मत्ती 4:13 - Sirmouri

¹³ अरह् प्रभू यीशू नासरत गाँव छुड़ियों, कफरनहूम नंगर दे, जू झीलो के टिराँव्टी दे असो, से जबूलून अरह् नाप्तली के ईलाके दी असो, अरह् प्रभू तेथै रंह्दें लागे।

सिरमौरी नौवाँ नियम

¹³ औरौ सै नासरत गांव दा ना रौई पौरौ जिथै जबूलून औरौ नप्ताली कै गोत्र रौंव थिए, जू कफरनहूम नगर कै गलील झील कै किनारे पांदी थियु औरौ सै तिथै जायौ रौंदा लागा।

मत्ती 4:13 ပူးပေါင်းရင်းမြစ်များ

मत्ती 11:23

हे कफरनहूम नंगर के लोग, कियो तू ऐशो जाँणें के ताँव स्वर्गो शा ऊँचा करा ज़ाईंदा? परह् ताँव तअ पताल़ो तोड़ी ऊँदा पाँईदा! जुण्जे शक्त्तिशाली काँम-काज़ तुँओं मुँझी करी गई, जे से सदोम नंगर दे करे ज़ाँदें, तअ से ऐतलो तोड़ी आप्णें ठाँव दो बंणों अंदो रंह्दों।

मत्ती 17:24

जबे से कफरनहूम नंगर दे पईचे, तअ देऊँठी का कंण लणों वाल़े संत्त-पतरस कैई आऐयों पुह्छ़दे लागे, “कियों तुवाँरा गुरू देऊँठी का कंण-माँमंला देंदे ने?”

मत्ती 4:14

ऐष्णों ईन्देंखे खे हुवो, के ऋषी-यशायाह की सेजी बरंम्बाणीं पुरी हों:

मत्ती 4:15

“यरदन नंदी के पाईले ढबे, झील की टिराँव्टी गाशी, ज़बूलून अरह् नाप्तली ईलाके की झील गलील ईलाके दे जेथै गऐर यहूदी लोग बसे अंदे असो।

मत्ती 9:1

तबे प्रभू यीशू नाँव गाशी बऐठियों झील शे पाँडे पाईले ढबे हुटे, अरह् आप्णे नगर दे आऐ।

मरकुस 1:21

तबे प्रभू यीशू अरह् तिनके साथी फरनहूम दे आऐ, अरह् से तेख्णी बिषाँव के देसे यहूदी लोगो के यहूदी-च़ोंतरे दे ज़ाऐयों शिक्क्षा देंदे लागे।

मरकुस 2:1

कंई देसो बेत्तणों गाशी प्रभू यीशू कफरनहूम नगर दे पाछू आऐं, अरह् शुण्णों दो आओ के प्रभू यीशू घरे असो।

लूका 10:15

अरह् ‘ओ, कफरनहूम, कियो तू स्वर्गो तोड़ी ऊगलो हंईदो? ताँव तअ पत्ताल़ो शो भे नींगुओ पाँऐ देई दो!’

लूका 4:23

तबे प्रभू यीशू ऐ तिनखे बुलो, “तुँऐं मुँखे ऐजा ताँना जरूर मार्दें के ‘हें जड़यारे आगे आपु तअ चाँगा करो! जुण्जो आँमें शुण्णों के कफरनहूम दो तुँऐं का कोरो, सेजो ईथै आप्णें गाँव-नंगर दो भे करह्।’”

यूहन्ना 2:12

तबे तिन्दे पाछ़ी प्रभू यीशू आप्णी माँ, आप्णें भाई, अरह् आप्णें चैले आरी कफ़रनहूम नंगर खे हुटे, अरह् तेथै से किऐ देसो तोड़ी तेथी रूवे।

यूहन्ना 4:46

तबे प्रभू यीशू हजो गलील ईलाके के काना नंगर दे आऐ, जेथै तिन्ऐं पाँणी का दाख्ह रंस बाँणा थिया; तेथै तेसी राज्य का ऐक हाकम थिया, जेस्का बैटा कफ़रनहूम नंगर दा बीमार थिया।

यूहन्ना 6:17

चैले नाव दे बऐठियों कफरनहूम नंगर की ढबै ज़ाँदे लागे थिऐ, तअ तबे रात्त पड़ी रंऐ थी; परह् ताँव-तोड़ी प्रभू यीशू आप्णें चैले कैई ने पंह्ईचीं रंई थी।

यूहन्ना 6:24

ईन्देंखे जबे लोगो की तियों भिड़े ऐं देखो, के ना तअ ऐथै प्रभू यीशू आथी; अरह् ना ईथै तिनके चैले आथी, तअ तबे से भे नाव गाशी बऐठियों प्रभू यीशू जूँह्दे-जूँह्दे कफरनहूम नंगर दे पंह्ऊँची गुऐ।

यूहन्ना 6:59

प्रभू यीशू ऐ कफरनहूम के यहूदी-च़ौत्रे दो शिक्क्षा देंदे बख्ते बुलो।