मत्ती 10:2 - Sirmouri

² प्रभू यीशू के तिनू बारंह् खास-चैले के नाँव ऐजे असो: आगला शमौन, जेस्खे संत्त-पतरस बुली थिया, अरह् तेस्का भाऐ अन्द्रियास; जब्दी का बैटा याकूब, अरह् तेस्का भाऐ यूहन्ना;

सिरमौरी नौवाँ नियम

² बारौ चोणेयौंदे चैलै कै नांव ऐजै औसौ: आगला शमौन जैसकौ नांव तैणै पतरस राखौ, औरौ तैसका भाई अन्द्रियास; जब्दी का बैटा याकूब औरौ तैसका भाई यूहन्ना।

मत्ती 10:2 ပူးပေါင်းရင်းမြစ်များ

मत्ती 17:1

छ: देसो के बित्त्णों गाशी प्रभू यीशू ऐ संत्त-पतरस, संत्त-याकूब, अरह् तेस्का का भाऐ संत्त-यूहन्ना आपु आरी कैथी ऐकलाल़े दे ऊँची धारोंह् गाशी नीऐं;

मत्ती 20:20

जबे जब्दी के बैटे की माँ ऐ, आप्णे बैटे आरी आऐयों प्रभू यीशू खे घुड्कुँणिऐं नऐयों ढाल-नंमष्कार करी, अरह् तिन कैई शो किऐ माँगदी लागी।

मत्ती 26:37

तिनिऐं संत्त-पतरस अरह् जबदी के दुईनें बैटे गईलो नींऐं, अरह् से उदास अरह् बै-चऐनं हंदे लागे।

मत्ती 4:18

गलील झील, की टिराँव्टी दे चाल्दे-फिर्दे प्रभू यीशू ऐ, दो भाऐ दे:खे: शमौन जेस्खे पतरस बुली थिया, अरह् तेस्का भाऐ अन्द्रियास जेसी झील दा ज़ाल़ो लई पणंकाँदें दे:खा थिया; किन्देखे के से झियोंर मंछ़वारे थिऐ।

मत्ती 4:21

जबे से तेथै शे आगुड़े हुटे, तअ प्रभू यीशू ऐ ओके दो भाऐ तेथै दे:खे, जब्दी के बैटे, याकूब अरह् तेस्का भाऐ यूहन्ना। तिनू दुई भाई ऐ आप्णे पिता की गईलो नाँव गाशी, आप्णें जाल़ सुवाँरी लुऐ थिऐ, प्रभू ऐ तिनू भे बईदे।

मरकुस 1:29

प्रभू यीशू तेख्णी आप्णे साथी आरी यहूदी लोगो के यहूदी-च़ोंतरे शे निक्ल़े, अरह् याकूब, यूहन्ना की गईलो शमौन अरह् अंन्द्रियास के घर दे आऐ।

मरकुस 13:3

जबे प्रभू यीशू जैतून धारह् गाशी देऊँठी के साम्णें बऐठी रूऐ थिऐ, तअ पतरस, याकूब, यूहन्ना, अरह् अन्द्रियास ऐ ज़ई ज़ाऐयों तिन कैई शो पुछो।

मरकुस 6:30

चैले पाछू आऐ, अरह् तिनू सभिऐं साथी जू किऐ तिन्ऐ करो, अरह् जू किऐ तिन्ऐं शिक्क्षा दिती तिन्दे का बादा बखाँण प्रभू यीशू मसीया कैई शा शुणाँया।

लूका 11:49

ईन्देंखे पंण्मिश्वर की ज्ञाँन-बुद्धी ऐ ऐजो बुलो; हाँव तिन कैई ऋषियो, अरह् खास-चैले डियाल़ूबा; अरह् से तिन मुझ्के कंई लोगो के हंत्त्या कर्ले, अरह् कंई गाशी आप्णा अंत्त्याचार करियों सताले।

लूका 22:14

जबे बियाल़ी खाँणों का बख्त हुवा, तअ प्रभू यीशू आप्णें खास-चैले की गईलो बियाल़ी खाँदे बईठे।

लूका 22:8

प्रभू यीशू ऐ आप्णे चैले संत्त-पतरस, अरह् संत्त-यूहन्ना, ऐजो बुलियों भेजे: के “ज़ाऐयों आँमुखे फ़सह के जून बाँणों।”

लूका 5:10

अरह् तैष्णेंं ही जब्द्दी के बैटे याकूब अरह् यूहन्ना के भे जू शमौन के साथी थिऐ, तिनके भे तुर्बाणच़ूटे, अरह् तबे प्रभू यीशू ऐ शमौन खे बुलो, डरे ने; “मुँह पाछी आओं, तअ हाँव तुँओं आप्णे चैले बंणाँणों वाल़े बाँणूबा।”

