मत्ती 13:44 - Sirmouri

⁴⁴ “स्वर्गो को राज्य खेच़ौ दो दाबे अंदें धंन के खजानें जेष्णों असो, जेथू कोसी आदमी भेंटो अरह् तेने तेथू खेच़ौ दो दाबी-चूरी दितो, अरह् आँनन्द-खुशी के मारे आप्णों सब-कुछ बिकी दितो सेजो खैच़ मोंले खर्दी पाव।”

सिरमौरी नौवाँ नियम

⁴⁴ “स्वर्ग का राज्य ऐक खजाने साए औसौ, जैसी ऐकी आदमीए ऐकी बागड़ी दो दाबी दियु, औरौ ओकी आदमीए तिथु आयौ दैखौ औरौ पाछु दाबी दियु, औरौ खुश हौयौ आगु हौटा औरौ आपणौ सौब ठुँ बैकेबा तियौं बागड़ी खै मोलै लोए।”

मत्ती 13:44 ပူးပေါင်းရင်းမြစ်များ

मत्ती 13:24

प्रभू यीशू ऐ तिनखे ऐक ऊको अनाँणों दितो: “स्वर्गो के राज्य के बरा-बरी तेसी जिंम्दार आदमी आरी करी ज़ाँव, जेने आप्णीं खेच़ौ दो आछो बींज़ गींऊँ बऐ दिते।

मत्ती 13:46

जबे तेसी ऐक अंनमोंल-किम्त्ती मोत्ती भेटा, तअ तेने ज़ाऐयों आप्णों सब-कुछ बिकी दितो, अरह् सेजे मोत्ती मोंले खर्दी पाऐ”

मत्ती 13:47

“तबे स्वर्गो को राज्य तेसी बड़े जाल़ जेष्णों असो, तेथू समुन्द्रों दो पाऐ दितो, जिन्दी बादी जात्ती-जात्ती की अरह् साँत्त-भाँत्ती माँछी कठी करी आँव।

मत्ती 19:21

प्रभू यीशू ऐ तेस्खे बुलो, “जे तू हर बातो दा साचा-पाका बंण्णों चहाँऐं, तअ ज़ा, आप्णों सब-कुछ बीकियों कंगाल-गरीबों खे दे, अरह् मुँह पाछी आ, तबे ताँव्खे स्वर्गो दो धंन भेट्लो।”

मत्ती 19:27

ईन्दें गाशी संत्त-पतरस ऐ प्रभू यीशू खे बुलो, “दे:खो, आँमें तअ सब-कुछ छुड़ियों तुँओं पाछी आऐ रूऐ: तअ आँमों का भेट्दों?”

मत्ती 19:29

ऐक नाँम जेने कुँणिऐं मेरी ताँईऐं जीवन दो किऐ छुड़ी थुओं, किऐ भे, घर, के भाऐ, बऐणीं, के माँ, बाबा, के नहाँन्ड़िया, के जीम्मी, जजाऐत छुड़ी थऐ, तेसी ईनू सोभी मुझी कंई गुणा, भेंट्दो; अरह् से अमर-जीन का बारिस हंदा।

मत्ती 6:21

किन्देखे के जेथै तेरा धंन असो, तेथै तेरा मंन लागा रंह्दा।

लूका 14:33

“ऐष्णों ही तुँओं मुँझ्शा जुण्जा आदमी आप्णों सब-कुछ़ ने छुड़ी दियों; तअ से मेरा चैला ने बंणी सक्दा।

यूहन्ना 6:35

प्रभू यीशू ऐ तिनखे जबाब दिता, “जीवन की रोटी हाँव असो! जुण्जा मुँह कैई आँव, तेसी कद्दी भे भूख ने लागदी; अरह् जुण्जा मुँह्दा बिश्वाष करह्, तेसी कद्दी भे च़ीष ने लागदी।

रोमियों 15:4

जेतोड़ी बातो आगे ही पबित्र-ग्रन्थों दी लिखी थई, से अमाँरी ही शिक्क्षा खे लिखी गई थी, के आँमें धीरज-सबेर अरह् पबित्र-ग्रन्थों की हिम्मत्त के जाँणें भूर्षा थों।

कुलुस्सियों 2:3

जिन्दे बुद्धी अरह् ज्ञाँन के भंडार छ़ुप्पै असो,

कुलुस्सियों 3:16

मसीया की शिक्क्षा ठीक-ढंग शा तुँओं दा बास करह्, तुँऐं बड़ी सम्झदारी शे ओका ओकी खे शिक्क्षा अरह् ज्ञाँन देईया करह्; अरह् आप्णें-आप्णें मंन दा कृपा आरी पंण्मिश्वर का धन्यबाद देंदे-देंदे, तिनके भजन; सतुति अरह् आत्त्मिक गीत गाया करह्;

इब्रानियों 10:34

किन्देंखे के तुँऐं कय्दी के दुःख्ह शे भे दुःख्हि हुवे, अरह् आप्णी घरोऊँची भे चुप्प-चाँण लुट्णों दिती, ऐजो जाँणियों के तुँओं कैई ऐक ओकी भे खास अरह् हंमेशा खे रंहणों वाल़ी घरोऊँचीं असो।

प्रकाशितवाक्य 3:18

ईन्देंखे हाँव ताँव्खे मंत्त-शीख देऊँ, के आगी दो भाड़ो अंदों सुन्नों मुँह कैई शो मोंले लो, के तू धनी-सैठ बंणी ज़ाऐ, अरह् चीट्टे खोट्णों करह् के बाँम्बियों ताँव आप्णें नाँगे-पंण की शर्मिंन्दगी ने हों, अरह् आप्णी आखी दा लाँणों वाल़ा शुरमा करह् के तेरे आगू देखिलो।