मत्ती 4:23 - Sirmouri

²³ प्रभू यीशू बादे गलील दे, रिट्दे-फीर्दें, अरह् यहूदियों के चौत्रें दे शिक्क्षा देंदे रूऐ, स्वर्ग राज्य के पंणमिश्वर की खुषख्बरी का प्रचार कर्दे लागे; अरह् प्रभू लोगो की साँत्त-भाँत्ती बीमारी अरह् रोग, अरह् बादी कंमजूरी दूर कर्दे रूऐ।

सिरमौरी नौवाँ नियम

²³ यीशु सारै गलील जिले दा घुमदै बैई तिनकै यहूदी सभा-घोर दा उपदैश दैन्‍दा, औरौ पौरमेशवर कै राज्य का सुसमाचार प्रचार कौरदा लागा औरौ लोगौ की हर भान्त की बीमारी औरौ कमजोरियों खै दूर कौरदा रौआ।

मत्ती 4:23 ပူးပေါင်းရင်းမြစ်များ

मत्ती 11:5

शैड़े के दे:खिदों लागो, लगड़े उडे-पुडे हाड्दे लागो, कोढ़ी शुद्ध करे ज़ाँव, जाएरें के शुणिंदो लागो, मुँड़्दे ऊबे जींयाँल़े ज़ाँव, अरह् कंगालो कैई शी खुषख्बरी शुणाँऐं ज़ाँव।

मत्ती 12:9

तेथै शे प्रभू यीशू यहूदी लोगों के यहूदी-चौत्रे दे हुटे।

मत्ती 13:19

जुण्जा कुँऐं आदमी, पंणमिश्वर के राज्य के बचन शुणिंयों सम्झोंदा ने, तबे शैतान तेथै आँव अरह् तेथै जू भे किऐ बचन को बींज़ तेस्की सासो दो बऐ थो, से तेसी कैई शो तेथू दड़ियों आगू नियों, अरह् से सेजो ही बींज़ असो, जुण्जो बाटो पुडो पड़ो।

मत्ती 13:54

तबे प्रभू यीशू आप्णे नंगर दे आऐ, अरह् तेथै से यहूदी-चौत्रें दे लोगों खे शिक्क्षा देंदे लागे, ईन्देंखे यहूदी लोगों के तूरंबाणच़ूंटे, अरह् से आपु मुँझी बुल्दे लागे, “ऐसी आदमी कैई ऐजा ज्ञाँन अरह् चींच-चंम्त्तकार कर्णो के शक्त्ति केथै शी भेटी?

मत्ती 14:14

तिनिऐं नीक्ल़ियों लोगों की ऐक बेशुमाँर बड़ी भीड़ दे:खी अरह् तिनू दे:खियों तिनके तिनू गाशी तरष आया, अरह् तिनके बीमार लोग चाँगे करे।

मत्ती 24:14

अरह् पंणमिश्वर के राज्य की ऐजी खुषख्बरी बादी संईसारी दा प्रचार करा ज़ाला। के सोभी गऐर यहूदी गाशी गुवाऐ-शाज़्त हों, तबे अंत्त आऐ ज़ाला।

मत्ती 3:2

“मंन बद्ल़ो, किन्देखे के स्वर्गो को राज नंजीक आऐ रूओ।”

मत्ती 9:35

प्रभू यीशू बादे नगर अरह् गाँव दे रिट्दे-फिर्दें रूऐ, अरह् यहूदी लोगो के चौत्रे दे शिक्क्षा देंदे लागे, अरह् पंणमिश्वर के राज्य की खुषख्बरी का प्रचार कर्दे, अरह् लोगों के साँत्त-भाँत्ती बीमारी अरह् कंमजूरी दुर्की कर्दे रूऐ।

मरकुस 1:14

संत्त-यूहन्ना कय्दी दे पाणों पाछी, प्रभू यीशू पंणमिश्वर की खुषख्बरी का प्रचार कर्दे गलील प्रदेश दे आऐ।

मरकुस 1:21

तबे प्रभू यीशू अरह् तिनके साथी फरनहूम दे आऐ, अरह् से तेख्णी बिषाँव के देसे यहूदी लोगो के यहूदी-च़ोंतरे दे ज़ाऐयों शिक्क्षा देंदे लागे।

मरकुस 1:39

से बादे गलील ईलाके दे घूंम्दे-फीर्दे अरह् यहूदी-च़ोंतरे दे ज़ाऐ ज़ाऐयों खुषख्बरी का प्रचार कर्दे रूऐ, अरह् लोगो शी दुष्ट-आत्त्मा गाड़दे गुऐ।

मरकुस 3:10

प्रभू यीशू ऐ भहीते लोग चाँगे करे, ईन्देंखे सेजे लोग जुण्जे बीमार थिऐ, से सिर्फ तिनू छूणों के ईरादे शे तिनू गाशी रिड़दे लागे थिऐ, अरह् तबे ही तिनका ढूसरोल़ा तिनू गाशी पड़ो थिया।

