मत्ती 22:13 - Sirmouri

¹³ तबे राजा ऐ आप्णें दास-बैठू खे बुलो, ‘ऐस्के हाथ लात्त बाँनियों ऐसी बाऐर ईनाँरे दा पाऐ दियों, तेथै रूणा-धुणा अरह् दाँद चाकणें पड़ले।’

सिरमौरी नौवाँ नियम

¹³ तोबै राजाए सेवको खै बौल़ौ, ‘ऐसकै हाथ लात बानैबा ऐसीखै बायरै इनारै दा राखै दो, तिथै सिरफ रुणु औरौ दांद पीशणो हौंदौ।’

मत्ती 22:13 ပူးပေါင်းရင်းမြစ်များ

मत्ती 12:29

“भला ऐजो केशो हऐ सको, के कुँऐं आदमी कोसी मुँह्ड़ो को घर मुँह्ड़ाईऐ लुटी सको; अरह् जाँव तोड़ी से आगे तेसी मुँह्ड़ आदमी बाँनी ने दियों? तबे ही से तेस्को घर लुटी सको।”

मत्ती 13:30

गींऊँ, अरह् शींऊँ शाख सह्लाणों के बख्त्तो तोड़ी ईनू ऐबे साथी बड़णों दियों, जबे शाख पाजी ज़ाली, तअ शाख लुण्णों सलांणों वाल़े धियाड़ूवा खे हाँव अज्ञाँ देऊँबा, के ऐजे जाँगल़ी बींज़ शींऊँ कठै करियों ईन्दें के पूल़े-बीडै बानियों, फूकी दियों, अरह् आछे गींऊँ मेरे खल़े-खलियान दे कठै करह्।”

मत्ती 13:42

अरह् तिनू आगे के कुँड दे पाऐ देंदे, जेथै सिर्फ रूणा-धुणा अरह् दाँद ही च़ाक्णें पड़ले।

मत्ती 13:50

अरह् तिनू आगी के कुँड दे पाँऐ देंई दे; जेथै सिर्फ रूणा-धोणाँ अरह् दाँद ही च़ाक्णें ही पड़ले।”

मत्ती 24:51

तबे सेजा माँलिक तेस्खे बैजाऐ भहिती डाँट-झाड़ देला, अरह् तेस्की बराबरी पाखंसियों आरी करला; तेथै रूणा-धुणा अरह् दाँद च़ाक्णा हले।”

मत्ती 25:30

अरह् ऐसी निकाँमा दास बाँईडा निईयों, ईनाँरे दा पाव जेथै रूणा-धोंणाँ अरह् दाँद च़ाक्णा हला।’

मत्ती 8:12

परह् राज्य के अलाद बाऐर ईनाँरे दे फ़ेरकाऐ देंई दे, तेथै रूणा-धुंणा अरह् दादों की ही चुरी च़ाकणीं पड़ली।”

लूका 13:28

जबे तुऐं, अब्राहम, इसहाक, याकूब, अरह् सोभी ऋषियों के पंण्मिश्वर के राज्य दो दे:ख्ले, परह् आपु खे फींट्कारा ही पाले, तबे तुऐ रूले, अरह् आप्णें दाँदो की च़ुरी च़ाक्ले।

यूहन्ना 21:18

हाँव ताँव कैई ऐक संच्चाऐ बुलू, जबे तू जुवान थिया; तअ आप्णी लाँकी दी आपु गाच़ी बाँनें थिया, अरह् आप्णीं हिछ़या शा जेथै जाँणों चहाँऐ थिया; तेथै ज़ाऐया करे थिया, परह् जबे तू बुड़ा हंऐ ज़ाईला, तअ आप्णें हाथ खह्ड़े करला; अरह् कुँऐ ओका तेरी कंमरी दी गाच़ी बाँनला, अरह् से ताँव तेथै नींला; जेथै तू ज़ाँणों ने चहाईला।

प्रेरितो कै काम 21:11

तेने ऋषी ऐ आँमों कैई आऐयों संत्त-पौलुस का कंमर बंन्द आँमो कैई शा आगु करा, अरह् आप्णे हाथ लात्त बाँनीयों बुलो, “पबित्र-आत्त्मा ऐजो बुलो: के जेसी आदमी का ऐजा कंमर बंन्द असो; तेसी यरूशलेम दा ऐष्णाँ ही बाँन्दा, अरह् तेसी गऐर-यहूदियों के हाथै देऐ देईला।”

प्रेरितो कै काम 7:54

स्तिफ़नुस की ऐजी बातो शुँणियों, सेजे लोग प्रच़ंड हुऐ; अरह् तेस्खे घीपियों-झ़ुकियों आप्णें दाँदों की च़ूरी च़ाक्दें लागे।

2 थिस्सलुनीकियों 1:9

से प्रभू के सहाँम्णें अरह् तिनकी शक्त्ति के तेज शे दुर्कें हऐयों सदा खे नाँष की सजा पाँदे।

2 पतरस 2:17

सैजे झूठै प्रचारक लोग शुके नाँल़ै असो, अरह् ऐशे बीना पाँणी के बाद्ल़ो असो, जिनू ढोंढ ऊड़ाऐयों नीयों; तिनकी ताँईऐं घूप ईनाँरो बंणाऐं थुवा।

2 पतरस 2:4

किन्देंखे के जबे पंण्मिश्वर तिनू स्वर्गदूत्तों खे जिन्ऐं पाप करणा ने छ़ुड़ी थई थी, तिनू से नंरक के कुँडो दे पाँव थिऐ, जू नियाँव के देसो तोड़ी से कय्द दे रंह्ले;

यहूदा 1:13

ऐ संमुन्द्रो के प्रचंन्ड फालो जैष्णी हों, जू आप्णी लाजो-शर्मी की शैफो बंणाऐयों छुड़ो: ऐ हिल्दे-झुल्दे तारे मंडल़ असो, जिन खे सदा-सदा तोड़ी घोर-घुप्प ईनाँरो पाक्को अट्ल़ असो।

यहूदा 1:6

जिनू स्वर्गदूत्तों ऐ आप्णा पद्-भार पाक्का अट्ल़ ने थई, परह् तिन्ऐं आप्णों खास घर छुड़ी दितो, तिन्ऐं तिनू भे तेसी भायानंक देसो के नियाँव खे ईनाँरे दे, जुण्जो ईनाँरो सदा खे असो, बाँनियों थऐ थुऐ।

प्रकाशितवाक्य 21:27

किऐ भे अ-शुद्ध-गाँन्दी चींज, ऐसी नंगर दी ना तअ दाखिल हऐ सक्दी; अरह् ना सेजे लोग जिनका सभाव बिचका, अरह् शंगाँव्णा हों, अरह् जिनकी बातो झूठों लई भरी अंदी हों; ईन्दें सिर्फ सेजे ही लोग हाजीर हऐ सको, जिन्के नाँव छ़ैल़्टे के जीवन की कताबी दे लिखें अंदे हले।