लूका 9:27 - Sirmouri

²⁷ मुँऐं तुँओं खे सत्ती खास बात बुली लऐ, के जै-तोड़े खड़े असो, ईन मुँझी कंऐ जैष्णें भे असो, जू जाँव तोड़ी से पंण्मिश्वर को राज्य आँदे ने दे:खो ताँव-तोड़ी से मरी ने बल़्दे।”

सिरमौरी नौवाँ नियम

²⁷ हांव तुऔं कैंई साचौ बुलू, तुऔं मुंजी शै किछै लोग जू इथै खौड़ै औसौ, तिनुमुंजी दै कैतरै ऐशणै औसौ, कै सै आपणै मौरणौ दै औगौड़ियौ पौरमेशवर कै राज्य खै आन्दै दैखदै।”

लूका 9:27 ပူးပေါင်းရင်းမြစ်များ

मत्ती 16:28

“हाँव तुओं खे खास बात बुलू, के ईथे कुछ लोग असो, जुण्जे ताँव-तोड़ी मंऊँत्ती का सुवाद ने चाख्दी, मतल्व ताँव-तोड़ी ने मंर्दीं जाँव तोड़ी आदमी का बैटा तेसके राज्य दा तेसी राज कर्दे ने दे:खो।”

मरकुस 14:25

हाँव तुँओं खे खास बात बुलू, के दाख्ह्-अंगूरोह् का ऐजा रंस हेबी शुभा तेसी बख्त्तों तोड़ी ने पीदी, जाँव तोड़ी हाँव आप्णें पिता के राज्य दा तुँवारी गईलो नुवाँ रंस ने पीऊँ।”

मरकुस 9:1

प्रभू यीशू ऐ आप्णें चैले खे बुलो, “हाँव तुँओं खे खास बात बुलू, के जै-तोड़े ईथै खड़े असो, इन मुँझ्षे कुँऐं-कुँऐं ऐष्णें असो, के जाँव तोड़ी पंणमिश्वर को राज्य शक्त्ति लई आऐयों ने दे:खी पाँव, ताँव-तोड़ी मंऊँती के हाथो दे ने ज़ाँदे।”

लूका 2:26

अरह् पबित्र-आत्त्मा ऐं तैस्खे आगे बुली थो थियो; के जाँव तोड़ी तुऐं प्रभू का मसीया ने दे:खा ताँव तोड़ी तू मंरदा ने।

लूका 22:18

किन्देंखे के हाँव तुँओं खे बुलू, के जाँव तोड़ी पंण्मिश्वर को राज ने आँव; ताँव-तोड़ी हाँव ऐजा “अंगूरोह् का रंस कद्दी ने पींदी।”

यूहन्ना 14:2

मेरे बाबा के घरह् दे बैजाऐ रंहणों की जागा असो, जे हंदी ने; तअ हाँव तुँओं कैई आगे ही बुली देंदा, अरह् हाँव तुओं खे जागा तियार करदा ज़ाँदा लागा।

यूहन्ना 16:7

तबे भे संच्चाऐ तअ ऐजी असो, के मेरो ज़ाँणों तुवाँरी ताँईऐ फ़ाय्देंबंन्द असो; किन्देंखे के जे हाँव ने ज़ाँऊँबा, तअ सेजा मंद्त्तगार मतल्व पबित्र-आत्त्माँ तुओं कैई ने आँदी; परह् जे हाँव ज़ाँऊबा, तअ हाँव तेसी पबित्र-आत्त्मा तुँओं कैई डेयाल़ी देऊँबा।

यूहन्ना 8:59

ऐजों शुँण्दें ही लोगे ऐं प्रभू यीशू गाशी पंथराच़ देंणों खे पाथर थागे; परह् प्रभू यीशू देऊँठी कैई शे ही तिनकी नंजर शे छ़ाँई-माँई हुऐ।

इब्रानियों 2:9

परह् आँमें प्रभू यीशू जू स्वर्गोदूत्तों शे किऐ दाँणिक बख्त्तो खे ही कंम्म करे गुऐ थिऐ, मऊँती के दु:ख भुगणों के कारण बड़ियाऐं अरह् आदर-ईज्जत्त को मुँकुट-ताज लाव अंदो देखो; जू पंण्मिश्वर की कृपा शे से ऐक नाँम आदमी की ताँईऐ तियों मऊँत्ति का स्वाद भे चाखीं पाँव।