मरकुस 6:2

बिषाँव के देसे प्रभू यीशू यहूदी लोगो के यहूदी-च़ौंतरें दे बचन का बखाँण कर्दें लागे, अरह् शुणियों बैजाऐ लोगो के तूरंबाँणच़ूटे, अरह् बुल्दे लागे के “ऐस कैई ऐजी बातो केथै शी आई? ऐजा कुँण्जा ज्ञाँन असो, जू ऐस्खे देऐ थुवा, ऐसी ऐष्णें चींन-चंम्तकार के काँम-काज़ कर्णों के तागत कैथे शी भेटी।

मरकुस 6:6

प्रभू यीशू मसीया के तिनका बै-बिश्वाष दे:खियों तूरंबाणच़ूंटे, अरह् से चफेर चोंऊँ ढबे के गाँव दे खुषख्बरी का प्रचार कर्दे लागे।

लूका 10:9

तेथै के रूगी-बीमार चाँग्गै करे, अरह् तिनखे बुले, के ‘पंण्मिश्वर को राज्य तुवाँरे नंजीक आऐ पुझ़ौ।’

लूका 13:10

प्रभू यीशू ऐं बिषाँव के देसे कोसी यहूदी च़ौत्रें दे शिक्क्षा देऐ लऐ थी।

लूका 16:16

“संत्त-यूहन्ना नहाँण-कराणों वाल़े की आँऊणीं तोड़ी, अरह् ऋषी मूसा खे भेंटे गुऐ निय्म, अरह् ऋषी लोगों का दब-दबा बंणा अंदा रूवा; तबे संत्त-यूहन्ना नहाँण-कराँणों वाल़े के आँणों के बख्तो शे ऊबी पंण्मिश्वर के राज्य के खुष्खबरी का प्रचार शुणाँया ज़ाँदा लागा; अरह् बादे लोग ईन्दें दाखिल हंणों की जूरे-जबरिऐ कोशिष कर्दे लागी रूऐ।

लूका 20:1

ऐक देस ऐशो हुओ, के जबे प्रभू यीशू ऐ, देऊँठी दी लोगो खे शिक्क्षा देऐ लऐ थी, अरह् खुषख्बरी का बखाँण शुँणाँदें लागे, तअ मुख्या-याजक अरह् यहूदी-निय्म के शिखाँणों वाल़े, अरह् लोगो के मुँख्या लोग तिन कैई आऐ।

लूका 4:14

तबे प्रभू यीशू पबित्र-आत्त्मा के शक्त्ति लई पाछू गलील ईलाके दे आऐ, अरह् तिन्दे के चर्चा चऊँ ढबे बादे प्रदेशो दे फय्ली।

लूका 5:17

ऐक देस ऐशो हईयों, के प्रभू यीशू ऐ शिक्क्षा देऐ लंऐ थी। अरह् यहूदी भाट-बाँम्ण, अरह् यहूदी-निय्म ले शिखाँणों वाल़े, तिनके ही नंजीक बऐठी रूऐ थिऐ; से गलील अरह् यहूदिया के बादे गाँव शे, अरह् यरूशलेम शे आऐ रूऐ थिऐ; अरह् चंग्गाई कर्णो खे प्रभू-पंण्मिश्वर के शक्त्ति तिन की गईलो थी।

लूका 6:17

प्रभू यीशू तिनू बारंह् खास-चैले की गईलो तियों धारोह् गाच्छ़ै ऊदे ज़ुब्ड़ी दे आऐयों खड़े हुऐ। अरह् तेथै तिन के बैजाऐ चैले थिऐ, अरह् ऐक बैशुमार लोगो के बड़ी भिड़ थी; सेजै बादे लोग यहूदा प्रदेश, यरूशलेम नंगर, अरह् सूर, सेंदा, के संमुन्द्रो के टिराँव्टी शे भहुते लोग आऐ रूऐ थिऐ,

लूका 6:6

तबे कोसी ओकी बिषाँव के देसे प्रभू यीशू ऐं कोसी ओकी यहूदी लोगो के च़ोंत्रै दे हुटियों लोगो कैई बचन के शिक्क्षा देऐ लऐ थी; तबै तेथै ऐक आदमी थिया, जैस्का सुवाँ हाथ शुक्का अंदा थिया।

लूका 7:21

तैख्णी ही प्रभू यीशू ऐ बैजाऐ भहीतें बीमार-दु:खिया, अरह् दुष्ट-आत्त्मा के च़ूड़ै अंदे लोग, अरह् बैजाऐ बहीते शैड़े लोगों खे नंजर दिती।

