मत्ती 24:9 - Sirmouri

⁹ तबे से दु:ख-कल़ेष देणों खे तुँओं थंहम्बड़ालें, अरह् तुँओं माँरी देले, मेरे नाँव के कारण सब बादी गऐर यहूदी के लोग तुँओं आरी बईर कर्लें।

सिरमौरी नौवाँ नियम

⁹ तोबै सैजै लोग जू तोंवारै खिलाफ औसौ कौल़ेश दैणौ खै तुऔं खै थोमाले औरौ तुऔं खै मारै दैंदै जिथुकै तुऐं मैरै चैलै औसौ इथकारिए सौबै देशो कै लोग तुऔंआरी बैर कौरलै।

मत्ती 24:9 ပူးပေါင်းရင်းမြစ်များ

मत्ती 22:6

ओकिऐं तिनू दास-बैठू उडे थाँम्ब्ड़ियों तिनू आरी गलत बरताव करा, अरह् तबे तिन्की हत्त्याँ करी दिती।

मत्ती 23:34

ईन्देंखे दे:खो, हाँव तुँओं कैई आप्णी बरंम्बाणीं कर्णो वाल़े अरह् बुद्धीमाँन, अरह् ज्ञाँन-निय्म शिखाँणों वाल़े डियाँल़ूबा; अरह् तुँऐं तिन मुँझ शे किऐ तअ माँरी देले, अरह् शुँल़ी-फ़ाँशी चड़ाले, अरह् किऐ आप्णी खुम्ल़ी के यहूदी-च़ोंत्रें दे कोड़े माँर्लें अरह् ऐकी नंगर शे ओकी नंगर्दे खेदियों लालें अरह् से रिट्दे-फिर्दें रंह्ले।

लूका 11:49

ईन्देंखे पंण्मिश्वर की ज्ञाँन-बुद्धी ऐ ऐजो बुलो; हाँव तिन कैई ऋषियो, अरह् खास-चैले डियाल़ूबा; अरह् से तिन मुझ्के कंई लोगो के हंत्त्या कर्ले, अरह् कंई गाशी आप्णा अंत्त्याचार करियों सताले।

लूका 21:12

ईनू बादी बातो शे आगे से तुओं मेरे चैले हंणों के कारण तुँओं गाशी अनियाँऐ कर्ले, थाँम्बड़ियों खुम्ल़ी के चौत्रे दे निंले, अरह् कय्दखानें दे पाले; अरह् तुँओं राजाओं अरह् हाकमों के हाथों दे देऐ देले।

यूहन्ना 15:18

“जे संईसारी तुँओं आरी बईर करह्, तअ ऐजो चींत्ते थुऐ; के तुओं शो आगे ईयों संईसारी ऐं मुँह आरी भी बईर करी थो।

यूहन्ना 15:21

से ऐजो सब-कुछ तुवाँरी गंईलो मेरे कारण कर्दे, किन्देंखे के से मुँह डेयाल़्णों वाल़ा ने जाँण्दे।

यूहन्ना 16:2

से तुँओं यहूदी-च़ौत्रें शे आगू गाड़्ले, सिर्फ ऐत्ती ने, परह् सेजा बख्त्त भे आऐ गुवा; जबे तुवाँरी हंत्त्या कर्णों वाल़ा, आप्णें कुँकंर्म खे पंण्मिश्वर की सेवा कर्णी संम्झला।

प्रेरितो कै काम 28:22

परह् आँमें ताँव कैई शे तेरे बिचार शुँण्णें चहाँव? किन्देंखे के आँमें जाणों ऐ के तेसी मंत्त-शीख्ह के बिरूध दी लोग ढीकों बातो कर्दे लागी रूऐ।”

प्रेरितो कै काम 7:59

जबे तिनू लोगें ऐ स्तिफ़नुस दे पात्त्थर लाऐ लुऐ थिऐ, तअ तेने ऐजी प्रार्थना करी, “हे प्रभू यीशू! मेरी आत्त्मा धारंण करह्!”

1 पतरस 4:16

परह् जे कोसी खे मसीही हंणों के कारण दु:ख भोग्णा पड़ो, तअ से सरमाँव ने, परह् से पंण्मिश्वर की बड़ियाऐ खे ऐसी नाँव धारण करह्;

प्रकाशितवाक्य 2:10

जुण्जे दु:ख्ह ताँव झेल़्णें पड़ले, तिन्दा डरे ने। किन्देंखे के देखो, शैतान तुँओं मुँझ शे किऐ कय्दखाने दे पाँणें चहाँव जू तुँओं जाँच्चें-पर्खे ज़ाँव; अरह् तुँओं दष देसो तोड़ी कल़ेष भोग्णाँ पड़ो। पराँण देणों तोड़ी बिश्वाषी रंह्, तअ हाँव ताँव्खे जीवन को मुँकुट-ताज देऊँबा।

प्रकाशितवाक्य 2:13

हाँव ऐजो जाँणू ऐ, के तू तेथै रंऐ, जेथै शैतान को सिंगाँस्ण असो; तू मेरे नाँव गाशी पाका अट्ल़ रूऐ, अरह् मुँह गाशी बिश्वाष कर्णो शा तिनू देसो दा भे पाछू ने फिरे, जिनू मुँझी मेरा बिश्वाष ज़ूगा, भाऐ अन्तिपास जू तुवाँरे बीचो दा तेसी जागा दा मेरी खुषख्बरी शुँणाँणों के कारण माँरा गुवा जेथै शैतान आप्णों राज करह्।

प्रकाशितवाक्य 7:14

मुँऐ तैस्खे बुलो: “हे श्री माँन, ऐजो तअ तुँऐं जाँणों।” तेने मुँखे बुलो, “ऐजे सेजे असो, जू बड़े कल़ेष मुँझ शे नींक्ल़ियों आऐ रूऐ; ईनू लोगे आप्णे-आप्णे खोट्णों छ़ैल़्टे के लह्ऊँ लई धुईयों चींट्टे बाँणीं थुऐ।