मत्ती 10:23 - Sirmouri

²³ जबे से तुँओं ऐकी नंगर दे सताले तअ ओकी नंगर खे भागी ज़ाऐ। हाँव तुँओं खे खास बात बुलू, के जबे तुँऐं इस्राएल के बादे नंगर दे रिटी-फिरी ज़ाले, ताँव-तोड़ी आदमी का बैटा भे आऐ ज़ाला।”

सिरमौरी नौवाँ नियम

²³ जौल़ौ सै तुऔं खै ऐकी नगर दै सतालै, तौ ओकी नोगरो दै दौड़ै जाया। हांव तुऔं कै साचौ बुलू, की तुऐं इस्राएल देश कै सौबी नोगरो दै इबी तौड़ी हौटै बै ना रोली तोबै हांव आदमी का बैटा तुऔं दा आगै आए जांदा।”

मत्ती 10:23 ပူးပေါင်းရင်းမြစ်များ

मत्ती 16:27

आदमी का बैटा आप्णे पिता की बड़ियाऐ दे आप्णें स्वर्गदूत्त की गईलो आला, तबे से ऐक नाँम आदमी खे तिनके काँम-काज के मुताबिक प्रतिफल़ देले।”

मत्ती 16:28

“हाँव तुओं खे खास बात बुलू, के ईथे कुछ लोग असो, जुण्जे ताँव-तोड़ी मंऊँत्ती का सुवाद ने चाख्दी, मतल्व ताँव-तोड़ी ने मंर्दीं जाँव तोड़ी आदमी का बैटा तेसके राज्य दा तेसी राज कर्दे ने दे:खो।”

मत्ती 2:13

तिनू तारा-मंडल़ के खुजी लोग बिदा हंणों गाशी; प्रभू के ऐक दूत्त ऐ यूसुफ खे सुईंणें दे पर्गट हऐयों ऐजी अज्ञाँ दिती, “बींयूज, बालक, अरह् ऐस्की माँ, ऐथै शी आगू नीऊँ, अरह् मिस्र देश खे भागी लाग, अरह् तेसी बख्तो तोड़ी तेथी रूऐ, जाँव तोड़ी हाँव ताँवखें अज्ञाँ ने देऊँ, किन्देंखे के राजा हेरोदेस ऐसी बालक की हंत्त्या कर्णों की ताक दा असो।”

मत्ती 23:34

ईन्देंखे दे:खो, हाँव तुँओं कैई आप्णी बरंम्बाणीं कर्णो वाल़े अरह् बुद्धीमाँन, अरह् ज्ञाँन-निय्म शिखाँणों वाल़े डियाँल़ूबा; अरह् तुँऐं तिन मुँझ शे किऐ तअ माँरी देले, अरह् शुँल़ी-फ़ाँशी चड़ाले, अरह् किऐ आप्णी खुम्ल़ी के यहूदी-च़ोंत्रें दे कोड़े माँर्लें अरह् ऐकी नंगर शे ओकी नंगर्दे खेदियों लालें अरह् से रिट्दे-फिर्दें रंह्ले।

मत्ती 23:36

हाँव ऐक खास बात बुलू, के ईनू सोभी की सजा का भार-बोंझ़ ईयों पीढ़ी गाशी पड़ी रूवा।”

मत्ती 24:27

“जेष्णा बेजल़ाव पुरबो धुंरीं शा चंम्कियों पछ़ियों धुंरीं तोड़ी आँव, ठीक तेष्णी ही आदमी के बैटे की आँवणीं हली।

मत्ती 24:30

“तबे आदमी के बैटे के चींन-नीशाँणी अस्माँनों दी दे:खाई पड़ली, अरह् तबे धर्ती के सब कुल़ों के लोग छ़ाँतीं-हिकुड़े पिटले; अरह् आदमी का बैटा बड़ी शक्त्ति अरह् ठाट-बाट आरी अस्माँनों के बाद्ल़ो गाशी आँदे देख्ले।

