मत्ती 18:10 - Sirmouri

¹⁰ “ख्याल थुऐ, के तुँऐं ईनू छुटे मुँझ्षा कोसी भे छुटा छ़ूत्त जाँणियों ने दे:खो; हाव तुँओं खे बुल्णों चहाँऊ, के स्वर्गो दे ईनके स्वर्गदूत्त मेरे स्वर्गो के पिता को मुँह हमेशा दे:खो।”

सिरमौरी नौवाँ नियम

¹⁰ दैखौ, तुऐं इनु नानड़ै मुंजीदै कोसी खै बैकार नै जाणैया, जिथुखै हांव तुऔं खै बुलू, की स्वर्ग दै तिनुखै रोखवाल़ै स्‍वर्गदूत मैरै पिता कै सामणै हाजिर रौंव।

मत्ती 18:10 ပူးပေါင်းရင်းမြစ်များ

मत्ती 1:20

जबे से ईनू बातो की सोंच दा ही थिया, तबे प्रभू का दूत्त तेस्के सुईंणें दे:खिया, अरह् तेने बुलो, “हे, यूसुफ! दाऊद की अलाद, तू आप्णी मंगेतर मरियम आप्णें कागी आँण्णों शा डरे ने, किन्देखे के जुण्जों तियाँरे गर्ब दो असो, से पबित्र-आत्त्मा की शक्त्ति शो असो।

मत्ती 12:20

से कंमजोर सुरवाँठों ने च़ूड़दा, अरह् ना धुंवाँ छुड़णों वाल़ी बाटी हिशाल़्दा, जाँव तोड़ी नियाँव भारी ने बंणाऐं दियों।

मत्ती 18:14

तेष्णा ही तुवाँरा स्वर्गो का पिता भे चहाँदा ने, के ईनू छ़ोटे मुँझ्शा ऐक भे कुँऐं छ़ुटा नाँष हों।

मत्ती 18:6

“जुण्जा कुँऐं ईनू बालक खे जुण्जे मुँदा बिश्वाष करह्, ढोकर-ढैस का कारण बंणों, तेस्खे ठीक आछ़ो ऐजो हंदों, के तेस्की टाटी-गल़े दा ऐक चाक्की का पाट लटकाऐयों तेसी संमुन्द्रों की गईराई दा डुबाँऐ देईदा।

मत्ती 2:13

तिनू तारा-मंडल़ के खुजी लोग बिदा हंणों गाशी; प्रभू के ऐक दूत्त ऐ यूसुफ खे सुईंणें दे पर्गट हऐयों ऐजी अज्ञाँ दिती, “बींयूज, बालक, अरह् ऐस्की माँ, ऐथै शी आगू नीऊँ, अरह् मिस्र देश खे भागी लाग, अरह् तेसी बख्तो तोड़ी तेथी रूऐ, जाँव तोड़ी हाँव ताँवखें अज्ञाँ ने देऊँ, किन्देंखे के राजा हेरोदेस ऐसी बालक की हंत्त्या कर्णों की ताक दा असो।”

मत्ती 2:19

जबे राजा हेरोदेस मरी गुआ, तअ तबे प्रभू का दूत्त मिस्र देश दे यूसुफ कैई सुईंणें दे:खाई पड़े, अरह् तेस्खे ऐजी अज्ञाँ दिती,

मत्ती 24:31

आदमी का बैटा आप्णें स्वर्गदूत्त कनाँल़ी की बड़ी गूँह्ज आरी डियाल़्ला, जुण्जे चोऊँ धुंरीं शे अस्माँनों के ऐकी कुँणें शे ओकी कुँणें दे ज़ाऐयों प्रभू के चूणें-छ़ाँटे अंदे लोग कठे कर्ले।

लूका 1:19

स्वर्गदूत्त ऐ तेस्खे जबाब दिता, “हाँव जिब्राईल असो, हाँव हमेशा पंणमिश्वर के साम्णें खड़ा रंऊँ”, अरह् मुँह पंणमिश्वर ऐ ताँव कैई ऐजी खुषख्बरी का प्रचार शुणाँणों खे डियाल़ी थुवा।