लूका 9:10

तबे प्रभू यीशू के सेजै खास-चैले पाछ़ू आऐ, करह् सेजो जू कुछ़ तिन्ऐ करो थियों सेजो सब-कुछ़ प्रभू यीशू कैई आगू बुलो; तबे: प्रभू यीशू ऐ तिनू आप्णी गईलो बेतसैदा नंगर की ढबै नींऐ, अरह् से बादे कैथी ऐकाँन्त्त दे हुटे।

यूहन्ना 12:22

तबे फिलिप्पुस ऐ आऐयों अन्द्रियास कैई ऐजो बुलो, तबे अन्द्रियास अरह् फिलिप्पुस दुईन्नें झुणें ज़ाऐयों प्रभू यीशू खे बुल्दे लागे।

यूहन्ना 13:23

प्रभू यीशू का ऐक चैला, जेसी आरी से बैगे प्यार करह् थिऐ; से प्रभू यीशू की छात्ति-हिकुड़े की ढबे, कुईनी अरह् घुन्डू के सहारे बऐठी रूआ थिया।

यूहन्ना 20:2

ऐजो देखियों से बिच़्ड़ियों शमौन-पतरस अरह् तेसी ओकी चैले कैई आऐ, जेसी आरी प्रभू यीशू प्यार करह् थिऐ; तिऐ मरियम ऐ तिन कैई बुलो, “तिन्ऐं प्रभू खात्ती-कबर शे आगु नींऐ, अरह् हाँव ऐजो ने जाँण्दी के तिन्ऐ तिनू कैथे थंऐ थुऐ।”

यूहन्ना 21:2

शमौन पतरस, अरह् थोंमा जेस्खे दिदुमुस बुली थिया, अरह् गलील के काना नंगर का नतनएल, अरह् जबदी के दो बैटे, अरह् प्रभू यीशू के दो ओके चैले तेथै कंट्ठै थिऐ।

यूहन्ना 21:20

संत्त-पतरस ऐ पाछू फ़ीरियों प्रभू यीशू का सेजा प्यारा खास-चैला आपु पाछ़ी आँदें देखा; मंतल्व सेजा ही चैला, जुण्जा फ़सह की जूंन खाँदी बंख्त्ते प्रभू यीशू के बैजाऐ नंजीक बंईठा अंदा थिया; जेने प्रभू यीशू कैई शा ऐजा सुवाल करा थिया, के “हे प्रभू सेजा कुँण आदमी असो; जुण्जा तुओं खे धोखा देंदा?”

यूहन्ना 21:24

से सेजा ही चैला असो, जुण्जा ईन सोभी घह्टणाँ का गुवाह्-शाज़्त्त असो; अरह् जेने ऐजी बादी बातो आप्णीं आखिऐ देखी-शुँणीं अरह् लिखी थंई; अरह् आँमें भे ऐजो जाँणों ऐं, के तेस्की गुवाऐ-शाज़्त्त बिलकुल साच्ची असो।

यूहन्ना 6:67

तबे प्रभू यीशू ऐ तिनू बारीही चैले खे बुलो, “कियों तुँऐं लोग भे पाछ़ू ज़ाँणों चहाँव?”

यूहन्ना 6:70

प्रभू यीशू ऐ तिनखे बुलो, “कियों मुँऐं तुँओं बारंह् झोणें झुणी-छाँटी ने थई थी? तबे भे तुँओं मुँझ्षा ऐक शैतान के कंब्जे दा असो।”

यूहन्ना 6:71

ऐजो तिन्ऐ शमौन-इस्करियोती के बैटे यहूदा-इस्करियोती के बारे दो बुलो थियो, किन्देंखे के सेजा ही ऐक तिनू बारीही चैले मुंझ्शा ऐशा थिया; जुण्जा के प्रभू यीशू थंहम्बड़ाणों वाल़ा थिया।

यूहन्ना 6:8

प्रभू यीशू के चैले मुँझ्शो शमौन पतरस के भाऐ अन्द्रियास खे बुलो,

प्रेरितो कै काम 1:13

नंगर दे पंह्ऐचियों से तेसी घरह् के गाष्ले कंमरे दे कंट्ठै हुऐ, जेथै से आगे रंह् थिऐ, अरह् सेजे खास-चैले: पतरस, यूहन्ना, याकूब, अन्द्रियास, फिलिप्पुस, थोंमा, बरतुल्मै, मत्ती, हलफई का बैटा याकूब अरह् शमौन, जेलोतेस, अरह् याकूब का बैटा यहूदा थिऐ।

प्रेरितो कै काम 1:26

तबे तिनू लोगे ऐं तिनू दुई के नाँव दी पार्ची पाई, अरह् सेजी पार्ची मत्तियाह के नाँव शी नींक्ल़ी; तबे तेसी मत्तियाह भी तिनू गैयारी खास-चैले की गईलो, खास-चैला माँना-गीणा गुवा।

