मत्ती 26:61 - Sirmouri

⁶¹ अरह् तिन्ऐ बुलो, के “ऐने ऐजो बुली थो, के हाँव पंणमिश्वर की देऊँठी ढाल़ी देऊँबा अरह् तियों च़ीज़ै देसो दी पाछू बाणूबा।”

सिरमौरी नौवाँ नियम

⁶¹ औरौ बौल़ौ, “तैणै बौल़ौ की हांव पौरमेशवर कै मन्दिर कै ढाल़ै सौकु औरौ ती दूसौ दा बौणाए बै सौकु।”

मत्ती 26:61 ပူးပေါင်းရင်းမြစ်များ

मत्ती 12:24

परह् यहूदी भाट-बाँम्णें ऐजो शुणियों बुलो, “ऐ तअ दुष्ट-आत्त्मा का नंम्बरदार शैतान, बालज़बूल की मद्दत्त के बिना दुष्ट-आत्त्मा ने निकाल़ी सक्दा।”

मत्ती 26:62

तबे महाँ-याजक ऐ खड़े हऐयों प्रभू यीशू खे बुलो, “कियों तू ईदा किऐ जबाब देईदा ने? ईनू लोगे तेरे बिरूध दी का गुवाऐ-शाज़्त देऐ लऐ?”

मत्ती 26:71

जबे संत्त-पतरस बाऐर डेऊँडी गाशी हुटा, तअ ओकी दासी ऐ तेसी दे:खियों तिनखे जुण्जें तेथै थिऐ बुलो, “ऐजा बे तअ नासरत के यीशू आरी थिया।”

मत्ती 27:40

“अरे तू! तू तअ बुले थिया, के देऊँठी ढाल़ी दियों, अरह् हाँव ऐथू च़ीज़े को खड़ो करी देऊँबा, ऐबे आपु तअ बंचाऐयों दे:ख! जे तू पंणमिश्वर का बैटा असो, तअ ऊदा आ शुँल़ी-फ़ाँशी गैछ़ा।”

मत्ती 27:5

तबे यहूदा इस्करियोती ऐ सेजे चाँदी के सिक्के देऊँठी दे फेरकाऐयों आगू हुटा, अरह् ज़ाऐयों आपु-आप्खे दाँव लाओं।

मरकुस 14:58

“आँमें ऐसी ऐजो बुल्दे शुणा, के हाँव ऐजी हाथो के बाँणी अंदी देऊँठी ढाल़ी देऊँबा, अरह् च़ीज़े देसो भीतरी हजो ऊकी देऊँठी बाँणूबा, जू हाथो के बंणी अंदी ने हों।”

मरकुस 15:29

अरह् बाटो पूडे ज़ाँणों वाल़े मुँढो झ़िगाल़ी-झ़िगाल़ियों अरह् ऐजो बुलियों तिनकी नीदया-चुगली अरह् ठाठे पाड़दे लागे; के “हुऐ रे, देऊँठी का ढाल़िया अरह् च़ीज़े की पाछ़ू देऊँठी बाण्णों वाल़ा!

लूका 23:2

अरह् तिनू सभिऐं प्रभू यीशू गाशी ऐजा दोष-ईल़जाम लाया: के “आँमें ऐसी अमाँरे लोग ऐशे दूरताँदे शुँणी थुवा, के महा-राजा संम्राट खे कंण-माँम्ला ने दिऐ; अरह् आपु खे ऐ मसीया अरह् राजा बुलो।”

यूहन्ना 9:29

आँमें ऐजो जाँणों ऐं, के पंण्मिश्वर ऐ ऋषी-मूसा की गईलो बात-चींत्त करी; परह् आँमें तेसी आदमी ने जाँण्दें, से पता ने केथै शा आऐं रूवा।”

प्रेरितो कै काम 17:18

तबे इपिकूरी अरह् स्तोईकी दर्शण देख्णों वाल़े लोग, भे तेस्की गईलो सवाल जबाब कर्दे लागे; अरह् कंई लोगे ऐ बुलो, “ऐजा बकबादी का बुल्णों चहाँव?” परह् ओकी ऐ बुलो, के “ऐ कोसी ओकी देव्त्ते का प्रचार कर्णो वाल़ा हंणाँ” किन्देंखे के संत्त-पौलुस प्रभू यीशू का अरह् दुज़ाल़िऐं ऊबे जीऊँणों की खुषख्बरी शुँणाँव थिया।

प्रेरितो कै काम 18:13

“ऐजा आदमी पंण्मिश्वर के ऐशी आरार्धना कर्णो का निय्म शिखाँव, जुण्जा ऋषी मूसा खे भेटे गुऐ अज्ञाँ निय्म के बिरूध दे असो।”

प्रेरितो कै काम 22:22

तिनू लोगे ऐ संत्त-पौलुस की बातो ईथै तोड़ी तअ जरूर शुँणीं, परह् ईदें पाछ़ी से बैजाऐ लेल्याऐ; के “ऐजा आदमी ईयों धर्ती गाशी रंहणों ज़ूगा ने आथी, ऐसी खह्त्तम करह्!”