मत्ती 18:9 - Sirmouri

⁹ जे तेरी आँ:ख ताँव्खे पाप कराँणों का कारण बंणों; तअ तियों ऊडी गाड़ियों, फेरकाऐ दे; काँणा बणियों, अमर-जीवन दो दाखिल हंणों ताँव्खे भलो असो, किन्देखे के कद्दी ऐशो ने हईयों के ताँव दुई, आ:खिऐं भे नंरक की प्रचंन्ड आगी, दा ने पाऐ देंई।”

सिरमौरी नौवाँ नियम

⁹ जै तैरी आख तांव लैई पाप कौरांव तौ तियौं निकाल़ै दै। काणा हौयौ सौदा कै जिन्दगी दो जाणौ ताखै ठीक औसौ कै ताखै दौ आखी हौन्दै बैई बै नरको कै आगै दा फेराकाए जांव।

मत्ती 18:9 ပူးပေါင်းရင်းမြစ်များ

मत्ती 16:26

जे आदमी खे बादी संईसारी भेंटी ज़ाँव, अरह् आप्णा अमर-जीवन गुवाँऐंयों आप्णा नुकसाँन करह्, तअ तेस्का का फाऐंदा हंदा? के आदमी अमर-जीवन के बद्ल़े का देऐ सको; से किऐं भे ने देऐ सक्दा?

मत्ती 18:8

“जे तेरा हाथ के तेरा लात्त ताँव्खे पाप ठोंकर-ठैस लागणों का कारण बंणों, तअ तेसी काटियों फेरकाऐ दे, तुओं खे भलो ऐजो ही असो, के तुँऐं ऐक अपंग लगड़े डूडै के रूप दे अमर-जीवन दे दाखिल हों, बजाऐ ईन्दें के दुईं हाथे, के दुईं लात्ते तुँओं हमेशा की आगी नंरक दे पाऐ देंई।

मत्ती 19:17

प्रभू यीशू ऐं तेस्खे बुलो, “तू मुँह भलाई के बारे दा कैई पूह्छे? भला तअ ऐक ही असो; परह् जे तू अमर-जीवन पाँणा चाँऐं, पंणमिश्वर की अज्ञाँ माँनिया करह्।”

मत्ती 5:22

परह् हाँव तुँओं खे ऐजो बुलू, के जू कुँऐं आप्णें भाई गाशी कुरूध करला, से दाल्ती दा सजा ज़ुगा हला। अरह् जुण्जा कुँऐ आप्णें भाई खे निकारा बुल्ला, से बड़ी खुम्ल़ी दा सजा ज़ुगा हला, अरह् जुण्जा कुँऐं बुलो, के ‘ओ मुरूख’, से नंगरक की आगी की सजा ज़ुगा हला।

मत्ती 5:29

जे तेरी सुँई आँ:ख ताँव पाप कर्णो खे मंज्जबूर करो, तअ तियों ऊँडी गाड़ियों फ़ेरकाऐं दे; किन्देखे के ताँव्खे ऐजो भलो होंदो, के तेरे अंग मुँझ्शा ऐक अंग नाँष हंऐ ज़ाँव, अरह् तेरा ओका बादा देह्-शरीर नंरक दा पाँणों शा बचीं ज़ाँव।

मरकुस 9:47

जे तेरी आँख ताँव कैई शो पाप कराँव तअ तियों ऊँडी गाड़, किन्देंखे के काँणा हऐयों पंणमिश्वर के राज्य दो ज़ाँणों ताँव्खे भलो असो, जू कद्दी ऐशो ने हईयों के ताँव दूई आ:खिऐं नंर्को दा ने पाऐ देंई।

प्रेरितो कै काम 14:22

खास-चैले ओकी चैले के मंन पाक्कै कर्दें रंह् थिऐ, अरह् तिनखे से बिश्वाष दे बड़्णों खे हिमम्त्त दियों थिऐ; अरह् से बुलो थिऐ, के आँमों भाँव बैजाऐ दुंख्ह-कल़ेष संह्ऐन कर्णें पड़ले; तबे भे आँमें पंण्मिश्वर के राज्य दे जरूर ज़ाँदे।

इब्रानियों 4:11

ईन्देंखे आँमें तेसी बिषाँव के देसो दे हाजीर हंणों के पुरी हिमम्त्त आरी कोशिष करह्; के कोसी भी अज्ञाँ ना माँन्णों के कारण किऐ भे सजा ने पाँणीं पड़ो।

प्रकाशितवाक्य 21:27

किऐ भे अ-शुद्ध-गाँन्दी चींज, ऐसी नंगर दी ना तअ दाखिल हऐ सक्दी; अरह् ना सेजे लोग जिनका सभाव बिचका, अरह् शंगाँव्णा हों, अरह् जिनकी बातो झूठों लई भरी अंदी हों; ईन्दें सिर्फ सेजे ही लोग हाजीर हऐ सको, जिन्के नाँव छ़ैल़्टे के जीवन की कताबी दे लिखें अंदे हले।