मत्ती 10:14 - Sirmouri

¹⁴ जुण्जा कुँऐं तुवाँरा आदर ने करह्, अरह् ना तुँवारी बातो शुणों, तअ तेसी घर अरह् तेसी नगर शे निक्ल़दी बई, आप्णें लातो की धूड़-माँटी तेथी झाड़ी दिऐ।

सिरमौरी नौवाँ नियम

¹⁴ औरौ जू कुणिए तुऔं खै ना अपनांव, औरौ तुंआरी बातौ ना शुणौ, तौ तैसी घोरे या नोगर दै पाछु निकल़दै बैई आपणै लातो कै धूल बै झाड़ै दैया।

मत्ती 10:14 ပူးပေါင်းရင်းမြစ်များ

मत्ती 10:13

जे तेसी घर के लोग तुवाँरे आशिर्बाद के कल्याँण ज़ुगे हले, तअ तिनका कल्याँण हंदा, परह् जे से तिन्दें ज़ूगै आथी ने, तअ तुवाँरा आशिर्बाद का कल्याँण तुँओं कैई पाछु आँदा।

मत्ती 18:5

अरह् जुण्जा कुँऐं मेरे नाँव शो ऐक ऐष्णों नहाँन्ड़िया धारण करह्, से मुँह धारण करदा।”

मरकुस 6:11

जेथै के लोग तुँओं ने माँन्ले ने, अरह् ना तुँवारी शुंणले, तेथै शे आगू ज़ाँदिऐं आप्णे लात्तों की माटी भे तेथी झाड़ी दिऐ, जू सेजी धूंढ़ तिन गाशी तिन्दें की गुवाऐ-शाज़्त ठहरली।”

मरकुस 9:37

“जुण्जा कुँऐं मेरे नाँव शा, ऐसी बालक जेष्णाँ, कोसी ऐक बालक माँनंला, से मुँह मान्दा, अरह् जू कुँऐं मुँह माँनंला, से मेरा डियाल़णो वाल़ा भे माँन्दा ऐ।”

लूका 9:48

अरह् प्रभू यीशू ऐ तिनू आप्णें सैले खे बुलो, “जुण्जा कुँऐं मेरे नाँव शा ऐथू नहाँन्ड़िया का माँन-समाँन करला, तअ से मेरा माँन-समाँन करला; अरह् जुण्जा कुँऐं मेरा माँन-समाँन करह्, से मेरे भेज्णों वाल़े का भे माँन-समाँन करह्; किन्देंखे के तुँओं सोभी मुँझ्षा जुण्जा छ़ुटे शा छ़ुटा असो, सैजा ही बड़ा असो।”

लूका 9:5

जे कुँऐं लोग तुवारा स्वागत् ने करो, तअ तिन के नंगर शे नींक्ल़दी बंई गुवा-शाज़्त्त के रूप दी आप्णें लात्तो के माँट्टी अरह् धूड़ भे तैथी झाड़े तअ सैजी ही हुवाऐ हंदी।”

यूहन्ना 13:20

हाँव तुँओं खे ऐक खास बात बुलू: के जुण्जा कुँऐ मेरे डेयाल़े अंदे का आदर-ईज्त्त करह्, से मेरा आदर-ईज्त्त करह्; अरह् जुण्जा मेरी आदर-ईज्त्त करह्, से मुँह डेयाल़ों वाल़े का आदर-ईज्त्त करह्।”

प्रेरितो कै काम 13:51

तबे: संत्त-पौलुस, अरह् संत्त बरनबास ऐं तिनके बिरूध गुवाऐ-शाज़्त्त देंणों खे, आप्णें लात्तो की धूड़-माँटी भे तैथी झ़ाड़ी दिती; अरह् से आपु इकुनियुस नंगर खे हुटे।

प्रेरितो कै काम 18:6

परह् जबे सेजे लोग संत्त-पौलुस का बिरूध अरह् नीदया कर्दें लागे, तबे तेने आप्णे खट्णों की धूड़ झाड़ियों तिनखे बुलो, “तुवाँरो लह्ऊँ तुवाँरें ही मुँडे हों! हाँव नि-र्दोष-बै-कसूर असो। ऐबे हाँव गऐर-यहूदी कैई ज़ाँऊबा।”

1 थिस्सलुनीकियों 4:8

ईन्देंखे जू कुँऐं ईयों शिक्क्षा निकारी जाँणों, से कोसी आदमी ने, परह् तेसी पंण्मिश्वर खे निकारा जाँणों जू आप्णी पबित्र-आत्त्मा तुँओं खे दियों।