मत्ती 3:7 - Sirmouri

⁷ जबे तेने बेजाऐ यहूदी भाट-बाँम्ण, अरह् सदुकियों लोग, नहाँण नहाँदे आपु कैई आँदें दे:खे, तअ तेने तिनू दे:खियों तिन्खे बुलो, “ओ शंगाव के नहाँन्ड़िया, तुँओं कैई शो कुँणें चित्ते कराव के आँणों वाल़े के रोष शे भागो?

सिरमौरी नौवाँ नियम

⁷ जोबै तैणै बौहितै फरीसी औरौ सदूकी लोगौ खै बपतिस्मा लोणो कारिए आपणै धोरे आन्दै बैई दैखै औरौ तैणै तिनुकै बौल़ौ, “तुऐं लोग शोंगोऊं कै नानड़िया जैशणै जोहरिले औसौ, तुऔं कै कुणै बौल़ौ कै आणौवाल़ै गुस्से शै दोऊड़ो?

मत्ती 3:7 ပူးပေါင်းရင်းမြစ်များ

मत्ती 12:24

परह् यहूदी भाट-बाँम्णें ऐजो शुणियों बुलो, “ऐ तअ दुष्ट-आत्त्मा का नंम्बरदार शैतान, बालज़बूल की मद्दत्त के बिना दुष्ट-आत्त्मा ने निकाल़ी सक्दा।”

मत्ती 12:34

हे शंगाव के नहाँन्ड़िया, तुँऐं बूरे हऐयों केशी-केशी आच्छ़ी बातो बुली सको? किन्देखे के जुण्जों तुवाँरे मंन दो भरो अंदो असो, सेजो ही अमाँरी ज़ात्ति-मुँह शो बाँईडो निक्ल़ो।

मत्ती 15:12

तबे चैले ऐ आऐयों प्रभू यीशू खे बुलो, “कियों तुँऐं ऐजो जाणों ऐ; के ईनू बचन शुणियों यहूदी भाट-बाम्णों के बैजाऐ बुरो लागों अरह् से रोषी गुऐं?”

मत्ती 16:1

यहूदी भाट-बाँम्ण अरह् सदुकियों दल़ के लोगें आऐयों, प्रभू यीशू पर्ख्णों खे तिनखे बुलो, “आँमों कैई शा किऐं स्वर्गो का च़ीन-चंम्त्तकार दे:खाव, जू आँमें जाणी पाँव के तुँओं स्वर्गो शे डियाल़ी थुऐ।”

मत्ती 16:6

तेख्णीं तेसी ही बख्ते प्रभू यीशू ऐ तिन कैई शो चित्ते कराऐयों बुलो, “यहूदी भाट-बाँम्ण अरह् संदूकियों के खमीर कऊँट्ल़ों शे सक्न्ने च़ौक्क्ष रूऐ।”

मत्ती 22:15

तबे यहूदी भाट-बाँम्ण ऐ ज़ाऐयों आपु मुँझी ठाट करी, के प्रभू यीशू केशा दाँई बातो दा फंशाया ज़ाँव।

मत्ती 22:23

तेसी देसे सदूकी दल़ के लोग जू ऐजो बुलो थिऐ, के मरे अंदे को दुज़ाल़िऐ हजो ऊबो जीऊँणों आथी ने, प्रभू यीशू कैई आऐं, अरह् तिन कैई शो पुछो।

मत्ती 22:34

जबे यहूदी भाटे-बाँम्णें शुणों, के प्रभू यीशू ऐ सदुकियों दल़ के लोग का भे मुँह बंद करी दिता, तअ से बादे ऐकी ठाँई कठे हुऐ।

मत्ती 23:33

ओ शंगाव, के बीश्लें नहाँन्ड़िया, तुँऐं नंरक की सजा शे किऐ-किऐ बंच़्दे?

मत्ती 5:20

किन्देखे के हाँव तुँओं खे बुलू, के जे तुँवारी धार्मिक्त्ता ऋषी-मूसा खे भेटे गुऐ, अज्ञाँ-निय्म के शिखाँणों वाल़े अरह् यहूदी भाट-बाँम्णों के धार्मिक्त्ता शी बड़ियों ने हों, तअ तुँऐं स्वर्गो के राज्य दे कंद्दी भे दाखिल ने हऐ सक्दे।

मरकुस 12:13

यहूदी लोगे प्रभू यीशू मसीया कैई कंऐं यहूदी भाट-बाँम्ण अरह् हेरोदियों साथ देणों वाल़े डियाल़े, के तिनू कैशे ही दाँई बातो दे फशाँऐं ज़ाईदे।

मरकुस 12:18

तबे सदुकियों भे आऐं, जू ऐशो बुलो थिऐ, के मरे अंदे जीऊँदे कद्दी ने हंदे, सेजे भे प्रभू यीशू शे पूह्छ्दे लागे।

मरकुस 8:15

अरह् प्रभू यीशू ऐ तिनखे अज्ञाँ दिती, “दे:खो यहूदी भाट-बाँम्ण अरह् हेरोदेस के खाटे आटे शे च़ौक्क्ष रूऐ।”

लूका 16:14

यहूदी भाट-बाँम्ण जुण्जे धंन-दोलत के लोभी-लाल़्ची थिऐ, सेजे ऐजी बादी बातो शुँणियों, प्रभू यीशू के ठाठै पाड़्दे लागे।

लूका 18:11

यहूदी भाट-बाँम्णें खह्ल़ियों आप्णे सासो दे ऐजी प्रार्थना करी, ‘हे पंण्मिश्वर, हाँव तेरा धन्यबाद करू, के हाँव ओकी आदमी जेष्णाँ पापी अ-नियाँऐं कर्णो वाल़ा, के चोरी-जारी कर्णो वाल़ा, अरह् ना ऐसी चूँगी लोंणो वाल़े, जेष्णाँ आथी।

