मत्ती 11:20 - Sirmouri

²⁰ तबे प्रभू यीशू तिनू नंगरो खे जिन्दे तिन्ऐं बैजाऐ बहिते शक्त्तिशाली काम करे थिऐ; तिनू नंगरो खे तिन्ऐं फिट्कारा दिता, किन्दें खे के तिन्ऐ आप्णा मंन ने बदल़ी थी।

सिरमौरी नौवाँ नियम

²⁰ तोबै सै तिनु नोगरो खै लोगौ खै ताड़दा लागा, जिनुमुंजी तैणै बैजाए चौमत्कार कै काम कौरे राए थिए, जिथुखै तिनुऐ आपणै पापौ खै ना छोड़े रैई थी।

मत्ती 11:20 ပူးပေါင်းရင်းမြစ်များ

मत्ती 12:41

नीनवें के लोग पंणमिश्वर के नियाँव के देसे ऐसी ज़ुगौ के लोगो की गईलो बींऊँजियों तेसी कसूरबार बाँण्दें, किन्देखे के तिन्ऐ ऋषी-योना का प्रचार शुणियों मंन बद्ल़ा, अरह् दे:खो, ईथै सेजा असो, जू ऋषी-योना शा भे बड़ा असो।

मरकुस 16:14

तबे प्रभू यीशू मसीया तिनू गियारंह् चैले कैई शे भे दे:खाई पड़े, जुण्जे तैख्णों खाँणा खाँदे बऐठी रूऐ थिऐ, अरह् तिन्ऐं चैले के बै-बिश्वाष अरह् मंन की कुठूरता हठाँवणें पंण की मुँरूख्ता अरह् कुठोर मंन के कारण सम्झाऐं किन्देंखे के जिन्ऐं प्रभू यीशू मसीया दे:खे भे थिऐ; तिनका भे तिन्ऐ बिश्वाष ने करी।

मरकुस 9:19

ऐजो शुणियों, प्रभू यीशू ऐ तिनखे जबाब देऐयों बुलो, “ओ बै-बिश्वाषी लोगो, हाँव कबे तोड़ी तुँवारी गईलो रंह्ऊँबा? अरह् कबे तोड़ी तुँवारी सऐन करूबा? ऐसी मुँह कैई आँणों।”

प्रेरितो कै काम 17:20

किन्देंखे के ऐजी बातो जुण्जी तू आँमों आरी करे, ऐजी बातों आँमों खे नोंखी असो; किन्देंके के ऐत्त्लो तोड़ी अमाँरे काँने ऐजी बातो कोद्दी ने शुँणीं थंई; आँमों ऐजों जाँण्णों चहाँव के ईन्दें का मंतल्व का असो?”

2 कुरिन्थियों 12:21

कद्दी ऐशो ने हऐयों, के जबे हाँव पाछ़ू तुओं कैई आँऊ; तअ मेरा पंण्मिश्वर मुँह हजो तुवाँरे सहाम्णें शर्मिन्दा करह्; अरह् मुँह बैजाऐ लोगो खे शोक मनाणाँ पड़ो; जिन्ऐं आगे पाप करा; अरह् आप्णीं गंन्दगी, चूरी-जारी, अरह् लुचपंण करियों आप्णा मंन बद्ल़ियों पसतावा ने करी।

याकूब 1:5

परह् जे तुँओं मुँझी कोसी दे ज्ञाँन-बुद्धी कि कमी-घटी असो, तअ से पंणमिश्वर कैई शी माँगों, से तेस्खे खुशी शी दया-रंय्म करियों दियों, अरह् से तेस्खे ही देऐ ज़ाली।

प्रकाशितवाक्य 16:11

बैद्णी-पीड़ो अरह् दोख्णें के कारण से स्वर्गो के पंण्मिश्वर खे श्राप देंदे लागे, से आप्णें कू-कर्णी शा पसतावा कर्दे भाजी गुवे।

प्रकाशितवाक्य 16:9

ईन्देंखे आदमी तियों बैजाऐ गर्मी शे ऊबल़ियों जल़ी गुऐ, अरह् से पंण्मिश्वर के नाँव शी तिनू बादी बिब्त्ती-ओब्ल़ी गाशी हंक-अधिकार असो, से श्राप देदें लागे, से पसतावा करियों पंण्मिश्वर की बड़ियाऐ कर्णो खे भाजी गुवे।

प्रकाशितवाक्य 2:21

मुँऐ तियों खे मंन बद्ल़्णों खे मुक्का दिता, परह् से आप्णे कू-कर्म बिचका-काँम शा मंन बद्ल़्णा ने चहाँव थी।