लूका 9:7 - Sirmouri

⁷ च़ौथे हिस्सै का हिस्सेदार राजा हेरोदेस ऐजो बादो शुणियों डरी गुवा, किन्देंखे के कंऐ लोग बुलो थिऐ, के सेजा संत्त-यूहन्ना नहाँण-कराँणों वाल़ा मंरे अंदे मुँझ्षा जीऊँदा हऐ रूवा।

सिरमौरी नौवाँ नियम

⁷ औरौ चौथाई देश का राजा हेरोदेस ऐजौ सौबै शोणेयो डौरे गौआ, कै यूहन्ना मौरेयौंदे मुंजीदा जियुंदी हौए गौआ। औरौ किछै नै बुली,

लूका 9:7 ပူးပေါင်းရင်းမြစ်များ

मत्ती 11:2

जबे नहाँण-नूवाँणों वाल़े, संत्त-यूहन्ना ऐ कय्दी दो मसीया के कामों का समाँचार शुणा, तअ तेने आप्णें चैले प्रभू यीशू पुछदे डियाल़े,

मरकुस 8:28

चैले ऐ जबाब दिता, “संत्त-यूहन्ना नहाँण-नहाँणों वाल़ा, परह् कुँऐ-कुँऐं बुलो, ऋषी-एलिय्याह, अरह् कुँऐ-कुँऐ बरंम्बाणीं कर्णो वाल़ा कुँऐं ऐक ऋषी जेष्णाँ ऋषी बुलो।”

लूका 13:31

तेख्णी किऐ यहूदी भाट-बाँम्णें आऐयों, प्रभू यीशू खे बुलो; “ईथै शे आगु ज़ाव, किन्देंखे के राजा हेरोदेस तुओं माँर्णे चहाँव।”

लूका 21:25

“सुरूज, चाँद, अरह् तारे, मंण्डल़ दे नंह्खे च़ींह्न देखाई पड़ले; अरह् धर्त्ती अरह् देश-देश के लोगो खे कष्ट-कल़ेश पड़ला; किन्देंखे के समुन्द्रो के गर्ज्णो लई, अरह् फालो की नाँद-शाह्द लई लोग डरी ज़ाँदे।

लूका 23:7

अरह् ऐजो जाँणियों के ऐ गलील के राजा हेरोदेस के हंक-अधिकार के ईलाके का असो; तबे तेने प्रभू यीशू राजा हेरोदेस कैई डेयाल़े; किन्देंखे के राजा हेरोदेस भे तिनू देसे यरूशलेम दा ही थिया।

लूका 3:1

तिबिरियुस कैसर के राज्य के पन्द्रोह् सालो दा जबे पुन्तियुस पिलातुस यहूदिया का हाक्म थिया, अरह् गलील प्रदेशो का हेरोदेस, हाक्म थिया, अरह् तेस्का भाऐ फिलिप्पुस, इतूरैया, अरह् त्रखोनीतिस प्रदेशो का हाक्म थिया, अरह् लिसानियास अबिलेने प्रदेशो का हाक्म थिया।

लूका 9:19

तिन्ऐं जबाब दिता, “संत्त-यूहन्ना नहाँण-कराँणों वाल़ा, अरह् कुँऐं बुलो ऋषी-एलिय्याह, अरह् कुँऐं बुलो, के कुँऐ पुराँणा ऋषी जीऊँदा हऐ रूवा।”