मत्ती 26:26 - Sirmouri

²⁶ जबे तिन्ऐ खाऐ लों थियों, तअ प्रभू यीशू ऐ रूटी करी, अरह् आशीष माँगियों, च़ुड़ी, अरह् चैले दे:खियों बुलो, “लो, खाव; ऐजी मेरी देह्-शरीर असो।”

सिरमौरी नौवाँ नियम

²⁶ जोबै तिनुऐ खाए ही लोव थियु, यीशुए रोटी कौरी, औरौ पौरमेशवर कै धन्यवाद कौरेयौ तौड़ै, औरौ चैलै खै दी, औरौ बौल़ौ, “लो, ऐजा मैरा शोरीर औसौ।”

मत्ती 26:26 ပူးပေါင်းရင်းမြစ်များ

प्रेरितो कै काम 20:7

संह्पता के आगले देसे जबे आँमें रोटी खाँदें कठै हऐ रूऐ थिऐ, तअ संत्त-पौलुस जुण्जा दुज़ै का ज़ाणों वाल़ा थिया; तेने बिश्वाषी भाऐ-बंईणों कैई शी पंण्मिश्वर के बचन के बारे दी चर्चा करी लंऐ थी: अरह् से आधी रात्ती तोड़ी तिनू सोभी आरी पंह्ली रूऐ थिऐ।

1 कुरिन्थियों 10:4

अरह् सभिऐं ऐक ही आत्त्मिक पाँणी पियों, किन्देंखे के से बादे झुणें तियों आत्त्मिक कऐड़ी शो नींक्ल़ो अंदो पाँणी पियों थिऐ, जुण्जी कऐड़ तिन्की गईलो-गईलो चालो थी; अरह् सेजी आत्त्मिक कऐड़ मसीया थिया।

प्रेरितो कै काम 2:46

सेजे बादे बिश्वाषी लोग रोज ऐक मंन हऐयों देऊँठी दे कट्ठै हों थिऐ, अरह् घरह्-घरह् प्रभू भोज की रोटी खाँव थिऐ; अरह् से खुशी-आँनन्द मंनाँव थिऐ; अरह् नींष-कपट् मंन शो से बादे झोणें साथी भोजन करह् थिऐ।

लूका 24:30

जबे प्रभू यीशू तिनकी गईलो खाँदे धुईऐ तअ प्रभू ऐ रोटी आप्णें हाथों दी करी, अरह् धन्यबाद करियों आशिष माँगी, अरह् सेजी रोटी च़ूड़ियों से तिनखे देंदे लागे।

मरकुस 6:41

तबे प्रभू यीशू ऐ पाँच रोटी अरह् दो माँछी करी, अरह् स्वर्गो की ढबे दे:खियों धन्यबाद करा, अरह् तबे सेजी रोटी च़ोड़ियों आप्णें चैले कैई देंदे गुवे, के लोगों की भीड़ खे बाँडदे ज़ाव, तिन्दे आरी तिन्ऐं माछी भी बाँडी दिती।

मत्ती 14:19

तबे तिन्ऐ लोगो खे ज़ुब्ड़ी गाशी बईठाल़्णों की अज्ञाँ दिती, अरह् तिनू पाँच रोटी अरह् दो माँछी लई; अरह् स्वर्गो की ढबे ऊबो दे:खियों धन्यबाद करा अरह् रोटी च़ूड़ी-च़ूड़ियों आप्णें चैले कैई दिती, अरह् तिन चैले लोगों खे दिती।

मत्ती 26:27

तबे प्रभू यीशू ऐ बैलुवा करियों धन्यबाद करा, अरह् तिनखे देऐयों बुलो, “तुँऐं बादे झ़ुंणें ऐसी बैलुऐ शो पीयों,

लूका 22:17

तबे प्रभू यीशू ऐ अंगूरोह् के रंस शा भरा अंदा बैलुवा करा, अरह् प्रार्थना करियों धन्यबाद देऐयों बुलो, “ऐथू आगू करह्, अरह् आपु मुँझी बाँडी पाव।”