तगार मंतल्व सच्चाई की आत्त्मा आली, जियों हाँव तुओं खे बाबा कैई शी डेयाल़ूबा; तअ से मेरे बारे दी गुवाऐ-शाज़्त्त देली;

यूहन्ना 6:63

आत्त्मा ही जीवन दियों, परह् देह्-शरीर शा किऐ भे फाय्दा ने हंदी; ईन्देंखे मुँऐं जुण्जे बचन तुओं कैई बुली थुऐ; सेजे ही आत्त्मा अरह् जीवन असो।

रोमियों 15:4

जेतोड़ी बातो आगे ही पबित्र-ग्रन्थों दी लिखी थई, से अमाँरी ही शिक्क्षा खे लिखी गई थी, के आँमें धीरज-सबेर अरह् पबित्र-ग्रन्थों की हिम्मत्त के जाँणें भूर्षा थों।

इफिसियों 6:17

अरह् छुट्कारे का टोप, अरह् आत्त्मा की तरवार, जू पंण्मिश्वर का बचन असो, तेसी ऊडा करह्।