मत्ती 2:13 - Sirmouri

¹³ तिनू तारा-मंडल़ के खुजी लोग बिदा हंणों गाशी; प्रभू के ऐक दूत्त ऐ यूसुफ खे सुईंणें दे पर्गट हऐयों ऐजी अज्ञाँ दिती, “बींयूज, बालक, अरह् ऐस्की माँ, ऐथै शी आगू नीऊँ, अरह् मिस्र देश खे भागी लाग, अरह् तेसी बख्तो तोड़ी तेथी रूऐ, जाँव तोड़ी हाँव ताँवखें अज्ञाँ ने देऊँ, किन्देंखे के राजा हेरोदेस ऐसी बालक की हंत्त्या कर्णों की ताक दा असो।”

सिरमौरी नौवाँ नियम

¹³ तिनकै जाणौ कै बाद, स्‍वर्गदूतै सुईणै दौ आयौ यूसुफ कै बौल़ौ, “ऊबा बिज़! तैसी भैईया औरौ तैसकी माँ खै नियौ मिस्र देशो कै दौड़ै जा; औरौ जांव तौड़ी मोऐं ताखै नै बुली, तांव तौड़ी तिथी रौया, जिथुखै हेरोदेस राजा ऐसी भैईया खै जोंदा लागै रौआ, कै तैसीखै मरवाऐ दैंव।”

मत्ती 2:13 ပူးပေါင်းရင်းမြစ်များ

मत्ती 1:20

जबे से ईनू बातो की सोंच दा ही थिया, तबे प्रभू का दूत्त तेस्के सुईंणें दे:खिया, अरह् तेने बुलो, “हे, यूसुफ! दाऊद की अलाद, तू आप्णी मंगेतर मरियम आप्णें कागी आँण्णों शा डरे ने, किन्देखे के जुण्जों तियाँरे गर्ब दो असो, से पबित्र-आत्त्मा की शक्त्ति शो असो।

मत्ती 10:23

जबे से तुँओं ऐकी नंगर दे सताले तअ ओकी नंगर खे भागी ज़ाऐ। हाँव तुँओं खे खास बात बुलू, के जबे तुँऐं इस्राएल के बादे नंगर दे रिटी-फिरी ज़ाले, ताँव-तोड़ी आदमी का बैटा भे आऐ ज़ाला।”

मत्ती 2:12

तबे तिनू तारा-मंडल़ के खुजी लोगो के सुईंणों लागो; के पंणमिश्वर कैई शी ऐजी चिताँव्णी भेटी, के राजा हेरोदेस कैई पाछू फीरियों ने ज़ाऐ, तबे से कोसी ओकी बाटो बाटी पाछू आप्णें देश खे हुटे।

मत्ती 2:14

तबे से रात्ती ही बीऊँजियों, तेसी बालक अरह् तेस्की माँ लऐयों मिस्र देश खे चाल पड़ा,

मत्ती 2:16

राजा हेरोदेस ऐ जेई ऐजो जाँणीं पाव के तिनू तारा-मंडल़ के खुजी लोगे ऐं मुँह ठगी पाया, तअ से बेजाऐ घीपा; अरह् तेने घीपियों तिनू तारा-मंडल़ के खुजी लोगो के बुल्णों के मुँताबिक बैतलहम गाँव, अरह् तिन्दें शे उडे-पुडे के गाँव ईलाके के दू:साल के अरह् तिन्दें शे कंम ऊमरी के नहाँन्ड़िया मार्णो की अज्ञाँ दिती।

मत्ती 2:22

परह् ऐजो शुणियों के अरखिलाउस आप्णें पिता राजा हेरोदेस की जागे दा यहूदिया का राजा बंणा; अरह्, डर के मारे से तेथै ने हुटी, अरह् तबे तेसी सुईंणें पंणमिश्वर कैई शी ऐजी चिताँव्णी भेंटी के गलील प्रदेश दा ज़ा,

प्रेरितो कै काम 10:22

तिन्ऐं ऐजा जबाब दिता, “सुबेदार कुरनेलियुस जुण्जा धर्मी, अरह् प्रभू! का भगत्त, अरह् पंण्मिश्वर का डर-भय माँनणों वाल़ा असो; अरह् तेस्का बादे यहूदी लोग, भे आदर-ईज्जत्त करह्, अरह् तेस्खे ऐक पबित्र स्वर्गदूत्त ऐं अज्ञाँ देऐ थंऐ; के से तुओं आप्णें कागी बंईदो, अरह् से तुओं कैई शे बचन की खुषख्बरी शुँणों।”

