मत्ती 27:2 - Sirmouri

² तिन्ऐ प्रभू यीशू बाँने, अरह् पिलातुस हाक्म के हाथों दे देऐ दिते।

सिरमौरी नौवाँ नियम

² औरौ तिनुऐ यीशु खै बाना औरौ नियौ राज्यपाल पिलातुस कै हाथौ दा सौंपै दिया।

मत्ती 27:2 ပူးပေါင်းရင်းမြစ်များ

मत्ती 20:19

अरह् तेसी गऐर यहूदी के हाथो दा देले, जू से तेसी ठाठे खे खाले, अरह् तेस्दे कोड़े मार्लें, अरह् शुँल़ी-फ़ाँशी चड़ाले, अरह् तेसी च़ीज़े का ऊबा जीयाल़ा ज़ाला।”

मत्ती 28:14

अरह् जे ऐजी बात हाक्मों के काँन तोड़ी पंऐचीं, तअ आँमें तिनू सम्झाऐ पाऊँबे अरह् तुँओं खत्रे शे बंचाऐ पाँऊँबे।”

लूका 13:1

तेसी बख्त्ते किऐ लोगे ऐं प्रभू यीशू कैई तिनू गलीलियों के बारे दे चर्चा करी, जिन्को लह्ऊँ हाकंम-पिलातुस ऐ तिन के ही बल़ीदाँण आरी मिलाऐ दितो।

लूका 20:20

तबे से प्रभू यीशू फंशाँणों की ताक दे थिऐ, अरह् तिन्ऐं आप्णें शड़यन्त्र रंचणों वाल़े लोग धर्मी जंण के रूप दे, प्रभू यीशू कैई डेयाल़े; के ईनू कंसी भी ढंग शे फशाऐयों हाकम के हाथों दे देऐयों; तिन के कंबजै दे दिऐ ज़ाँव।

लूका 23:1

तबे सेजी बादी खुम्ल़ी ऊष्ड़ी गऐ, अरह् तिनू सभिऐ बींऊँजियों प्रभू यीशू हाकम-पिलातुस कैई नींऐं।

लूका 23:12

तेसी ही देसे हाकम-पिलातुस, अरह् राजा हेरोदेस आपु मुँझ़ी दोस्त्त बंणें; किन्देंखे के से आगे आपु मुँझी ओका ओकी का बंऐरी थिऐ।

लूका 3:1

तिबिरियुस कैसर के राज्य के पन्द्रोह् सालो दा जबे पुन्तियुस पिलातुस यहूदिया का हाक्म थिया, अरह् गलील प्रदेशो का हेरोदेस, हाक्म थिया, अरह् तेस्का भाऐ फिलिप्पुस, इतूरैया, अरह् त्रखोनीतिस प्रदेशो का हाक्म थिया, अरह् लिसानियास अबिलेने प्रदेशो का हाक्म थिया।

यूहन्ना 18:12

तबे सपाऐ अरह् तियों फ़ऊँजी का सूबेदार अरह् यहूदी अगवाँल़ के चंम्चों ऐ प्रभू यीशू ऊँडे थाँहम्बड़ियों बाँनी पाऐ।

यूहन्ना 18:24

ईन्देंखे प्रभू यीशू जुण्जे हेभी तोड़ी बाँने अँदे थिऐ; तिनखे तेने हन्ना ऐ बुलो, ऐसी महाँ-याजक काईफ़ा कैई नींयों।

यूहन्ना 18:28

धुरो ऊँक्षों दें ही तिन्ऐं प्रभू यीशू महाँ-याजक काइफा कैई शे हाकम-पिलातुस के मंहलो दे नीऐं, तबे: झींष हंऐ गऐ थी: परह् यहूदी अगवाल़ लोग, तेसी मंहलो दे भिटे ईन्देंखे ने हुटी; के कंद्दी ऐशो ने हंईयों, के आँमें गऐर-यहूदियों के छ़ुहणों लई अ-शुद्ध ने हऐ ज़ाँव; जू आँमें (फ़सह) के तैयारो के जून ने खाऐ सको।

प्रेरितो कै काम 12:6

अरह् जेसी देसे सेजा राजा हेरोदेस संत्त-पतरस पैश कर्णो वाल़ा थिया, तियों आगली ही रात्ती संत्त-पतरस दू: हथक्ड़ी शाँगल़ी दे बाने अंदे थिऐ; अरह् से दू: सपाई के बीच दे सुत्ते अंदे थिऐ, अरह् दुवारों के सहाँम्णें भे संन्त्तरी पऐरा देंदे खह्ड़े थिऐ।

प्रेरितो कै काम 21:33

तबे पल़ट्ण के सेरदारे नंजीक आऐयों संत्त-पौलुस बाँनी दिता, अरह् तेसी दू बैड़ी लंई बाँनणों के अज्ञाँ दिती; तबे तेने तिन कैई शो पूछ़ो, के ऐजा कुँण असो, अरह् ऐने का करी थुओं?

