मत्ती 11:11 - Sirmouri

¹¹ हाँव तुओं खे खास बात बुलू, के ऐतलो तोड़ी, जै-तोड़े तिरंई शे पय्दा हऐ रूऐ, तिनू मुँझ्शा ऐक भे संत्त-यूहन्ना नहाँण-नहाँणों वाल़े शा बड़ा ने आथी; परह् जुण्जे स्वर्गो के राज्य दे छुटे शे छुटे असो, से तिन शा बड़ा असो।

सिरमौरी नौवाँ नियम

¹¹ हांव तुऔं खै साचौ बुलू, कै जू बैटमाणिशौ पौरैशै जन्मे रौवै, तिनु मुंजीदा यूहन्ना बपतिस्मा दाता दा कुणजाई बौड़ा ना आथी, पौरौ जू स्वर्ग कै राज्य दा नानड़ै शै नानड़ा औसौ सैजा तैसीदा बौड़ा औसौ।

मत्ती 11:11 ပူးပေါင်းရင်းမြစ်များ

मत्ती 11:10

से सेजा ही असो, जेस्के बारे दो पबित्र-ग्रन्थों दो लिखी थो: ‘दे:ख, हाँव आप्णा दूत्त, ताँव शा आगे डियाल़ूबा, जू ताँव शा आगे ताँव्खे बाट तियार करला।’”

मत्ती 11:12

संत्त-यूहन्ना नहाँण-नहाँणों वाल़े के बख्तो शा ऊबा, हेभी तोड़ी जुण्जे लोग स्वर्गो के राज्य दे मुँढ़ाईऐ ज़ाँदे रूऐ, परह् बलवाँन लोग तिनका हंक भे ऊढा दड़ो।

मत्ती 3:1

तेसी बख्त्ते संत्त-यूहन्ना नहाँण-नहाँणों वाल़ा आऐयों यहूदिया के जाँगल़ों दा ऐजा प्रचार करदा लागा:

मत्ती 3:11

“हाँव तअ पाँणी लई तुवाँरे मंन बद्ल़्णों खे नहाँण-नूहाँऊ, परह् जू मुँह पाछी आँणों वाल़ा असो, से मुँह शा शक्त्तिमाँन असो; हाँव तेस्के जूत्ते के त्तंष्में खुल्णों ज़ुगा भे आथी ने। से तुवाँरो पबित्र-आत्त्मा अरह् आगी लई नहाँण कराँदा।

मत्ती 5:19

ईन्देंखे, जुण्जा कुँऐं ईनू छूटी शी छूटी अज्ञाँ मुझ़शी ऐक भे अज्ञाँ च़ुड़ो, अरह् ऐष्णों ही लोगो कैई शो शिखाँव, तअ से स्वर्गो दा सोभी शा छुटा माँना ज़ाँदा; परह् जुण्जा कुँऐं अज्ञाँ का पाल्ण करला, अरह् तिनू मानंणीं शिखाला, सेही स्वर्गो के राज्य दा बड़ा माँना ज़ाँदा।

लूका 1:15

किन्देंखे के सेजा बालक प्रभू की नंजरी दा बड़ा माँना ज़ादा, से दाख्ह-अंगूरोह् का रंस अरह् सूर कंद्दी ने पींदी, परह् से माँ, की कुँखीं शा ही पबित्र-आत्त्मा शा भरा अंदा हंदा।

लूका 7:28

“हाँव तुँओं खे बुलू: के जै-तोड़े तिरंई के गर्बों कुँख्खी शे ऊप्जी रूऐ, तिनू सोभी मुँझ्शा संत्त-यूहन्ना शा बड़ा ओका कुऐं ने आथी; तबे भे पंण्मिश्वरे के राज्य दा जुण्जा सोभी शा छुटा असो, से संत्त-यूहन्ना नहाँण-कराँणों वाल़े शा बडा असो।”

लूका 9:48

अरह् प्रभू यीशू ऐ तिनू आप्णें सैले खे बुलो, “जुण्जा कुँऐं मेरे नाँव शा ऐथू नहाँन्ड़िया का माँन-समाँन करला, तअ से मेरा माँन-समाँन करला; अरह् जुण्जा कुँऐं मेरा माँन-समाँन करह्, से मेरे भेज्णों वाल़े का भे माँन-समाँन करह्; किन्देंखे के तुँओं सोभी मुँझ्षा जुण्जा छ़ुटे शा छ़ुटा असो, सैजा ही बड़ा असो।”

यूहन्ना 1:15

तिनू देखियों, संत्त-यूहन्ना ऐ ऐजी घोष्णाँ करी; के “ऐ सेजे ही असो! तिन के बारे दो मुँऐ बुलो थियों; के जुण्जा मुँह पाछ़ी आँणों वाल़ा असो, से मुँह शा महाँन असो; किन्देंखे के से मुँह शे आगे भे थिऐ।”

