मत्ती 23:8 - Sirmouri

⁸ परह् तुँऐं आपु खे गुरू ने बणें, किन्देखे के तुवाँरा गुरू सिर्फ ऐक ही असो, अरह् तुँऐं बादे आपु मुँजी भाऐ ही भाऐ असो।

सिरमौरी नौवाँ नियम

⁸ पौरौ तुऐं गुरु नै बौणैया, पौरौ तोंवारा ऐकैई गुरु औसौ, औरौ तुऐं सौबै भाईटु जैशणै औसौ।

मत्ती 23:8 ပူးပေါင်းရင်းမြစ်များ

याकूब 3:1

हे मेरे भाऐ बंईणों, तुँओं मुँझ्षे भहीते शिक्क्षा देणों वाल़े ने बणे, किन्देंखे के तुँओं कैई पता भे असो, के शिक्क्षा देणों वाल़े जादा कसुरबार बाँण्दें।

1 पतरस 5:3

जुण्जे लोग तुँओं खे देऐं थुऐं, तिन गाशी हंक-अधिकार ने जताऐं, परह् मंडल़ी खे आदर ज़ुगे बंणों।

लूका 22:32

परह् शमौन, मुँऐ ताँव्खें प्रार्थना करी थऐ, के तेरा बिश्वाष खत्त्म ने हों; अरह् जबे तू होशौ दा आऐला, तअ आप्णें भाऐ-बंईण बिश्वाष दे पाक्कै करला।

मत्ती 23:10

अरह् ना तुऐं आपु खे स्वामी बुले, किन्देंखे के तुवाँरा ऐक ही स्वामी असो, मतल्व मसीया।

मत्ती 17:5

तेने बुली ही लों थियों, के ऐक ओज्ल़े बांद्ल़े तिनू मैठी दिते, अरह् तेसी बाद्ल़ो मुँझ्शी ऐक धाव पड़ी: “ऐजा मेरा प्यारा बैटा असो, जेस्छ़ा हाँव खुशी असो: ऐस्की शुणों।”

प्रकाशितवाक्य 1:9

हाँव यूहन्ना, जू तुवाँरा भाऐ अरह् प्रभू यीशू के कल़ेष अरह् राज्य अरह् धीरज दा तुवाँरा साजी असो, पंण्मिश्वर के बचन अरह् प्रभू यीशू की गुवाऐ-शाज़्त्त के कारण हाँव पतमुस नाँव के टापू दा थिया।

प्रकाशितवाक्य 22:9

परह् तेने स्वर्गदूत्तें मुँखे बुलो, “देख, ऐष्णों ने करे! किन्देंखे के हाँव तेरा अरह् तेरे भाऐ ऋषियों, अरह् ईयों कताबी की बातो माँनणों वाल़े का संगी-साथी दास असो, तुँऐं सिर्फ पंण्मिश्वर के सहाँम्णें आगुमुँईऐ लाँम्बे पसरियों तिनकी ही आरार्धना करे।”

प्रकाशितवाक्य 19:10

ईन्देंखे हाँव स्वर्गदूत्त खे नंमष्कार कर्णो खे लाँम्बा पसरियों तिनके लातो गाशी पड़ा। तिन्ऐ मुँखे बुलो, “देख, ऐष्णों ने करे, हाँव तेरा अरह् तेरे भाईयों का संगी दास असो, जू प्रभू यीशू की गुवाऐ-शाज़्त्त देंदा संईसारी दा आऐ रूवा। पंण्मिश्वर ही के लातो गाशी पसरियों नमंष्कार करह्;” किन्देंखे के प्रभू यीशू के गुवाऐ-शाज़्त्त ही ऋषियों के आत्त्मा असो।

इफिसियों 3:15

जिन्दे लई स्वर्ग अरह् धर्ती गाशी, ऐक नाँम घराने को नाँव थुओ ज़ाँव,

2 कुरिन्थियों 4:5

किन्देंखे के आँमें आपु खे ने, परह् मसीया यीशू का प्रचार करह्, के से प्रभू असो; अरह् आप्णें बारे दो ऐजो बुलो, के आँमें यीशू के जाँणें तुवाँरे दास असो।

2 कुरिन्थियों 1:24

ऐजो ने के आँमें बिश्वाष के बारे दा तुँओं गाशी हंक-अधिकार जमाँणा चहाँव; परह् तुवाँरे आँनन्द-खुशी के साथी असो, किन्देंखे के तुँऐं बिश्वाष दे ही पाक्कै रंह।

मत्ती 26:49

अरह् तेख्णी प्रभू यीशू कैई आऐयों बुलो, “हे गुरू जी! नंमष्कार!” अरह् तिन्दी बैजाऐ खुप्टी दिती।

मत्ती 10:25

चैले का गुरू के, अरह् दास का मालिक के बुराबर हणों ही बैजाऐ असो, जबे तिन्ऐ घर के मालिक खे शैतान बुला, तअ तेस्के घईले खे से का-का ने बुल्दे!”

