मत्ती 22:16 - Sirmouri

¹⁶ तबे तिन्ऐ आप्णे चैले हेरोदियों दल़ के लोगों की गईलो प्रभू यीशू कैई ऐजो बुल्णों खे डियाल़े, के “हे गुरू जी! आँमें जाणोंऐं के तुँऐं साचे असो, अरह् पंणमिश्वर की राज्य की शिक्क्षा पुरी सचाई शी शिखाव, अरह् तुओं दा किऐ भेद्-भाव ने आथी, अरह् तुँऐं कोसी आदमी के जरकावें दे ने आँदे।

सिरमौरी नौवाँ नियम

¹⁶ पौरौ तिनुऐ आपणै चैलै खै हेरोदियों कै साथी तैसकै धोरे ऐजौ बौलदा भैजा, “ओए रै गुरुजी, आमै जाणुए, कै तू साचा औसौ, औरौ कोसी कै पोरवा ना कौरे कै लोग मुखै का बौलल़ै; औरौ पौरमेशवर कै बाट सोच्‍चाई शै शिखांए। जिथुकै तू आदमी कै मुं दैखैयो बातौ ना कौरे।

मत्ती 22:16 ပူးပေါင်းရင်းမြစ်များ

मत्ती 22:24

“हे गुरू जी! ऋषी-मूसा ऐ बुलो थिया, के जे कुँऐं मरोद् बिना अलाँदिऐं मरी ज़ाँव, तअ तेस्का ओका भाऐ तेसी आप्णें मंरे अंदे भाई की घरवाल़ी आरी बियाव-जाज्ड़ा बाँणियों आप्णें भाऐ का बंष पय्दा करह्।

मत्ती 22:26

ऐशो ही दाँई दुज़ा अरह् च़ीज़ा सोभीऐ ऐष्णों ही करो; अरह् से तेष्णें ही मरी गुऐ, अरह् सात्ती भाई आरी ऐष्णों ही हुओं।

मत्ती 26:18

प्रभू यीशू ऐ बुलो, “नंगर दे कोसी भे आदमी कैई ज़ाऐयों बुलो, के ‘गुरू जी बुलो, के मेरा बख्त्त नंजीक असो। हाँव आप्णें चैले आरी तेरे कागी फ़सह को तियार मंनाँऊ’।”

मत्ती 26:49

अरह् तेख्णी प्रभू यीशू कैई आऐयों बुलो, “हे गुरू जी! नंमष्कार!” अरह् तिन्दी बैजाऐ खुप्टी दिती।

मरकुस 10:17

जबे तेथै शे प्रभू यीशू निक्ल़े, अरह् बाटो पूडे ज़ाँदे लागे, तअ ऐक आदमी आया, अरह् घूडकुँणिऐं तिनके लातो गाशी पड़ियों पुछो, “हे शुद्ध गुरू जी! अमर-जीवन पाणों खे का कर्णो पड़ो?”

मरकुस 12:13

यहूदी लोगे प्रभू यीशू मसीया कैई कंऐं यहूदी भाट-बाँम्ण अरह् हेरोदियों साथ देणों वाल़े डियाल़े, के तिनू कैशे ही दाँई बातो दे फशाँऐं ज़ाईदे।

मरकुस 12:14

तिन्ऐ आऐयो प्रभू यीशू मसीया शा ऐजा सुवाल पुछ़ा, “हे गुरू जी! ऐजा तअ आँमों कैई पता ऐ के तुऐं ऐक साचे आदमी असो; तुओं कोसी की जरूरत ने आथी, अरह् तुऐं कोसी दा भेद्-भाव ने करी सक्दे, अरह् तुऐं पंणमिश्वर के शिक्क्षा सचाई शी दियों, तअ तुऐं आँमों कैई ऐजो बुलो, के आँमों केसर खे कंण-माँम्ला देणा, यहूदी-निय्म के हिसाब शा ठीक असो, के ठीक आथी ने।

मरकुस 3:6

तबे यहूदी भाट-बाँम्ण बाँईडे हुटियों तेख्णी हेरोदियों की गईलो तिनखे कातंदें-ठाटदे लागे, के ऐसी केशा दाँई फंशायाँ ज़ाव।

मरकुस 8:15

अरह् प्रभू यीशू ऐ तिनखे अज्ञाँ दिती, “दे:खो यहूदी भाट-बाँम्ण अरह् हेरोदेस के खाटे आटे शे च़ौक्क्ष रूऐ।”

लूका 20:21

तिनू शड़यन्त्र रंचणों वाल़े लोगे ऐं, प्रभू यीशू शो पुछो; “हे गुरू जी! आँमें जाँणों ऐं, के तुँऐं साच्ची बुलो, अरह् सेजे ही शिक्क्षा भे दियों; किन्देंखे के तुँऐ मुँओं दे:खियों ने बुल्दे, परह् संच्चाई शी पंण्मिश्वर के बाटो के शिक्क्षा दियों।

लूका 7:40

ईन्दें गाशी प्रभू यीशू ऐ तैस्खे बुलो, “हे शमौन, मेरे ताँव्खे किऐ बुल्णों ऐ” तेने जबाब दिता, “हे गुरू जी! बुलो।”