लूका 10:16

“जुण्जा तुवाँरी शुणों, से मेरी भे शुण्दा ऐ; अरह् जुण्जा तुँओं छ़ोट्टे जाँणों, से मुँह भे छ़ुट्टा जाँणों; अरह् जुण्जा मुँह छुट्टा जाँणों; सैजा तैसी भे छुट्टा जाँणों जेने मुँह डियाल़ी थुवा।”

लूका 16:22

सैजा लाजर ऐक देस मंरी गुवा; अरह् स्वर्गदूत्तें तैसी नींहयों बाबा अब्राहम की हंगाल़ी दा थंऐ दिता; अरह् सेजा सैठ आदमी भे मंरी गुवा, अरह् तैसी दाब्बी दिता।

प्रेरितो कै काम 10:3

तेने ऐक देस के च़ैलवारंह् आरी साक्क्षात् दर्शण दो सुओं करियों साफ-साफ देखो, के पंण्मिश्वर का ऐक दूत्त तेस कैई आऐयों बुल्दा लागा; “ओ, कुरनेलियुस!”

प्रेरितो कै काम 12:15

तिनू लोगे ऐं तियों खे बुलो, “तेरी तअ बुद्धी खराब असो।” परह् तिऐं हजो भे हुम्कियों बुलो, के ऐजी साच्ची बात असो; तबे तिन्ऐ बुलो, के से तिनका “स्वर्गदूत्त हऐ सको।”

प्रेरितो कै काम 12:23

तेसी ही बख्त्ते तेख्णीं प्रभू के ऐक दूत्त ऐं तेसी राजा हेरोदेस दी किन्दी की ऐक-दंम शाह्ट लाऐ; किन्देंखे के तेने पंण्मिश्वर के बड़ियाऐ ने करी थी, अरह् तेख्णीं तेसी ही बख्त्ते राजा हेरोदेस दे कीड़ै पड़े, अरह् से तेख्णीं मँरी गुवा।

प्रेरितो कै काम 27:23

किन्देंखे के मेरे पंण्मिश्वर ऐ अरह् जिन का हाँव सेवक असो, तिनके स्वर्गदूत्त ऐं ऐत्त्लो रात्ती मुँह कैई आऐयों मुँखे बुलो;

प्रेरितो कै काम 5:19

परह् प्रभू के दूत्त ऐं रात्ती के बख्त्ते तेसी कय्दखाने के कुवाड़ खुली दित्ते; अरह् तिनू तेथै शे बाँईडे गाड़े, अरह् तिनखे बुलो;

रोमियों 14:10

तू आप्णे भाऐ-बंईण कसूरबार कैई बाँणें? अरह् कैईं तू आप्णा भाऐ-बंईण छुटे जाँणें? आँमें बादे के बादे पंणमिश्वर के नियाँव के सिगास्णों के साम्णें खड़े हंदें।

रोमियों 14:21

भलो तअ ऐजो असो, के ना तू माँस खाँऐं अरह् ना अंगुरोह् का रंस पीऐ; अरह् तू ऐशो किऐं ने करे जिन्दें लई तेरे भाऐ-बंईण पाप दे पढ़ो।

रोमियों 15:1

तअ: आँमों पाके बिश्वाषी खे ऐशो चेंई, के जुण्जें बिश्वाष दे कंंमजोर असो, आँमें तिन्की कंमजूरी सह्ऐन करह्, ना के आपु-आप्खे खुशी करह्।

1 कुरिन्थियों 11:22

कियो खाँणो-पीणों खे तुवाँरे आप्णों घर आथी ने? ईन्देंखे तुँऐं पंणमिश्वर की कलीसिया तुछ़-छूटी जाँणों, अरह् जिन कैई खाँणा नें आथी; कियों तुऐं तिनकी बै-ईज्जती कर्दें ने? तअ कियो ईनू बातो दी हाँव तुँओं खे शबाशी देऊँ; ना, हाँव बिलकुल भे तुँओं खे शबाशी नें देंन्दी।

