मत्ती 14:2 - Sirmouri

² अरह् तेने आप्णें दासों खे बुलो, “ऐजा संत्त-यूहन्ना नहाँण-नहाँणों वाल़ा असो! से मरे अंदे मुझ्षा ऊबा जीऊँदा हऐ रूवा, ईन्देखे तेसके जाँणे ऐजे चींन-चंम्त्तकार हंदे लागे।”

सिरमौरी नौवाँ नियम

² औरौ आपणै नोकर खै बौल़ौ, “ऐजा यूहन्ना बपतिस्मा दाता मौरेयौंदे मुंजीदा जियुंदी हौए गौआ, इथकारिए तैणै चौमत्कार कै काम प्रगट कौरे लौवै।”

मत्ती 14:2 ပူးပေါင်းရင်းမြစ်များ

मत्ती 11:11

हाँव तुओं खे खास बात बुलू, के ऐतलो तोड़ी, जै-तोड़े तिरंई शे पय्दा हऐ रूऐ, तिनू मुँझ्शा ऐक भे संत्त-यूहन्ना नहाँण-नहाँणों वाल़े शा बड़ा ने आथी; परह् जुण्जे स्वर्गो के राज्य दे छुटे शे छुटे असो, से तिन शा बड़ा असो।

मत्ती 16:14

चैले ऐ बुलो, “कुँऐं तअ संत्त-यूहन्ना नहाँण-नहाँणों वाल़ा बुलो, अरह् कऐयों ऋषी एलिय्याह, अरह् कुँऐं ऋषी-यिर्मयाह, अरह् कुँऐ पंणमिश्वर की बरंम्बाणीं कर्णो वाल़े मुँझ्शा ऐक ऋषी बुलो।”

मत्ती 3:1

तेसी बख्त्ते संत्त-यूहन्ना नहाँण-नहाँणों वाल़ा आऐयों यहूदिया के जाँगल़ों दा ऐजा प्रचार करदा लागा:

मरकुस 6:14

राजा हेरोदेस तोड़ी ईन्दें की चर्चा पंऐची गऐ, किन्देंखे के प्रभू को नाँव दूर-दूर तोड़ी फऐली रोंह् थियों, कुँऐ तअ ऐथै तोड़ी बुलो थिऐ, के “नहाँण-नहाँणों वाल़ा संत्त-यूहन्ना मरे अंदे मुँझ शे ऊबे जीऊँदे हऐ रूऐ, अरह् तिनके ही नाँव शे प्रभू यीशू मसीया ऐजे चींन-चंम्त्तकार की शक्त्ति पर्गट करो।”

मरकुस 8:28

चैले ऐ जबाब दिता, “संत्त-यूहन्ना नहाँण-नहाँणों वाल़ा, परह् कुँऐ-कुँऐं बुलो, ऋषी-एलिय्याह, अरह् कुँऐ-कुँऐ बरंम्बाणीं कर्णो वाल़ा कुँऐं ऐक ऋषी जेष्णाँ ऋषी बुलो।”

लूका 9:7

च़ौथे हिस्सै का हिस्सेदार राजा हेरोदेस ऐजो बादो शुणियों डरी गुवा, किन्देंखे के कंऐ लोग बुलो थिऐ, के सेजा संत्त-यूहन्ना नहाँण-कराँणों वाल़ा मंरे अंदे मुँझ्षा जीऊँदा हऐ रूवा।

यूहन्ना 10:41

अरह् तेथै तिन कैई बैजाऐ लोग आँदें लागे, अरह् से ऐजो बुल्दे लागे, के “संत्त-यूहन्ना नहाँण-कराणों वाल़े ऐं, तअ किऐ भे च़ींह्न-चंम्त्तकार ने देखाई; तबे भे जुण्जो किऐ तिन्ऐ ईनके बारे दो बुलो, सेजो सब-कुँछ साच्चो असो।”