यूहन्ना 1:27

से सेजा ही असो, जुण्जा मुँह पाछ़ी आँणों वाल़ा असो; हाँव तअ तिनकी लात्तों कैई बंईठणों ज़ूगा भे आथी ने, अरह् ना हाँव तिनकी जूत्तै के तंष्में खोल्णों, बानणों ज़ूगा आथी।”

यूहन्ना 10:41

अरह् तेथै तिन कैई बैजाऐ लोग आँदें लागे, अरह् से ऐजो बुल्दे लागे, के “संत्त-यूहन्ना नहाँण-कराणों वाल़े ऐं, तअ किऐ भे च़ींह्न-चंम्त्तकार ने देखाई; तबे भे जुण्जो किऐ तिन्ऐ ईनके बारे दो बुलो, सेजो सब-कुँछ साच्चो असो।”

यूहन्ना 3:30

ऐजो जरूरी ही असो; के से बड़्दा ज़ाँव, अरह् हाँव घट्दा ज़ाँऊँ।

यूहन्ना 5:35

संत्त-यूहन्ना नहाँण-कराँणों वाल़ा, ऐक बोल़्दा अरह् चंम्कोंदा दिवा थिया; जेस्के ऊँजाल़े लंई, तुओं किऐ बख्त्तों तोड़ी आनन्द-खुशी मंनाँणीं आछ़ी लागी।

यूहन्ना 7:39

प्रभू यीशू ऐ ऐजी बातो तियों पबित्र-आत्त्मा के बारे दी बुली, जुण्जी पबित्र-आत्त्मा तिन दा बिश्वाष कर्णों वाल़े खे भेट्दे थी; परह् तेसी बख्त्तो तोड़ी सेजी पबित्र-आत्त्मा धर्ती गाशी ने आऐ रंई थी, किन्देंखे के प्रभू यीशू हेभी तोड़ी आप्णी बड़ियाई दे ने पंह्ऊँची रंई थी।

1 कुरिन्थियों 15:9

किन्देंखे के तिनू प्रभू यीशू के खास-चैले मुँझ्शा हाँव सोभी शा छुट्टा असो, अरह् प्रभू यीशू के खास-चैला बुल्णों ज़ूगा भे हाँव आथी ने, किन्देंखे के मुँऐं पंणमिश्वर की कलीसिया सताऐ थऐ।

1 कुरिन्थियों 6:4

परह् जे तुँओं ईनू संईसारीक बातो का नियाँव करणा पड़ो, तअ कियों तुऐं ईनू ही लोग नीयाँईच़ू बईठाल़्दे जुण्जे कलीसिया दे किऐ ने आथी?

इफिसियों 2:3

आँमें लोग भे आगे तिनही अपराधियों के साथी-संगाथीं थिऐ; जबे आँमें आप्णी देह्-शरीर की बासना के बष दे थिऐ; अरह् आप्णी मंन की हिछ़या पुरी करह् थिऐ, तअ आँमें भे ओकी ही जैष्णें आप्णें सभाँव के कारण पंण्मिश्वर की सजा ज़ूगै थिऐ।

इफिसियों 3:8

मुँखे जू पंण्मिश्वर के लोगो मुँझ्शा सोभी शा छुटा असो, मुँखे ऐजा बरंदाँण भेटी रूआ, के हाँव गऐर यहूदी खे मसीया की अपरंम-पार कृपा के खुषख्बरी शुँणाँऊ;

2 तीमुथियुस 1:10

परह् ऐबे अमाँरे छुट्कारा देणो वाल़े मसीया यीशू के पर्गट हणों के कारण खुलासा हुआ; तिन्ऐं मंऊँती का नाँष करा, अरह् अमर-जीवन तियों खुषख्बरी के कारण प्रकाष-माँन करी दिता।

इब्रानियों 11:40

किन्देंखे के पंण्मिश्वर ऐ आँमों खे ऐक खास अरह् आच्छ़ा पंलाँन बंणाँया; किन्देखे के पंण्मिश्वर ऐशो चहाँव थिया, के सेजे लोग भे अमाँरी ही गंईलो सीद्ध हंऐ ज़ाँव।

1 पतरस 1:10

तेसी ही छुट्कारे के बारे दो तिनू ऋषिऐं बैजाऐ छाँन-भींन जाँच-पड़ताल़ करी, जिन्ऐं तियों कृपा के बारे दी, जू तुँओं गाशी हंणों वाल़ी असो, तिन्दें के बरंम्बाणीं करी थऐ थी।