मत्ती 15:1 - Sirmouri

¹ तबे यरूशलेम शे किऐ यहूदी भाट-बाँम्ण अरह् यहूदी-निय्म के शिखाँणों वाल़े प्रभू यीशू कैई आऐयों बुल्दे लागे,

सिरमौरी नौवाँ नियम

¹ तोबै यरूशलेम शहर दै किछै फरीसी लोग औरौ यहूदी शास्त्री यीशु कै धोरे आयौ बौलदै लागै,

मत्ती 15:1 ပူးပေါင်းရင်းမြစ်များ

मत्ती 23:2

“यहूदी-निय्म के शिखाणों वाल़े अरह् यहूदी भाट-बाँम्णें आपु-आप्खे ऋषी-मूसा की गाद्दी सिंगास्हणों गाशी बऐठी अंदे जाँणों;

मत्ती 5:20

किन्देखे के हाँव तुँओं खे बुलू, के जे तुँवारी धार्मिक्त्ता ऋषी-मूसा खे भेटे गुऐ, अज्ञाँ-निय्म के शिखाँणों वाल़े अरह् यहूदी भाट-बाँम्णों के धार्मिक्त्ता शी बड़ियों ने हों, तअ तुँऐं स्वर्गो के राज्य दे कंद्दी भे दाखिल ने हऐ सक्दे।

मरकुस 3:22

यरूशलेम नंगर शे तेथै आऐं, यहूदी-निय्म के शिखाणों वाल़े, का ऐजा मंत्त थिया, के यीशू मसीया दा शैतान असो, अरह् ऐ दुष्ट-आत्त्मा के राजा शैतान की सहाँऐता-मद्दत्त शी दुष्ट-आत्त्मा नीकाल़ो।

लूका 5:17

ऐक देस ऐशो हईयों, के प्रभू यीशू ऐ शिक्क्षा देऐ लंऐ थी। अरह् यहूदी भाट-बाँम्ण, अरह् यहूदी-निय्म ले शिखाँणों वाल़े, तिनके ही नंजीक बऐठी रूऐ थिऐ; से गलील अरह् यहूदिया के बादे गाँव शे, अरह् यरूशलेम शे आऐ रूऐ थिऐ; अरह् चंग्गाई कर्णो खे प्रभू-पंण्मिश्वर के शक्त्ति तिन की गईलो थी।

लूका 5:21

तबे यहूदी-निय्म शिखाँणों वाल़े, अरह् यहूदी भाट-बाँम्ण आपु मुँझी ऐजा बाद-बिबाद कर्दे लागे, के “ऐजा कुँण असो? जू आपु-आप्खे पंण्मिश्वर आरी सनाँईयों? किन्देंखे के पंण्मिश्वर के सुवाँऐं ओका कुँण असो? जू कोसी ओकी के पाप माफ करी सको।”

लूका 5:30

ईन्दें गाशी यहूदी भाट-बाँम्ण अरह् यहूदी-निय्म के शिखाँणों वाल़े लोग, प्रभू यीशू के चैले कैई तुड़-खुड़ाँदे लागे, के “तुँऐं लोग चूंगी लअणों वाल़े; अरह् पापियों की गईलो खाँदे-पींदे कैई धूईयों?”

यूहन्ना 1:19

जबे यहूदी अगवाल़ ऐं यरूशलेम शे याजकों अरह् लेवी लोग संत्त-यूहन्ना नहाँण-कराँणों वाल़े कैई ऐजो पुछ़्दे डेयाल़े, के “तू कुँण असो?” तेने बुलो;

प्रेरितो कै काम 23:9

तबे तअ तेथै हारकुँजी हऐ, अरह् यहूदी द्ल़ के किऐ भाट-बाँम्ण ऊँबे बीऊँजियों झ़ह्गड़िन्दें लागे, अरह् ऐजो बुल्दे लागे; “आँमें ऐसी आदमी का किऐ दोष-कसूर ने जाँण्दें। अरह् ऐजो हंऐ सको, के आत्त्मा ऐ, के कोसी स्वर्गदूत्त ऐ ऐस्खे किऐ बुली थो, तअ तबे का असो?”

प्रेरितो कै काम 25:7

जबे संत्त-पौलुस आया, तअ यरूशलेम शे आऐ अंदे, यहूदी लोगे ऐं तेसी घेरी पाया; अरह् तिनू गाशी बैजाऐ बड़े गंऐरे दोष-ईल़्जाँम लाँदें लागे, जिनू से साबित्त ने करी सकी।