मत्ती 24:34

हाँव तुओं खे खास बात बुलू, के जाँव तोड़ी ऐजी बादी बातो पुरी हंदें ने दे:खो, ताँव-तोड़ी ईयों पीढ़ी ज़ूगौ का अंत्त ने हंदी।

मत्ती 24:48

परह् जे सेजा मुरूख दास आप्णें सासो दा सोह्च़दा लागो, के मेरे मालिक के आँणों दे हेबी देर असो,

मत्ती 25:13

“ईन्देंखे बीऊँजी रंह्, किन्देखे के तुँऐं ना तअ सेजो देस जाँण्दे, अरह् ना सेजी घड़ी बख्त जाँण्दे।

मत्ती 26:64

प्रभू यीशू ऐ तेस्खे जबाब दिता, “तुँऐं ऐजो आपु ही बुली लो; तबे बे हाँव तुओं खे बुली देंऊ, के ईन्दें पाछी तुऐं आदमी का बैटा सर्ब-शँक्त्तिमाँन के सोऐं ढबे बईठा अंदा, अरह् अस्माँनों के बाद्ल़ो मुँझी आँदे दे:ख्ले।”

मत्ती 4:12

जबे प्रभू यीशू ऐं ऐजो शुणों, के संत्त-यूहन्ना बाँनियों कय्दी दा पाया, तबे से गलील खे हुटे।

मरकुस 13:26

“तबे लोग आदमी का बैटा शक्त्ति अरह् बड़ियाई आरी बाद्ल़ो गाशी आँदे दे:ख्ले।

लूका 18:8

हाँव तुँओं खे बुलू, के पंण्मिश्वर बिना देर करे बिना, ही तैख्णी तिन का नियाँव कर्ले; अरह् जबे आदमी का बैटा आला, तअ कियों से धर्ती गाशी कोसी दा बिश्वाष दे:ख्ला?”

लूका 21:27

तबे लोग आदमी का बैटा शक्त्ति अरह् बड़ियाई आरी बाद्ल़ों दा आँदा दे:ख्ले।

यूहन्ना 7:1

ईनू बातो पाछी प्रभू यीशू गलील ईलाके दे घुम्दे-फिर्दे रूवे; किन्देंखे के यहूदी अगुवाल़ लोग तिनू मार्णों की ताक-खोज दे थिऐ, ईन्देंखे से यहूदिया प्रदेश दो घुम्णों-फिर्णो ने चहाँव थिऐ।

प्रेरितो कै काम 17:10

बिश्वाषी भाई-बंईणों ऐ तेख्णी रात्ते-रात्त संत्त-पौलुस अरह् सीलास बिरीया नंगर खे डेयाल़ी दित्ते; अरह् तेथै पंह्ऊँचियों से यहूदियों के च़ौत्रें दे हुटे।

प्रेरितो कै काम 17:14

ईन्देंखे बिश्वाषी भाऐ-बंईणिऐं तेख्णी संत्त-पौलुस तेथै शा बिदा करा, के संमुन्द्रो के टिराँव्टी गाशी ज़ाँव; अरह् तबे सीलास अरह् तीमुथियुस तैथी बिरीया नंगर दे ही रूऐ।

प्रेरितो कै काम 20:1

जबे सेजे झ़ग्ड़ै-दाँगे थंबी गुऐ, तअ संत्त-पौलुस ऐ चैले खे शुझ़ा देऐयों हंस्ला-हिमम्त्त दिती; अरह् तबे आपु देथै शे बिदा हऐयों मकिदूनिया खे हुटे।

प्रेरितो कै काम 8:1

शाऊल भे तियों हंत्त्या का साथी धिया। तेसी ही देसे यरूशलेम दी कलीसिया गाशी बैजाऐ बड़ा-अंत्त्याचार शुरू हुवा, अरह् खास-चैले के सुवाऐ, बादे के बादे बिश्वाषी जंण; यहूदा अरह् सामरी ईलाके दे खिदर-बिदर हऐ गुऐ।