मत्ती 17:9 - Sirmouri

⁹ जबे से धारोंह् गेछ़ै ऊदे आऐं, तबे प्रभू यीशू ऐ तिनखे ऐजी अज्ञाँ दिती, “जबे तोड़ी आदमी का बैटा मरे अंदे मुँझ्शा ऊबा ने जींयों, ताँव-तोड़ी जुण्जो किऐ तुँऐं दे:खी थो, सेजो कोसी कैई ने बुले।”

सिरमौरी नौवाँ नियम

⁹ जोबै सै धारो पांदी दै उदे आन्दै लागै रौए थिए, तोबै यीशुए तिनुखै ऐजै आज्ञा दै, “जांव तौड़ी हांव आदमी का बैटा मौरेयौंदे पौरैशा हौजौ जियुंदी ना हौए जोऊं, तांव तौड़ी कोसी कैंई ऐजौ नी बौताया कै तुऐं का दैखौ।”

मत्ती 17:9 ပူးပေါင်းရင်းမြစ်များ

मत्ती 12:16

अरह् तिनू खे सकंनें करियों ऐजी अज्ञाँ दिती, के ईन्दें के बारे दा पता ने लागा चेंई के हाँव कुँण असो।

मत्ती 17:12

सचाऐं तअ ऐजी असो, के ऋषी-एलिय्याह तअ आगे ही आऐ रूवा, परह् लोगे तेसी पछ़्याँणीं ने; तिनिऐं ऋषी-एलिय्याह आरी, आप्णी मंन-मानी करी, ठीक तेष्णा ही जेष्णा से आदमी के बैटे खे दु:ख, अरह् कष्ट देंदे।”

मत्ती 17:20

तबे प्रभू यीशू ऐ तिनखे बुलो, “आप्णे बिश्वाष की कमी के कारण, किन्देखे के हाँव तुँओं कैई ऐक खास बात बुलू: के जे तुओं दा राई के दाँणें जे-तोड़ा भे बिश्वाष हंदा; अरह् तुँऐं ईयों धारोंह् खे अज्ञाँ देंदे, के ईथे शो ऊखड़ियों ज़ा! तअ ऐजी धारह् ईथे शी हटीं ज़ाँदी; अरह् किऐ भे बात तुओं खे कठीण ने आथी।

मत्ती 17:22

जबे से गलील ईलाके दे थिऐ, तअ प्रभू यीशू ऐ तिनखे बुलो, “आदमी का बैटा आदमी के हाथे दा थंम्बड़ाया ज़ाला;

मत्ती 17:23

से तेसी मारी देले, अरह् से च़ीज़े का ऊबा जीऊँदा।” ईन्दें गाशी से बैजाऐ ऊदास गुँम-सुंम गुऐ।

मत्ती 17:8

तबे तिन्ऐ आप्णी आँ:खी ऊबी खुली, अरह् तिनके प्रभू यीशू के सुवाऐं ओका कोसी ने दे:खाई पड़ी।

मत्ती 8:20

प्रभू यीशू ऐ तेस्खे बुलो, “सीयाल़ी के भे ढूऐं, अरह् अस्माँनों के चोचेटू-चड़कुले के भे कोलों हों; परह् आदमी के बैटे के मुँढो घुसर्णों खे भे जागा ने आथी।”

मत्ती 8:4

प्रभू यीशू ऐ तेस्खे बुलो, “दे:ख, कोसी कैई ने बुले, परह् ज़ाऐयों, आपु-आप्खे याजक कैई शा दे:खाईऊँ, अरह् जुण्जा किऐ चड़ावा ऋषी-मूसा खे भेटे गुऐं अज्ञाँ-निय्म दा असो, जेसा तेसके हिसाब शा चढ़ाव, जू लोगो खे सेजी ऐक गुवाऐ-शाज़्त हों।”

मरकुस 8:30

तबे प्रभू यीशू मसीया ऐ तिनखे अज्ञाँ दिती, के मेरी बारे दो कोसी कैई ने बुले।

लूका 8:56

तियों धियाँण्टी के माँ-बाबा के तुर्बाणच़ूटे, परह् प्रभू यीशू ऐ तिन खे ऐजी अज्ञाँ दिती के ईयों घट्णाँ के चर्चा कोसी कैई ने करे।

लूका 9:36

तियों धाव पड़णों पाछ़ी तिन के प्रभू यीशू ऐक्ले ही दे:खिऐ, अरह् सेजे चैले चुप्पी रूऐ; अरह् जुण्जो किऐ तिन्ऐं दे:खो, तिन्दें के बारे दो तिन के तिनू देसे किऐ ने बुलियों थियों।