प्रेरितो कै काम 10:7

अरह् जबे सेजा स्वर्गदूत्त, तेथै शा आगू हुटा, तअ तबे तेने कुरनेलियुस ऐ आप्णे दो दास जुण्जे तेस कैई हाजिर रंह् थिऐ, तिन मुझ्छ़ा ऐक भगत्त सपाँऐ बईदा।

प्रेरितो कै काम 12:11

तबे संत्त-पतरस शुह्झ़ी-होष दा आऐ, तबे तिन्ऐ आपू ही आरी बुलो; “ऐबे मुँऐ जाँणी पाव, के प्रभू ऐ आप्णा दूत्त डेयाल़ियों मुँह राजा हेरोदेस के हाथ शा छुड़ाऐया, अरह् यहूदियों के बादे भोर्षे गाशी पाणीं फेरियों तिनका बादा पलाँन खत्त्म करियों मुँह बंचाऐ दिता।”

प्रेरितो कै काम 12:7

तबे: ऐक-दम प्रभू का ऐक दूत्त आऐयों तेथै कय्दखाँने दा खह्ड़ा हुवा, तबे सेजी कय्द खाँने की कुठड़ी प्रकाष-रोष्णी लई चंमम्की गऐ; अरह् तेने स्वर्गदूत्ते संत्त-पतरस की कुँछ़ थंप-थपाऐयों तिनू ऊँबे बीऊजाल़े, अरह् बुलो, “शीघा-ऊबा बीऊँज!” अरह् तबे संत्त-पतरस की शाँगल़ी-हथक्ड़ी खुलियों ऊदी धनियों पुडी पड़ी।

प्रेरितो कै काम 16:36

तबे तेने ठाँणेंदारे ऐ सेजी बातो संत्त-पौलुस कैई बुली, के “हाकम ऐ तुँओं छुड़ी देणों की अज्ञाँ देऐ थऐ, ईन्देंखे ऐबे सोंऐं करियों ज़ाओ।”

प्रेरितो कै काम 5:19

परह् प्रभू के दूत्त ऐं रात्ती के बख्त्ते तेसी कय्दखाने के कुवाड़ खुली दित्ते; अरह् तिनू तेथै शे बाँईडे गाड़े, अरह् तिनखे बुलो;

प्रेरितो कै काम 7:19

तेने अमाँरी जात्ती आरी चलाकी करियों अमाँरे नाना-बाबा आरी ऐतै ज़ूगा बुरा बर्ताव करा, के तिनू आप्णें हंन्देणूँ के नहाँन्ड़िया भे फैरकाऐ देंणें पड़े; जू से जीऊँदें ने रंह्।

प्रकाशितवाक्य 12:14

परह् तियों तिरंई खे ऐक बैजाऐ बड़े बाज की जेई दो पाखो देई गई, के से ऊड़ाऐयों तेसी बड़े अजंगर शी दुर्की भागी लागो; जागल़ो दे, के कैथी शुँन-शाँन जागा दे, तेथै सेजा बड़ा अजंगर ने पंह्ऊँची पाँव; अरह् तेथै तियाँरी साड़े च़ींन सालह् तोड़ी देख्ह-भाल़ अरह् पाल़्ण-पोष्ण हंदा रंह्।

प्रकाशितवाक्य 12:4

तेने बड़े अजंगर ऐ अस्माँनों शे ऐक च़ीज़ा हिस्सा तारे आप्णी लेंघह् लई, मेंठियों धर्ती गाशी फेरकाऐ दिते, अरह् तबे सेजा पाखों वाल़ा अजंगर तियों तिरंई के सहाँम्णें, जियाँरें नहाँन्ड़िया हंणों वाल़ो थियों, खड़ा हुवा, के जेई ईयों तिरंई के नहाँन्ड़िया पय्दा हंलो, तेई हाँव ईयाँरों सेजो नहाँन्ड़िया साबुत ऊँदो घुटी पाँऊबा।

प्रकाशितवाक्य 12:6

अरह् सेजी तिरंऐंं तेसी जाँगल़ों दे भागी गऐ जेथै पंण्मिश्वर की ढबे शी तियों खे ऐक जागा तैयार करी गऐ थी, के तेथै से ऐक हजार दो षौ षाठ देसो तोड़ी पाल़ी जाँव।