मत्ती 1:20 - Sirmouri

²⁰ जबे से ईनू बातो की सोंच दा ही थिया, तबे प्रभू का दूत्त तेस्के सुईंणें दे:खिया, अरह् तेने बुलो, “हे, यूसुफ! दाऊद की अलाद, तू आप्णी मंगेतर मरियम आप्णें कागी आँण्णों शा डरे ने, किन्देखे के जुण्जों तियाँरे गर्ब दो असो, से पबित्र-आत्त्मा की शक्त्ति शो असो।

सिरमौरी नौवाँ नियम

²⁰ जोबै तैणै इनु बातौ खै सोंचै लोई थी तोबै स्‍वर्गदूत तैसकै सुईणै दा दैखिया औरौ बौलदा लागा, “ओए रै यूसुफ! दाऊद राजा कै वंश, तू आपणी हौणौवाल़ी घोरवाल़ी मरियम खै आपणै घोरे लाणौ खै डौरेया नै, जिथु जू तियांरै कोख दा औसौ, सै पवित्र आत्मा कै शौकतै शै औसौ।

मत्ती 1:20 ပူးပေါင်းရင်းမြစ်များ

मत्ती 1:18

प्रभू यीशू मसीया का जन्म ऐशा दाँई हुआ, के जबे तिनकी माँ मरियम के सगाऐ यूसुफ के गईलो हऐ गऐ, तअ तिनके मिल़्णों शी आगे ही मरियम पबित्र-आत्त्मा की शक्त्ति शी पेट्भारी हऐ गऐ थी।

मत्ती 2:12

तबे तिनू तारा-मंडल़ के खुजी लोगो के सुईंणों लागो; के पंणमिश्वर कैई शी ऐजी चिताँव्णी भेटी, के राजा हेरोदेस कैई पाछू फीरियों ने ज़ाऐ, तबे से कोसी ओकी बाटो बाटी पाछू आप्णें देश खे हुटे।

मत्ती 2:13

तिनू तारा-मंडल़ के खुजी लोग बिदा हंणों गाशी; प्रभू के ऐक दूत्त ऐ यूसुफ खे सुईंणें दे पर्गट हऐयों ऐजी अज्ञाँ दिती, “बींयूज, बालक, अरह् ऐस्की माँ, ऐथै शी आगू नीऊँ, अरह् मिस्र देश खे भागी लाग, अरह् तेसी बख्तो तोड़ी तेथी रूऐ, जाँव तोड़ी हाँव ताँवखें अज्ञाँ ने देऊँ, किन्देंखे के राजा हेरोदेस ऐसी बालक की हंत्त्या कर्णों की ताक दा असो।”

मत्ती 2:19

जबे राजा हेरोदेस मरी गुआ, तअ तबे प्रभू का दूत्त मिस्र देश दे यूसुफ कैई सुईंणें दे:खाई पड़े, अरह् तेस्खे ऐजी अज्ञाँ दिती,

मत्ती 2:22

परह् ऐजो शुणियों के अरखिलाउस आप्णें पिता राजा हेरोदेस की जागे दा यहूदिया का राजा बंणा; अरह्, डर के मारे से तेथै ने हुटी, अरह् तबे तेसी सुईंणें पंणमिश्वर कैई शी ऐजी चिताँव्णी भेंटी के गलील प्रदेश दा ज़ा,

मत्ती 27:19

जबे हाक्म पिलातुस नियाँव के सिंगास्हणों गाशी बईठा अंदा थिया, तअ तेस्की घरवाल़िऐं तेस्खे ऐजा शुज़ा दिता, के “तू ऐसी धरंमाँत्त्मा आदमी को किऐ ने करे, किन्देंखे के बियाल़ी रात्ती मुँह सुईंणें दा ऐस्के कारण बैजाऐ दु:ख संहणा पड़ा”।

मत्ती 28:5

तबे तेने दूत्त ऐ तिनू तिरोंई खे बुलो, “डरे ने, हाँव जाँणुऐं के तुँऐं यीशू जिनू शुँल़ी-फ़ाँशी चड़ाऐ गुऐ, तुऐ तिनू जूँऐ लुऐ।

लूका 1:19

स्वर्गदूत्त ऐ तेस्खे जबाब दिता, “हाँव जिब्राईल असो, हाँव हमेशा पंणमिश्वर के साम्णें खड़ा रंऊँ”, अरह् मुँह पंणमिश्वर ऐ ताँव कैई ऐजी खुषख्बरी का प्रचार शुणाँणों खे डियाल़ी थुवा।

लूका 2:4

तबे: यूसुफ भे ईन्देंखे हुटा, के से राजा दाऊद के घराने अरह् वंष का थिया, से भे गलील के नासरत के नंगर शा यहूदिया दा राजा दाऊद के नगर बैतलहम खे हुटा।

प्रेरितो कै काम 5:19

परह् प्रभू के दूत्त ऐं रात्ती के बख्त्ते तेसी कय्दखाने के कुवाड़ खुली दित्ते; अरह् तिनू तेथै शे बाँईडे गाड़े, अरह् तिनखे बुलो;

प्रकाशितवाक्य 19:7

आओ; आँमें आँनन्द-खुशी मनाँव, अरह् मंगन हऐ ज़ाँव, अरह् तिनकी बड़ियाऐं करह्, किन्देंखे के छ़ैल़्टे के जाज्ड़े-बियाव को तैयारह् का बख्त आऐ गुवा; अरह् तिनकी दुलिह्न आपु खे सजी-धजी रंऐ।