मत्ती 23:7

नंगर के चराऐं दे लोगों के जाँणें आदर-ईज्जत अरह् गुरू जी शुण्णों ईनू आछ़ो लागो।

मत्ती 26:25

तबे तिनू थँम्बड़ाणों वाल़ा यहूदा ऐ बुलो, “हे गुरू जी! कियों सेजा हाँव असो?” प्रभू यीशू ऐ बुलो, “तुँऐं आपु ही बुली पाव।”

मरकुस 9:5

ईन्देंखे गाशी पतरस ऐ प्रभू यीशू खे बुलो, “हे गुरू जी! अमाँरो ईथे रंहणों ठीक असो: ईन्देंखे आँमें ईथे च़ींन थाँनं-देऊँठी जेई बाँणबे; ऐक तुँओं खे ऐक ऋषी-मूसा खे अरह् ऐक ऋषी-एलिय्याह खे तियाँर करूबे।”

मरकुस 10:51

ईन्दें गाशी प्रभू यीशू ऐ तेस्खे बुलो, “तू का चाँऐं, के हाँव ताँव्खे करू?” तेने तिनखे बुलो, “हे गुरू जी! हाँव ऐजो चहाऊँ के हाँव दे:ख्दा लागूँ।”

मरकुस 11:21

पतरस के सेजी बात चींत्ते आऐ, अरह् बुलो, “हे गुरू जी! दे:खो! ऐजी तेर्मोल़ी के डाल़ी जियों खे तुँऐं फिट्कारा दिया थिया, ऐ जड़ी शी शुक्की गऐ।”

मरकुस 14:45

यहूदा आया, अरह् तैख्णी प्रभू यीशू कैई आऐयों बुलो, “हे रब्बी” मतल्व गुरू जी! ठग्ड़ै अरह् हगाँल़ी देऐयों तिन दी खुप्टी दिती।

यूहन्ना 1:38

प्रभू यीशू ऐ तिनू आपु पाछी आँदे देखियों पूछ़ो, “तुँऐं का चहाँव?” तिन्ऐ बुलो, “हे रब्बी मतल्व (हे गुरू जी) तुँऐं केथै रंह्?”

यूहन्ना 1:49

नतनेएल ऐ प्रभू यीशू खे जबाब दिता, “हे रब्बी, गुरूजी! तू सोत्तिखे पंण्मिश्वर का बैटा असो: तू ही इस्राएल का महाँन राजा असो।”

यूहन्ना 3:2

से रात्ती के बख्ते प्रभू यीशू कैई आया, अरह् तेने बुलो, “हे रब्बी (हे गुरू जी!) आँमें जाँणों ऐ; के तुँऐं पंण्मिश्वर के बंणाँऐ अंदे गुरू असो! किन्देंखे के तुऐं जुण्जे भे चींह्न-चम्त्तकार देखाँव, तिनू कोऐं भे आदमी ताँव तोड़ी ने देखाऐ सक्दा; जाँव तोड़ी के पंण्मिश्वर तेस्की गंईलो ने हों।”

यूहन्ना 3:26

संत्त-यूहन्ना नहाँण-कराँणों वाल़े के चैले ऐं आप्णे गुरू संत्त-यूहन्ना कैई आऐयों बुलो, “हे रब्बी, (गुरू जी) जुण्जा आदमी यरदन शा पाईले ढबे तुँवारी गईलो थिया, अरह् जेस्के बारे दे तुँऐं गुवाऐ-शाज़्त्त देऐ थी; देखो, तेने आदमी ऐं भे ऐबे लोगों कैई शो नहाँण-कराँऐ लो; अरह् ऐबे बादे लोग तेसी ही कैई नहाँण-नहाँदे ज़ाँदे लागे।”

यूहन्ना 4:31

तबे चैले ऐं तेख्णीं प्रभू यीशू शी बिनती करी, के “हे रंब्बी! हे गुरू जी! तुऐं भे किऐ खाऐ करह्।”

यूहन्ना 6:25

जबे सेजे लोग झील शे पाँईले ढबे हुटे, अरह् तिन्ऐ प्रभू यीशू तेथै देखे, तअ तिन्ऐ बुलो, “रंब्बी (हे गुरू जी! तुऐं ईथै कबे आऐ?”

यूहन्ना 9:2

प्रभू यीशू के चैले ऐ तिनशो पुछो, “हे रंब्बी, गुरू जी! कस्के पाप के कारण ऐजा आदमी माँ की कुँख्ही शा ही आँधा पय्दा हुवा; आप्णें पाप के कारण के आप्णें माँ-बाबा के पाप के कारण ऐष्णाँ पय्दा हुवा?”

यूहन्ना 11:8

चैले ऐ बुलो, “हे रंब्बी; गुरू जी! किऐ देसे आगे तअ यहूदी अगवाल़ तुँओं गाशी पथराच़ देऐयों माँर्णे चहाँव थिऐ; तअ तबे भे कियो तुँऐं हजो तेथी ज़ाँणों चहाँव?”

यूहन्ना 20:16

ईन्दें गाशी प्रभू यीशू ऐ तियों खे बुलो, “मरियम!” तिऐं पाछू फ़ीरियों तिनखे इब्रानी भाषा दो बुलो, “रब्बूनी!” मतल्व “हे गुरू जी”।

फिलेमोन 1:16

परह् ऐ हेबी शुबा बैटू-दास जिया ने, परह् दास शा भे आछा, मतल्व भाऐ के जैष्णाँ रंह्, मेरे तअ ऐसी बैगेही प्यारा असो, परह् ऐबे ईन्साँनियत के रूप अरह् प्रभू दा बिश्वाषी हंणों के नाँत्ते भे ऐ तेरा प्रभू यीशू के पियारा हुआ चेंई।