प्रेरितो कै काम 22:25

जबे तिन्ऐं कोड़ै लाँणों खे तेसी बाँनी लुवा थिया, तअ संत्त-पौलुस ऐ तेथै खह्ल़ी अंदे सुबेदारो कैई शो पूछ़ो; “कियो तुऐं काँनून के मुँताबिक ऐशे आदमी दे कोड़ै लाऐ सको; जुण्जा रोमन नाँगरिक असो; अरह् जेसी दोषी-कसूरबार भे बंणाँऐ ने थंई?”

प्रेरितो कै काम 22:29

तबे: जुण्जे लोग तेसी परंख्णाँ चहाँव थिऐ, से तेख्णी संत्त-पौलुस कैई शे दुर्के हुटे; अरह् पल़ट्ण का सरदार भे ऐजो जाँणियों के ऐ रोमी असो, अरह् मुँऐ ऐसी बाँनी लुवा तअ से आपु भे डरी गुवा।

प्रेरितो कै काम 24:27

परह् जबे दो साल्ह बित्त्णों गाशी, तेस्की जागा दा, हाकम पोर्कियुस-फेस्तुस बंणाँया गुवा; तअ तबे हाकम-फ़ेलिक्स ऐ यहूदी लोग खुशी कर्णो की ताँईऐ संत्त-पौलुस कंय्दखाँने दा ही छ़ुड़ी दिता।

प्रेरितो कै काम 28:20

ईन्देंखे मुँऐ तुँओं बय्दी थुऐ, के तुँओं कैई शा भेंटियों बात चींत्त करू, किन्देंखे के इस्राएल के भुर्षें के कारण ही मुँह ईयों शाँगल़ी दा बाँनी थुवा।”

प्रेरितो कै काम 3:13

अब्राहम, इसहाक, अरह् याकूब का पंण्मिश्वर ऐं, अमाँरे पुराँणियाऐं के पंण्मिश्वर ऐ; आप्णें सेंवक यीशू के बड़ियाऐं करी थऐ, जिनू तुँऐं लोगे ऐ थंहम्बड़ाऐ दित्ते, अरह् जबे हाकम-पिलातुस ऐ तिनू छ़ुड़्णों का ईरादा करा; तबे तुऐ लोग तिनू माँन्दे भाजी गुऐ।

प्रेरितो कै काम 4:27

“सोत्तिखे खास करियों राजा-हेरोदेस अरह् हाकम-पिलातुस ऐं, गऐर यहूदी, अरह् इस्राएल की जंन्त्ता की गईलो, ऐसी नंगर दे तेरे पबित्र सेवक प्रभू यीशू के बिरूध जिनू तुऐं च़ूणीं-छ़ाँटी थुऐ थिऐ, तिनखे तिनू लोगे ऐं कैष्णी चाल चाली।

प्रेरितो कै काम 9:2

तेने दमिश्क के चौत्रें के नाँव दे पत्र माँगे, जिन्दा तेस्खे ऐजा हंक-अधिकार दिया गुवा थिया; के जे कोसी भे बिश्वाषी यरूशलेम दे बाँनियों आँणों, से तिरंई, हों भाँव मंरोद् हों।

1 तीमुथियुस 6:13

हाँव तुँओं खे तेसी पंण्मिश्वर का जू ऐक नाँम पराँणी जीऊँदें थंह्, अरह् यीशू मसीया तुवाँरा गुवाह्-शाज़्त्त अरह् हाजीर जाँणियों जिनिऐ हाकम-पुन्तियुस, पिलातुस के सहाँम्णें आछ़ो कबूल करियों माँनी पाव; अरह् हाँव तुओं खे ऐजी अज्ञाँ देऊँ,

2 तीमुथियुस 2:9

जिन्देकी ताँईऐं हाँव कू-कर्णी के जिऐ दु:ख भुगतू, जिन्दें के ताँईऐ हाँव कंय्दी भे असो; परह् पंण्मिश्वर का बचन कय्द ने आथी।

इब्रानियों 13:3

कय्दी का ऐशा शुज़ा करह्, ऐशो जाँणियों के तुँऐं भे तिनकी गईलो कय्दी असो, अरह् जिनकी गईलो बुरा बर्ताव करा ज़ाँव तिनका ऐशा जाँणियों शुज़ा करह् के आँमें भे ईन्के ही जिऐ सुख्ह-दुख्ह भोगणों वाल़े लोग असो।