लूका 7:30

परह् यहूदी भाटे-भाम्णें अरह् यहूदी-निय्म के शिखाँणों वाल़े ऐं संत्त-यूहन्ना के हाथै नहाँण-कराँणों माँनी ने, अरह् आप्णें बारे दी पंण्मिश्वर के हिछ़या बैकार करी दिती।

यूहन्ना 1:24

सेजे लोग यहूदी भाट-बाँम्णों की तरफ शे डेयाल़े गुऐ थिऐ।

यूहन्ना 8:44

तुऐं आप्णें बाबा शैतान के असो, अरह् तुऐं आप्णें बाबा के हिछ़या पुरी कर्णी चहाँव; से शुरू शा ही ऊँबा हत्त्यारा असो। अरह् से सच्चाई का हिस्सा कंद्दी ने बंणीं, किन्देंखे के तेस्दी सच्चाऐ ने आथी; किन्देंखे के जबे भे से झुठो बुलो, तअ से आप्णें ही सभाव के कारण बुलो; किन्देंखे के से झुठा, अरह् झुठे का बाबा असो।

यूहन्ना 9:40

ऐजो शुँणिंयों तेथै खह्ल़िऐ अंदे यहूदी भाट-बाँम्णें ऐ बुलो, “तअ तबे कियों आँमें भे शैड़े असो?”

प्रेरितो कै काम 15:5

परह् यहूदी भाट-बाम्णों के दल़ शे जुण्जे बिश्वाषी थिऐ, से खह्ड़े हुऐ, अरह् बुल्दे लागे, के ईनू गऐर यहूदियों का खतना जरूर करणा पड़ो; अरह् “ईनखे अज्ञाँ देणी पड़ो के तुँऐं ऋषी-मूसा खे भेंटे गुऐ अज्ञाँ निय्म के मुँताबिक खतना की बिधी-बिधान का पालण करोह्।”

प्रेरितो कै काम 20:31

ईन्देंखे संकन्नै-च़ौक्ष रूऐ, अरह् ऐजो चींत्ते थुऐ; के मुँऐ आशू बुवाऐ-बुवाऐयों, च़ींन साल्ह तोड़ी देस-रात्त तुओं मुँझी, ऐक नाँम आदमी संचेत्त करी थुऐ।

प्रेरितो कै काम 26:5

से मुँह नहाँन्हड़े शा पुडा जाँणों, अरह् जे से चहाँव तअ मेरे बारे दी गुवाऐ-शाज़्त्त देऐ सको; मुँऐ यहूदी भाट-बाँम्ण हऐयों आप्णे बादे कटर मंत्त-शीख के रूप शा जीवन बिताऐ थुवा।

प्रेरितो कै काम 5:17

ऐजो देखियों महाँ-याजक अरह् तिनके बादे साथी, अरह् सदूकियों समाँज के लोग, मीष-जल़्ण शे भरी गुऐ।

रोमियों 1:18

जुण्जे लोग पंणमिश्वर की सचाऐं आप्णें पाप के जाँणें दबाऐं दियों, तिनू लोगों की बुरे काँम-काज़ गाशी, अरह् अनियाँऐं गाशी पंणमिश्वर का रोष स्वर्गो शा पर्गट हों,

रोमियों 5:9

तअ: जबे के आँमें ऐबे मसीया के बल़ीदाँन के जाँणें पंणमिश्वर की नंजरी दे बै-कसूर बंणे, तअ तिनके जाँणें पंणमिश्वर के सजा शे कैई ने बंचदे?

1 थिस्सलुनीकियों 1:10

अरह् तेसके बैटे का स्वर्गो शी आँणों की ताक दे रंह्, जेसी तिन्ऐं मँरे अंदे मुझ शा जीयाल़ा, मतल्व प्रभू यीशू, जू आँमों पंण्मिश्वर के तियों सजा शे बंचाव जू संभी पापी गाशी पढ़णों वाल़ी असो।

इब्रानियों 11:7

सेजा बिश्वाष ही थिया, के बिना देखी चींजो के बारे दे ऋषी-नूँह खे पंण्मिश्वर कैई शी आगे ही चिताँव्णीं भेटी; अरह् तेने तियों चिताँव्णीं भेट्दे ही आप्णें कुड़बे बंचाँणों खे ऐक पाँणीं गाशी चाल्णों वाल़ो बड़ो जहाँज बाँणों; अरह् तेने आप्णें बिश्वाष के कारण ही ईयों संईसारी दुषी-कसूरबार बंणाँऐ, अरह् तियों धार्मिक्त्ता का हंकदार बँणा; जुण्जा हंक बिश्वाष कर्णो के कारण भेंटो।

इब्रानियों 6:18

परह् दो अट्ल़ बातो, के कारण, जिन्देके बारे दे पंण्मिश्वर झूठे बाँण्णें कठीण असो, किन्देखे के आँमों खे तिन्ऐं शंरण देऐ थंऐ, अरह् सेजा ही भोरषा पाक्का हंणों खे आँमो दीड़-हिम्मत्त भेंटो; जुण्जी दोऊँड़ अमाँरे सहाँम्णें तिन्ऐ थंऐ।

1 यूहन्ना 3:10

पंण्मिश्वर की अलाद अरह् शैतान की अलाद के पछ़याण ईन्दें लई हों; के कुँऐं भे आदमी, जैस्का जीवन धार्मिक ने आथी, अरह् से आप्णें भाई-बंईणीं आरी पियार ने करदा सेजा आदमी पंण्मिश्वर का जंण ने आथी।