मत्ती 11:5 - Sirmouri

⁵ शैड़े के दे:खिदों लागो, लगड़े उडे-पुडे हाड्दे लागो, कोढ़ी शुद्ध करे ज़ाँव, जाएरें के शुणिंदो लागो, मुँड़्दे ऊबे जींयाँल़े ज़ाँव, अरह् कंगालो कैई शी खुषख्बरी शुणाँऐं ज़ाँव।

सिरमौरी नौवाँ नियम

⁵ की आन्धै दैखौए औरौ लोंगड़े हांडदै फिरदै लागै रौवै, औरौ कोढ़ी ठीक हौए गौवै, औरौ जायरै शुणदै लागै रौवै, औरौ मुर्दै जियुंदी हौए गौवै, औरौ गरीबो खै सुसमाचार शुणाए जांव।

मत्ती 11:5 ပူးပေါင်းရင်းမြစ်များ

मत्ती 10:8

“बीमार चाँगे करह्, अरह् मरे अंदे जीयाल़ों, कोढ़ी शुद्ध करह्, दुष्ट-आत्त्मा निकाल़ों। तुँओं ऐई मुँझी भेटी रूओं, अरह् ऐई मुँझी ही दियों।

मत्ती 11:4

प्रभू यीशू ऐ जवाब दिता, “जुण्जो किऐ तुँऐं शुणों, अरह् दे:खो, सेजो ज़ाऐयों, संत्त-यूहन्ना कैई आगू बुले,

मत्ती 12:13

तबे प्रभू यीशू ऐ तेसी आदमी खे बुलो, “आप्णा हाथ दे।” तेने आप्णा हाथ आगु करा, अरह् सेजा हाथ भे तेसी ओकी हाथो जेष्णाँ ही आछा हऐ गुवा।

मत्ती 21:14

तबे शैड़े अरह् लगड़े, देऊँठी दे प्रभू यीशू कैई आऐ, अरह् तिनिऐं तिनू चाँगे करे।

मत्ती 5:3

भागोईत असो! सेजे जू मंन के शरीफ़ असो, किन्देखे के स्वर्गो को राज्य तिनही को असो।

मत्ती 9:30

अरह् तिनकी आँ:खी खुली गई। प्रभू यीशू ऐ तिनखे शुझीआरियों बुलो, “सकने-च़ौक्क्ष रूऐ, कोसी कैई ईयों बातो का किऐ पता ने लागो”।

मरकुस 7:37

लोग बैजाऐ हेराँन हऐयों बुल्दे लागे, के “प्रभू यीशू ऐ जुण्जो किऐ करो, सेजो आछो करो; तिन्ऐ जाऐरें-हुक्ल़े खे शुंण्णों अरह् बुल्णों के शक्त्ति दिती।”

मरकुस 9:25

जबे प्रभू यीशू ऐ दे:खो, के लोगे बिच़ड़ियों भीड़ लाऐ लऐ, तअ तियों नींच दुष्ट-आत्त्मा ऐशी बुलियों झाड़ी, “ओ गूँगी अरह् जाईरीं दुष्ट-आत्त्मा, हाँव ताँव्खे अज्ञाँ देऊँ ऐस शी निक्ल़ी ज़ा, अरह् ऐस्दे हजो कद्दी ने आऐं।”

लूका 4:18

“प्रभू के आत्त्मा मुँह गाशी असो; इंन्देखे के गरीब कंगाल खे खुषख्बरी का बखाँण कर्णो के ताँईऐं प्रभू ऐ मुँह छाँटी थुवा; अरह् मुँह ईन्देंखे डियाल़ी थुवा, के कय्दी खे मुँक्त्ति, अरह् शैड़े खे नंजर देणों का बखाँण करू, अरह् दबाऐं अंदें छुड़ाऊँ।

