मत्ती 24:5 - Sirmouri

⁵ किन्देखे के भहीते ऐशे हले जू मेरे नाँव शे आऐयों बुल़्ले, के ‘हाँव मसीया असो’, अरह् भहीते लोग भरमाँऐं ज़ाले।

सिरमौरी नौवाँ नियम

⁵ जिथुखै बौहितै लोग ऐशणै हौंदै जू मैरै औधिकार का दावा कौरदै औरौ बौलदै कै, ‘हांव ही मसीहा औसौ,’ औरौ बौहितै खै भोरमाए दैंदै।

मत्ती 24:5 ပူးပေါင်းရင်းမြစ်များ

मत्ती 24:11

बैजाऐ भहीते ऐशे लोग हले जू ऐजो बुल़्ले के आँमें पंणमिश्वर की बरंम्बाणीं कर्णो वाल़े असो, से खड़े हले जू झूठें, अरह् लोगों के भरंमाँणों वाल़े असो।

मत्ती 24:24

“किन्देखे के झूठें मसीया अरह् झूठे पंणमिश्वर की बरंम्बाणीं कर्णो वाल़े, खड़े हले, अरह् से असरदार चींन-नीशाँणी दे:खाले, जे ऐशो हलो, तअ चूणें-छाँटे अंदे भे भरमाँऐं ज़ाले।

यूहन्ना 5:43

हाँव आप्णे बाबा के नाँव शा आऐ रूवा, तबे भे तुँऐं लोग मुँह माँन्दे ने; परह् जे कुँऐं ओका आप्णें ही नाँव शा आला, तअ तुँऐं तेसी जरूर माँन्दे।

यूहन्ना 8:24

ईन्देंखे मुँऐं तुँओं खे बुलो, के तुँऐं आप्णे पापे मर्ल़े; किन्देंखे के जे तुँऐं बिश्वाष ने कर्दे, के ‘हाँव सेजा ही असो’, तअ तुँऐं आप्णे पापे आपु मर्दे।”

यूहन्ना 8:28

तबे प्रभू यीशू ऐ तिनखे बुलो, के “जबे तुँऐं आदमी का बैटा ऊगला टाँगले, तअ जाँणी पाह्ले, के ‘हाँव सेजा ही असो’; अरह् हाँव आप्णें आप किऐ ने करदा, परह् हाँव सेजो ही बुलू, जुण्जों बाबा ऐं मुँह कैई शो शिखाँऐ थो।

1 यूहन्ना 2:18

प्रभू दे पय्दा हुऐ नुऐं प्यारे नहाँन्ड़िया, ऐजा आखरी बख्त असो; अरह् जैष्णों तुँऐं शुणी थो, के मसीया का बिरोधी पर्गट हंणो वाल़ा असो; तिन्दे के मुताबिक ऐजो जाँणी पाव के ऐबे आखरी बख्त असो।

1 यूहन्ना 2:22

झूठा कुँण असो? सिर्फ सेजा जू ऐजो बुलो, के प्रभू यीशू मसीया आथी ने? अरह् मसीया का बिरोधी सेजा ही असो; जुण्जा स्वर्गो के पिता को अरह् बैटे को माँनणों दा भाजी ज़ाँव।

1 यूहन्ना 4:3

तैस्णी ही जुण्जी आत्त्मा, मसीया प्रभू यीशू ने माँन्दी, सेजी आत्त्मा पंण्मिश्वर की आत्त्मा ने आथी; सेजी आत्त्मा मसीया के बिरोधी बईरी की आत्त्मा असो, अरह् जिन्दें के चर्चा तुँऐ शुणी थऐ, के प्रभू आँणों वाल़े असो, अरह् ऐभी भी संईसारी दे ही असो।

प्रकाशितवाक्य 13:8

धर्ती के सेजे बादे रंहणों वाल़े, तैथू बूणेर के पुजा करह्, जिनके नाँव माँरे अंदे छ़ैल़्टे के जीवन की कताबे दे संईसारी की उत्पत्ति के बख्तो शे ऊँबे लिखे अंदे ने आथी।