यूहन्ना 14:6

प्रभू यीशू ऐ तेस्खे जबाब दिता, “हाँव ही बाट्, सच्चाऐ अरह् जीवन असो; मेरे बीना कुँऐ भे बाबा कैई ने ज़ाँऐ सक्दा।

यूहन्ना 18:37

ईन्दें गाशी हाकम-पिलातुस ऐ तिनखे बुलो, “तअ तू राजा असो?” प्रभू यीशू ऐ जबाब दिता, “तुऐं ठीक ही बुली लो; हाँव राजा असो! हाँव ईन्दी ही खे पय्दा हऐ रूवा; अरह् ईयों संईसारी दा मेरे आँणों का कारण ऐजा ही असो! के हाँव सच्चाई के गुवाऐ-शाज़्त्त देऊँ; किन्देंखे के ऐक नाँम आदमी जुण्जा साच्चा असो, से मेरो शुँणों।”

यूहन्ना 7:18

किन्देंखे के जुण्जा कुँऐं आप्णें बिचार शुँणाँव, से आप्खे ही आदर-ईज्ज्त्त चहाँव; परह् जुण्जा आप्णें डेयाल़्णों वाल़े खे आदर-ईज्जत्त चहाँव, से बुलकुल साच्चा असो; अरह् तेस्दा किऐ भे छ़ल़-कपट ने आथी।

2 कुरिन्थियों 2:17

किन्देंखे के आँमें ईनू भहीते जैष्णें ने आथी, जू पंण्मिश्वर के बचन दी मिलावट करह्; परह् मंन की सच्चाई शे अरह् पंण्मिश्वर की ढबे शे पंण्मिश्वर हाजिर जाँणियों मसीया दो बुलो।

2 कुरिन्थियों 4:2

परह् आँमें बै-शर्मी की अरह् चुप्पी की काँम-काज़ छ़ुड़ी दिती, ना चपलुसी शे चाल्दे, अरह् ना पंण्मिश्वर के बचन दी किऐं मिलावट कर्दे; परह् सच्चाऐ पर्गट करियों, पंण्मिश्वर के साम्णें ऐक नाँम आदमी के मंन दी आप्णी भलाऐ बईठाल़ो।

2 कुरिन्थियों 5:16

तअ: ऐबे शे आँमें कोसी देह्-शरीर के मुँताबिक ने जाँणों, परह् आँमें मसीया भे देह्-शरीर के मुताबिक जाँणें थिऐ, तबे भे ऐबे ऐष्णा ने जाँण्दी।

गलातियौं 1:10

कियों ईन्दें लई तुवाँरे ऐशो जाँणियों, के हाँव आदमी की सहाऐता चहाँऊ? के ऐजो, के मुँह पंण्मिश्वर के सहाऐता भेटी चेंई? के हाँव आदमी खुशी कर्णें चहाऊँ? परह् जे हाँव आदमी खुशी करदा तअ हाँव मसीया के दास जेष्णाँ ने हंदा।

गलातियौं 2:6

परह् तिनू जाँने-माँने लोगो कैई शो मुँह किऐं ने भेटी, से भाँव कैष्णें ही भी थिऐ; मेरे तिंन्दे शो किऐ ने लोंणी थी, बिना कोसी का भेद्-भाव के बादे आदमी पंण्मिश्वर के सहाम्णें ऐक-भाँते असो; ईन्देंखे मुँह तिनू जाँने-माँने लोगो शा मुँखे अरह् मेरी खुषख्बरी खे किऐ फाय्दा ने हई।

1 थिस्सलुनीकियों 2:4

जैष्णें पंण्मिश्वर ऐ आँमों ईन्दें ज़ुगे जाँणियों आँमों कैई ऐजी खुषख्बरी दित्ती, अरह् आँमें तेष्णा ही बखाँण भे करा, आँमें लोगो खुशी कर्णो की कोशिष ने कर्दे, परह् आँमें तअ तेसी पंण्मिश्वर खुशी करह्, जू अमाँरे मंन का भैद् जाँणियों पर्खोऐ।

याकूब 3:17

परह् जुण्जा ज्ञाँन स्वर्गो शा आँव, से आगे तअ पबित्र हों, तबे मिल्नसार, कोमल, मित्रता, दया-रंय्म, अरह् आछ़ै फल़ शा लदा अंदा अरह् बिना अप्णोंट वाल़ा, अरह् बिना कपट का शुद्ध हों।

1 यूहन्ना 5:20

आँमें ऐजी सच्चाऐ जाँणों ऐ, के पंण्मिश्वर का बैटा आऐ, अरह् आँमों खे ऐजी संम्झ दिती जू सच्चाऐ असो, आँमें तियों जाँणों, अरह् तिन्दें अट्ल़ पाक्के मंन दे बंणें रंह्, जू सच्चाऐ असो, मतल्व तिनके बैटा मसीया प्रभू यीशू शे ही सोतिखे पंण्मिश्वर अरह् सदा-सदा का अमर-जीवन असो।