मत्ती 11:1 - Sirmouri

¹ जबे प्रभू यीशू ऐ आप्णें बारह् चैले खे अज्ञाँ देऐ पाऐ, तअ से तेथै शे शिक्क्षा देंदे, अरह् प्रचार कर्दे तिनके नंगर दे हुटे।

सिरमौरी नौवाँ नियम

¹ जोबै यीशुए आपणै बारौ चैलै खै उपदैश दैय पाए, तौ सै तिनकै नोगरो दा शिक्षा औरौ प्रचार कौरणौ खै तिथैदा हौटै गौआ।

मत्ती 11:1 ပူးပေါင်းရင်းမြစ်များ

मत्ती 28:20

अरह् जुण्जी मुँऐं अज्ञाँ देऐ थई, सेजी बादी बातो तिन कैई शी माँनणीं शिखाव: अरह् दे:खो, हाँव संईसारी की अंन्त्त तोड़ी सदा तुँवारी गईलो असो।”

मत्ती 4:23

प्रभू यीशू बादे गलील दे, रिट्दे-फीर्दें, अरह् यहूदियों के चौत्रें दे शिक्क्षा देंदे रूऐ, स्वर्ग राज्य के पंणमिश्वर की खुषख्बरी का प्रचार कर्दे लागे; अरह् प्रभू लोगो की साँत्त-भाँत्ती बीमारी अरह् रोग, अरह् बादी कंमजूरी दूर कर्दे रूऐ।

मत्ती 7:28

जबे प्रभू यीशू ऐ, ऐजी बातो बुली पाई, तअ ऐशो हईयों के तिनकी शिक्षा शुणियों लोगो की तियों बेशुमाँर भीड़ो के तूरंबाँणच़ूटे,

मत्ती 9:35

प्रभू यीशू बादे नगर अरह् गाँव दे रिट्दे-फिर्दें रूऐ, अरह् यहूदी लोगो के चौत्रे दे शिक्क्षा देंदे लागे, अरह् पंणमिश्वर के राज्य की खुषख्बरी का प्रचार कर्दे, अरह् लोगों के साँत्त-भाँत्ती बीमारी अरह् कंमजूरी दुर्की कर्दे रूऐ।

मरकुस 6:12

तबे बारह् खास-चैले तेथै शे आगू हुटे, अरह् ऐजा प्रचार कर्दे रूऐ, के आप्णें पाप बुराई शा पसतावा करणा, अरह् आप्णा मंन बद्ल़णाँ सभी लोगो खे जरूरी ही असो।

लूका 23:5

तिनू लोगे हुम्कियों बुलो, के “ऐ गलील प्रदेश शा ऊँडा ईथै तोड़ी बादे यहूदा प्रदेश के कुँणें-कुँणें दे आप्णी शिक्क्षा शे बादी जनता बिरूध कर्णों खे भड़काँदा लागी रूवा।”

लूका 8:1

तबे प्रभू यीशू नंगर-नंगर अरह् गाँव-गाँव दे रीटियों ब्खाँण कर्दे, अरह् पंण्मिश्वर के राज्य के आच्छ़ी खुष्खबरी शुणाँदें लागे, अरह् तिन के बारह् खास-चैले भे तिन की ही गईलो थिऐ।

यूहन्ना 15:10

जे तुँऐं मेरे प्यार दे पाक्कै बंणें अंदे रंह्ले, तअ तुऐं मेरी अज्ञाँयों का पाल़्ण कर्ले; जेष्णाँ हाँव आप्णें बाबा की अज्ञाँयों का पाल़्ण करदा आऐ रूवा, अरह् तिनके प्यार दा पाक्का बंणाँ अंदा रंह्ऐ रूवा।

यूहन्ना 15:14

जे तुऐं मेरी अज्ञाँ का पाल़्ण करह्; तअ तुऐं मेरे दोस्त्त-साथी बँण्दे।

प्रेरितो कै काम 1:2

जेसी देसे प्रभू यीशू स्वर्गो दे ऊबे थागे गुऐ, तिन्दे शे आगे प्रभू यीशू ऐ आप्णें खास-चैले खे; जिनू तिन्ऐ आपु च़ूणी-छाँटी थुऐ थिऐ, तिनखे पबित्र-आत्त्मा के जाँणें अज्ञाँ दिती।

प्रेरितो कै काम 10:38

पंण्मिश्वर ऐ तिनू ही नाँसरत गाँव के यीशू पबित्र-आत्त्मा अरह् शक्त्ति शे अभिषिक्त्त करे गुऐ; अरह् से घूम्मी-फीरियों भलाई कर्दे रूऐ; अरह् शैतान के सताँऐ अंदे लोग चाँग्गै करदा रूऐ; किन्देंखे के पंण्मिश्वर तिनकी गईलो आपु थिऐ।

प्रेरितो कै काम 10:42

अरह् तिन्ऐ आँमों खे ऐजी अज्ञाँ दिती, के आँमें लोगो मुँझी ऐजा प्रचार करह्; अरह् ऐजी घोष्णाँ करी दियों, साफ-साफ गुवाऐ-शाज़्त्त दियों; के से ‘सेजा ही असो!’ जिनू पंण्मिश्वर ऐं जीऊँदे अरह् मंरे अंदे का नियाँव कर्णों वाल़ा, नींयाँईच़ू बंणाँऐ थुवा।

1 थिस्सलुनीकियों 4:2

किन्देंखे के तुँऐं जाँणो ऐ, के आँमें प्रभू यीशू के अधीन शी तुँओं खे कुण्जी-कुण्जी अज्ञाँ देऐ थई।

2 थिस्सलुनीकियों 3:10

किन्देंखे के जबे आँमें तुवाँरे कागी थिऐ, तबे भे ऐजी अज्ञाँ तुँओं खे दियों थिऐ, के जे कुँऐं किऐ काँम-काज़ ने कर्णां चहाँव तअ से खाँणों खे भी ने खाँव।

2 थिस्सलुनीकियों 3:6

हे भाऐ-बंईणों, आँमें तुँओं खे आप्णे प्रभू यीशू मसीया के नाँव शी अज्ञाँ दियों, के तुँऐं ऐक नाँम तिनू भाई शे ज़ई रूऐ, जुण्जे भाऐ गलत चाल-चालो, अरह् जुण्जी शिक्क्षा तिन्ऐं आँमों कैई शी पाँऐ, अरह् तिन्दे के मुँताबिक ने से चाल्दे तिनू लोगो शे दुर्के रूऐ।

1 तीमुथियुस 6:14

के तुऐ अमाँरे प्रभू यीशू मसीया के पर्गट् हणों तोड़ी, ईयों अज्ञाँ दी किऐ कंम्मी ने आणों दिऐ, अरह् ईदा नीरर्दोष बंणियों चाला अंदा रंह्।