लूका 7:22

अरह् प्रभू यीशू ऐ तिनू संत्त-यूहन्ना के चैले खे बुलो, के “ज़ाव, तुऐं जुण्जो शुणों अरह् दे:खों, सेजो संत्त-यूहन्ना कैई आगु बुले, के शैड़े दे:ख्दे लागो, अरह् लंगड़ै आगु हाँडो; अरह् कोढ़ी-रूगी शुद्ध करे ज़ाँव, अरह् जाऐरे शुण्दें लागो, अरह् मुढ़्दे जीऊँदे करे ज़ाँव, गरीब लोगो खे खुष्खबरी शुणाँऐ ज़ाँव।

लूका 8:1

तबे प्रभू यीशू नंगर-नंगर अरह् गाँव-गाँव दे रीटियों ब्खाँण कर्दे, अरह् पंण्मिश्वर के राज्य के आच्छ़ी खुष्खबरी शुणाँदें लागे, अरह् तिन के बारह् खास-चैले भे तिन की ही गईलो थिऐ।

लूका 9:11

परह् लोगो कैई ईयों बादी बातो का पत्ता लागा, अरह् तबे लोगो के बैजाऐ बड़ी भीड़ तिनू पाछ़ी-पाछ़ी तैसी ही जागे दी हुटी; अरह् से बादे मंज्जे के तिन कैई शे भेंटिऐं, अरह् प्रभू यीशू ऐं खुशी हऐयों तिनू सोभी कैई पंण्मिश्वर के राज्य का बखाँण शुणाँया, अरह् जुण्जे लोग बीमार थिऐ अरह् से आछो हंणों चहाँव थिऐ; तिनू सोभी भे प्रभू ऐ चाँग्गै भले करे।

लूका 9:60

प्रभू यीशू ऐ तैस्खे बुलो, “मुँड़्द आप्णें मुँड़्दे दाब्णों दियों; परह् तुऐं ज़ाऐयों पंण्मिश्वर के राज्य के खुष्खबरी का प्रचार करह्।”

यूहन्ना 18:20

प्रभू यीशू ऐ तेस्खे जबाब दिता, “मुँऐ संईसारी के सहाँम्णें खुल्म-खुल्ली बातो करी थंई; मुँऐ हमेशा यहूदी च़ौत्रें अरह् देऊँठी दे शिक्षा दिती, जेथै बादे यहूदी निय्म के शिखाँणों वाल़े लोग हों थिऐ; अरह् मुँऐ चूप्पी कंद्दी भे किऐ ने बुली।

यूहन्ना 6:59

प्रभू यीशू ऐ कफरनहूम के यहूदी-च़ौत्रे दो शिक्क्षा देंदे बख्ते बुलो।

यूहन्ना 7:1

ईनू बातो पाछी प्रभू यीशू गलील ईलाके दे घुम्दे-फिर्दे रूवे; किन्देंखे के यहूदी अगुवाल़ लोग तिनू मार्णों की ताक-खोज दे थिऐ, ईन्देंखे से यहूदिया प्रदेश दो घुम्णों-फिर्णो ने चहाँव थिऐ।

प्रेरितो कै काम 10:38

पंण्मिश्वर ऐ तिनू ही नाँसरत गाँव के यीशू पबित्र-आत्त्मा अरह् शक्त्ति शे अभिषिक्त्त करे गुऐ; अरह् से घूम्मी-फीरियों भलाई कर्दे रूऐ; अरह् शैतान के सताँऐ अंदे लोग चाँग्गै करदा रूऐ; किन्देंखे के पंण्मिश्वर तिनकी गईलो आपु थिऐ।

प्रेरितो कै काम 18:4

संत्त-पौलुस हर ऐक बिषाँव के देसे यहूदी च़ौत्रें दा बाद-बिबाद करह् थिया; अरह् यहूदियों अरह् यूनानियों के बादे लोग बिषाँव के देसे शंक दूर कर्णो खे सहम्झाँव थिया।

प्रेरितो कै काम 20:25

“अरह् ऐबे देखो, हाँव तुओं लोगो के बीच दी पंण्मिश्वर के राज्य की खुषख्बरी शुँणाँदा रूवा, अरह् ऐबे हाँव जाँणू ऐं, के ऐबे तुओं मुँझ्शो कुँऐ भे हजो मेरो मुँह ने देखी संक्दे।

प्रेरितो कै काम 28:31

संत्त-पौलुस नींडर हंऐयों, अरह् दींन-गरीब रूप शे पंण्मिश्वर के राज्य की खुषख्बरी शुँणाँव थिऐ; अरह् प्रभू यीशू मसीया के बारे दी शिक्क्षा देंदे रंह थिऐ।

रोमियों 10:15

अरह् जे डियाल़े ने ज़ाँव, तअ प्रचार किया-किया कर्दें? जेष्णों पबित्र-ग्रन्थों दो लिखी थो, के “तेस्के लात्त-भींख कैत्री आछ़ी असो, जू खुषख्बरी की आच्छ़ी बातो का प्रचार करह्।”