प्रेरितो कै काम 12:2

तेने संत्त-यूहन्ना का भाऐ याकूब तरवारी लई काटियों माँरी दिता।

प्रेरितो कै काम 3:1

ऐक देस ऐशो हुओं, के संत्त-पतरस अरह् संत्त-यूहन्ना ढल़किऐ के किऐ च़ीन बाजे, की प्रार्थना के बख्त्ते देऊँठी दे ज़ाँदे लागे थिऐ;

1 कुरिन्थियों 15:7

तबे याकूब कैई शे देखाईऐ, अरह् तबे से बादे प्रभू यीशू के खास-चैले कैई शे देखिऐं।

इफिसियों 4:11

तिन्ऐं कईयों तअ प्रभू यीशू के खास-चैले च़ूणें-छ़ाँटे; अरह् कंऐ लोग ऋषी बंणाँऐ, अरह् किऐ खुषख्बरी शुँणाँणों वाल़े बंणाऐं; अरह् कोसी लोग कलीसिया के रंखवाल़े बाँणें, अरह् कोसी खे शिक्क्षा देणों का बरंदाँण दिता।

इब्रानियों 3:1

ईन्देंखे हे, पबित्र भाऐ-बंईणों तुँऐ जुण्जे स्वर्गो दे बईदी थुऐ, अरह् तुऐं स्वर्गो के हिस्सेदार असो; तेसी जुण्जा पंण्मिश्वर ऐं डेयाल़ा, तेसी महाँ-याजक प्रभू यीशू गाशी जिनकी आँमें माँनता करह्, तिनका ख्याल करिया करह्।

1 पतरस 1:1

संत्त-पतरस की ढबे शी जू प्रभू यीशू मसीया का खास-चैला, तिनू प्रदेशियों के नाँम जुण्जे पुन्तुस, गलातियों, कप्पदुकिया, आसिया, अरह् बिथुनिया दे खिदर-बिदर हऐयों रंह् थिऐ,

2 पतरस 1:1

शमौन संत्त-पतरस की ढबे शी, जू प्रभू यीशू मसीया का दास अरह् चूंणा-छ़ाटा अंदा प्रभू यीशू का खास-चैला थिया, तिनू लोगो के नाँम जिन्ऐं अमाँरे पंण्मिश्वर अरह् बंचाँणों वाल़े प्रभू यीशू मसीया के धार्मिक्त्ता के जाँणें आँमों जेष्णाँ किम्त्ति बिश्वाष करी थुवा।

2 यूहन्ना 1:1

मुह ठग्ड़ै की ढबे शी तिनू चूणीं-छाँटी अंदी तिरंई अरह् नहाँन्ड़िया के नाव, जिन शो हाँव साच्चो पियार थंह्ऊँ; अरह् सिर्फ हाँव ही ने, परह् सेजे बादे भे पियार थंह् जू सच्चाऐ जाँणो ऐ;

3 यूहन्ना 1:1

मुँह ठग्ड़ै की ढबे शे प्यारे गयुस के नाँम, जैच़्छ़ौ हाँव साच्चो पियार करू।

प्रकाशितवाक्य 1:1

यीशू मसीया का बखाँण, जुण्जा तिनखे पंण्मिश्वर की ढंबे शा भेंटा थिया, जिन्दे लंई से आप्णें सेंवक-दास खे नंजीक आणों वाल़ी घट्णाँ देखाँव; तिन्ऐं आप्णें स्वर्गदूत्त डेयाल़ियों ऐसी बखाँण का ज्ञाँन आप्णें सेवक संत्त यहून्ना कैई शा कराया;

प्रकाशितवाक्य 1:9

हाँव यूहन्ना, जू तुवाँरा भाऐ अरह् प्रभू यीशू के कल़ेष अरह् राज्य अरह् धीरज दा तुवाँरा साजी असो, पंण्मिश्वर के बचन अरह् प्रभू यीशू की गुवाऐ-शाज़्त्त के कारण हाँव पतमुस नाँव के टापू दा थिया।

प्रकाशितवाक्य 18:20

आँन्दित्त हों: ‘हे स्वर्गो! आँन्दित्त हों, हे पबित्र लोगो! खास-चैले अरह् ऋषियों! किन्देंखे के पंण्मिश्वर ऐ तिन्खे तुँवाँरी गईलो, करे गुऐं बुरे बरताव कर्णो खे सजा देऐ थंऐ।’”

प्रकाशितवाक्य 22:8

हाँव सेजा ही यूहन्ना असो, जेने आपु ऐजो सब-कुछ शुँणों, अरह् देखो; ऐजो सब-कुछ शुँण्णों अरह् देख्णों गाशी; हाँव तेसी स्वर्गदूत्त के जेने ऐजो सब-कुछ मुँह कैई शो देखाव तेस्खे लाँम्बें पसरियो तेस्के लातो गाशी आगमुँईऐ पड़ा।