यूहन्ना 10:25

प्रभू यीशू ऐ तिनखे जबाब दिता, “मुँऐं तअ तुँओं कैई बुली थो; परह् तुँऐं आपु ही बिश्वाष ने कर्दे! बादे काँम-काज़ जुण्जे हाँव आप्णें बाबा के नाँव शे करू; से ही मेरी गुवाऐ-शाज़्त्त दियों।

यूहन्ना 10:38

जे मुँऐ ऐजे काँम-काँज़ करी लुऐ, तअ तुऐ भाँव मुँह्दा बिश्वाष भी ने करह्; तबे भे ईनू भले काँम-काज़ दा तअ बिश्वाष करह्, जिन्दें लई तुँऐ ऐजो जाँणीं पाव, अरह् संहम्झी पाव; के बाबा मुँह्दा असो, अरह् हाँव बाबा दा असो।”

यूहन्ना 2:23

जबे प्रभू यीशू फ़सह के तैयारह् के बख्त्ते यरूशलेम दे थिऐ, तअ तिनके जाँणें बैजाऐ चींह्न-चंम्त्तकार देखाऐ ज़ाँव थिऐ, तबे तिनके नाँव गाशी बैजाऐ लोगें ऐ बिश्वाष करा।

यूहन्ना 3:2

से रात्ती के बख्ते प्रभू यीशू कैई आया, अरह् तेने बुलो, “हे रब्बी (हे गुरू जी!) आँमें जाँणों ऐ; के तुँऐं पंण्मिश्वर के बंणाँऐ अंदे गुरू असो! किन्देंखे के तुऐं जुण्जे भे चींह्न-चम्त्तकार देखाँव, तिनू कोऐं भे आदमी ताँव तोड़ी ने देखाऐ सक्दा; जाँव तोड़ी के पंण्मिश्वर तेस्की गंईलो ने हों।”

यूहन्ना 5:36

परह् मुँह कैई जुण्जी गुवाऐ-शाज़्त्त असो, सेजी गुवाऐ-शाज़्त्त संत्त-यूहन्ना की गुवाई-शाज़्त शी भे बड़ी असो: किन्देंखे के जुण्जे काँम-काज़ बाबा ऐं मुँह कैई पुरे कर्णों खे देऐ थुऐ थिऐ; सेजे ही काँम-काज़ मेरे बारे दी गुवाऐ-शाज़्त्त दियों, के मुँह बाबा ऐं डेयाल़ी थुवा।

यूहन्ना 9:7

तेस्खे बुलो, “ज़ाव, अरह् शीलोह के कुँण्ड दी आप्णी आखी धुऐ पा” (शीलोह का मंतल्व, “डेयाल़ा अंदा” असो)। तेने ज़ाऐयों आप्णी आखी धुई, अरह् देख्दे ही पाछू आया।

प्रेरितो कै काम 2:22

“हे इस्राएली भाऐ-बंईणों! मेरी ऐजी बातो सुई करियों शुँणों: तुऐं लोग आपु भे जाँणों ऐं; के पंण्मिश्वर ऐं नाँसरत गाँव के यीशू के जाँणें; तुँओं लोगों के बीच दे केत्रै शक्त्ति-शाली, अरह् हरानी कर्णों वाल़े च़ींह्न-चंम्त्तकार देखाऐ थुऐ थिऐ; ईन्दें लई ऐजो साबित्त हऐ ज़ाँव, के नाँसरत गाँव के सेजे यीशू पंण्मिश्वर के ढबे शे ही तुँओं लोगों कैई डेयाल़े थुऐ थिऐ।

याकूब 2:5

हे मेरे प्यारे भाऐ बंईणों शुणों। कियों पंणमिश्वरे ईयों संईसारी के गरीब कंगाल छाँटी ने थई, के बिश्वाष दे सैठ-सहऊँकार अरह् तेसी राज्य के हंक-अधिकारी बण्ल़े, जिन्देका बाय्दा पंणमिश्वर तिनू आरी करा जुण्जे लोग तेछ़ौ पियार करह्?