1 कुरिन्थियों 16:11

ईन्देंखे कुँऐं तेसी छूटा ने जाँणें, परह् तेसी सुवाँ करियों तेसी ढबे पहूचाल़ी दिऐ, के से मुँह कैई आऐ ज़ाँव; किन्देंखे के मुँऐ तेस्की बाट-बाट दे:खी लऐ, के से बिश्वाषी भाऐ आरी आँव।

1 कुरिन्थियों 9:22

कंमजूरो खे कंंमजोर बणा, जू हाँव तिनू कंंमजोर लोग भे खींचियों लियाँऊ। हाँव सोभी आदमी खे सब-कुछ बंणा के कैशे ही दाँई भे हाँव कोसी ऐक खे छ़ूट्कारा देयाऐ सकूँ।

2 कुरिन्थियों 10:1

हाँव, पौलुस खास करियों मसीया की नरमाँऐं अरह् सहय्नशिलता हाजिर जाँणियों तुवों खे ढाल-अरज करू, किन्देंखे के लोगों का ऐजा बुल्णाँ असो, के हाँव तुँओं मुँझी रंह्ऐयों दीन-नंम्बर असो, परह् जबे हाँव तुँओं मुझी ने हंदा तअ तुवों शा हाँव नीडर असो।

2 कुरिन्थियों 10:10

किन्देंखे के कुछ लोग बुलो, “के पौलुस की चीट्ठी-पत्री गहीरी अरह् असरदार असो; परह् जबे से साम्णें हों, तअ से देह्-शरीर शा कंंमजोर अरह् बात-चींत्त कर्दे हल़्का जाँणियों।”

गलातियौं 6:1

हे भाऐ बंईणों, जे कुँऐं आदमी कोसी जुलूमं कर्दें ऊडा थाँबड़ा जाँव, तअ तुँऐं जुण्जे आत्त्मिक असो, सेजे नंरमाँऐं आरी, तेष्णें लोग सम्झाव, अरह् आप्णा भे ख्याल थुऐ, के तुँऐं भे परख दे ने पड़ो। सम्भाल़ो, अरह् आप्णा भे ख्याल थुऐं, के तुँऐं भे परख दे ने पड़ो।

1 थिस्सलुनीकियों 4:8

ईन्देंखे जू कुँऐं ईयों शिक्क्षा निकारी जाँणों, से कोसी आदमी ने, परह् तेसी पंण्मिश्वर खे निकारा जाँणों जू आप्णी पबित्र-आत्त्मा तुँओं खे दियों।

1 तीमुथियुस 4:12

कुँऐ भे तेरी जुवाँनी छ़ुटी ने जाँणों, परह् बचन, अरह् चाल-चल्ण, अरह् प्यार, अरह् बिश्वाष, अरह् पबित्रत्ता, दा बादे बिश्वाषी भाई-बंईणों खे ऐक आच्छ़ा-नंमुँना बंणी ज़ाऐ।

इब्रानियों 1:14

कियों बादे स्वर्गदूत्त सेवा कर्णो खे च़ूणीं-छ़ाँटी अंदी आत्त्माँऐ आथी ने; के से तिनकी सेंवा करह् जिनखे छ़ुट्कारा भेंट्णों वाल़ा असो?

इब्रानियों 9:24

किन्देंखे के मसीया तियों आदमी के हाथो की बंणाऐ अंदी पबित्र जागा दे हाजीर ने हंई, जुण्जा सोत्तिखे पबित्र जागा ऊँनरा थिया, परह् मसीया यीशू सीद्धें स्वर्गो दे ही हाजीर हुऐ; जू अमाँरी ताँईऐं ऐबे पंण्मिश्वर के सहाँम्णें देखाई पड़ो।

प्रकाशितवाक्य 8:2

तबे मुँऐ तिनू सात्ते स्वर्गदूत्त देखे, जू पंण्मिश्वर के सहाँम्णें खह्ड़े रंह्, अरह् तिनखे सेजी सात्त रंणशिंगें-कनाँल़ी देई गई।