मत्ती 13:54 - Sirmouri

⁵⁴ तबे प्रभू यीशू आप्णे नंगर दे आऐ, अरह् तेथै से यहूदी-चौत्रें दे लोगों खे शिक्क्षा देंदे लागे, ईन्देंखे यहूदी लोगों के तूरंबाणच़ूंटे, अरह् से आपु मुँझी बुल्दे लागे, “ऐसी आदमी कैई ऐजा ज्ञाँन अरह् चींच-चंम्त्तकार कर्णो के शक्त्ति केथै शी भेटी?

सिरमौरी नौवाँ नियम

⁵⁴ औरौ आपणै नासरत गांव दा आयौ तिनकै यहूदी सभा-घोरो दा तिनुखै ऐशणा उपदैश दैंदा लागै गौआ; कै सै हैरान हौयौ बौलदै लागै; की “ऐसीखै ऐजा ज्ञान औरौ चौमत्कार कै काम कुकै दै भैटी?

मत्ती 13:54 ပူးပေါင်းရင်းမြစ်များ

मत्ती 2:23

तबे नासरत नाँव के नंगर दा ज़ाऐयों रंह्दा बस्दा लागा, जू सेजा बचन पुरा हों: जुण्जा पंणमिश्वर के बरंम्बाणीं कर्णो वाल़े के जाँणें बुला गुआ थिया: के “तेस्खे नासरी बुला ज़ाँदा।”

मत्ती 4:23

प्रभू यीशू बादे गलील दे, रिट्दे-फीर्दें, अरह् यहूदियों के चौत्रें दे शिक्क्षा देंदे रूऐ, स्वर्ग राज्य के पंणमिश्वर की खुषख्बरी का प्रचार कर्दे लागे; अरह् प्रभू लोगो की साँत्त-भाँत्ती बीमारी अरह् रोग, अरह् बादी कंमजूरी दूर कर्दे रूऐ।

मत्ती 7:28

जबे प्रभू यीशू ऐ, ऐजी बातो बुली पाई, तअ ऐशो हईयों के तिनकी शिक्षा शुणियों लोगो की तियों बेशुमाँर भीड़ो के तूरंबाँणच़ूटे,

लूका 2:47

अरह् जै-तोड़े लोगे तिन की शुणी लई थी, तिनू बादे लोगो के तेस्की सम्झ अरह् तेस्के जबाब शुणियों तूर्बांणच़ूटे।

यूहन्ना 1:11

से आप्णें लोगों कैई आया, परह् आप्णें ही लोगे ऐ तिनू धारण ने करी।

प्रेरितो कै काम 13:46

संत्त-पौलुस अरह् बरनबास ऐ नींडर हऐयों बुलो, “ऐजो जरूरी थियों, के आगे तुओं लोगो खे पंण्मिश्वर का बचन शुँणाँया ज़ाँदा, परह् जबे तुँऐं सेजा बचन माँनी ने, अरह् जबे तुऐ आपु खे अमर-जीवन पाँणों ज़ूगे ने जाँण्दे, तअ ऐबे आँमें गऐर-यहूदियों कैई ज़ाँदे लागे।

प्रेरितो कै काम 4:13

जबे तिन्ऐ संत्त-पतरस अरह् संत्त-यूहन्ना के दीड़-हिम्मत देखी, अरह् से ऐजो भे जाँणों थिऐ; के ऐ अणपड़ अरह् सिधे-साधे आदमी असो: तअ तिनके तूरंबाँणच़ूटे, तबे तिन्ऐ जाँणी पाव के ऐजे लोग भे तअ प्रभू यीशू की गईलो रंह् थिऐ।